ZEREMIAH 17:22 - Mara Bible RV (BSI)

²² Pahânoh ta nama o tawhta hmo phao nama puakhei awpa châ leipa ta, rai nama hria awpa châ hra vei. Châ pathlatuhpazy hnohta bie ei piepa hawhta, Pahânoh cha nama pathaihsa awpa a châ.

ZEREMIAH 17:22 ပူးပေါင်းရင်းမြစ်များ

NEHEMIAH 13:15

Cha nohzy liata, Zudâh râh liata chyhsazy ta kresawhti saohna khaohzy liata Pahânoh ta kre ama saohpa hmô na ta. Sapiahzy alâ vaw paphaosa ei ta. Kresawhtizy, kre theizy, theikuzy nata hmo to vaw paphaosapa ta, Pahânoh ta Zerusale vaw tlôkhei tyh ei ta. Niedo ama zuana noh kyh liata, âmo cha zikyu a râ ei na ta.

PUASAINA 23:12

“Noh charu chhôh na rai hria aw chi ta, a noh sarina noh deikua cha, nâ pahâ tyh awpa a châ. Chatanachata na viahchao tôhpa nata alâ zy chhao a pahâ aw ei ta, na o liata a pihpa sei nata na hnohta a ypa chihropa zy ama tha a dâh hra aw.

ISAI 58:13

“Na phei ta Pahânoh parao leipa sala, Ei noh pathaihpa noh ta na rai hria khah y; Pahânoh cha hmo lychhihpa tah la, Abeipa noh pathaihpa cha, Noh zachhihpa tahpa ta palyupalih mah y; Nâma lâpi a chhih leipa la, Na khopa tao leipa la, Bie reih chakhyh khah y.

ZEREMIAH 17:24

“‘Abeipa ta hetana heta a tah: Ei bie nathliepa ta, Pahânoh ta he khihpi thokhy chhikaozy liata hmophao a ngiakhei leipa u la, Pahânoh pathaihsapa ta rai nama hria leipa khiahta cha,

EZEKIA 20:12

Cha dei châ vei, kei he âmo a pathaisatuhpa Abeipa ei châ tahpa ama pahno thei nawpa ta, âmo nata keima likah liata ngiana châta ei Pahânohzy chhao ei pie ei.

EZEKIA 22:8

Ei hmo pathaihpazy saw ta reih leipa chi ta, ei Pahânohzy na papuapalei.

THEIHTHAINA 19:3

Nama nô nata nama paw nama za chyu awpa châ ta, ei Pahânohzy nama chay awpa a châ. Kei he Abeipa nama Khazohpa ei châ.

THEIHTHAINA 23:3

“Noh charu chhôh rai hria awpa châ ta, a noh sarina noh deikua cha apahâna zachhihpa Pahânoh, pakhypi pathaihpa noh a châ aw. Khâpa rai hmah nama hria awpa châ vei. Cha cha nama pahrâna maih liata Abeipa châta Pahânoh a châ.

ZEKARIA 1:4

Châ pathlatuhpazy hawhna khata y khah u. Hrohsopa hmiatuapazy ta, ‘Pheisaihzy Abeipa ta hetana heta a tah, nama moleina lâpi tawhta nata nama moleina hmotaopazy tawhta tahmâ vaw kua teh u,’ tahpa ta zikyu a râ ei ta, châhrasala nathlie leipa ei ta, na uasa hra veih ei,” Abeipa ta a tah.

LUKA 23:56

O lâ a di ei ta, ropahâhpa nata sathawzy a chhuanoh ei ta. Pahânoh cha biepiepa hawhta a pahâ ei ta.

LUKA 6:5

Chatawhcha ama hnohta, “Chyhsa Sawchapawpa he Pahânoh Beipa a châ,” tah ta.

BIEPHUAH 1:10

Abeipa noh liata Thlahpa ta vaw y na ta, chatawhcha ei hnôhky lâta chiahmie pyu hawhta ao paro ngaitapa thei na ta, ao chata,