ZEREMIAH 17:14 - Mara Bible RV (BSI)

¹⁴ Hy Abeipa, na patlâh mah y, Chatanachata ei vaw tlâh ha aw; Na pachha mah y, Chatanachata pachhapa ta ei y aw; Nâma deita he reithaina ei hlâ tyhpa cha na châ.

ZEREMIAH 17:14 ပူးပေါင်းရင်းမြစ်များ

HLAZY 106:47

Hy Abeipa eima Khazohpa, Miah pachha la, Râh to tawhta miah pakhy heih mah y; Chatanachata na moh pathaihpa chô liata alyna bie reih aw pi ta, Na moh reithaipa ta eima cha parônahsa aw.

HLAZY 109:1

Hy ei reithaipa Khazohpa y, A chalih thlâh ha khah y!

HLAZY 119:94

Na eih châ na ta, Na pachuna a tluapa ei châpa vâta, Na pachha mah y.

HLAZY 12:4

“Eima paleih ta pahnie aw pi ta, Eima hmaozy keimo liata y ta, Eima zibeipa cha ahy ma a châ tly?” A tahtuhpazy chhao, Abeipa ta chhawh pathlah mawh sy.

HLAZY 148:14

A mopathaihpa zydua rônahna châta, A phopi ki cheihchalo ta; A kiapâh liata a ypa Izarei sawzy châta, A phopi ki a cheihchalo haw. Abeipa cha reithai teh u!

HLAZY 54:1

Hy Khazohpa, na moh ta na pachha la, Na thatlôna ta thai na pachâsa mah y.

HLAZY 6:2

Hy Abeipa, zawh nâ ngiah ma y, Ei panao ha hih; Hy Abeipa, na patlâh mah y, Ei ruzy a pasa ngaita.

HLAZY 6:3

Ei hro nôpo ngaita ta, Hy Abeipa, khati taih a châ aw tly?

HLAZY 6:4

Hy Abeipa, a vaw heih la, Ei hro he pachha mah y; Na zawngiahna hluh ngaitapa vâta, Rie na pachha mah y.

HLAZY 60:5

Chatanachata na kyhpachâpazy cha pabohsapa ta eima y aw; Na ku chachâh lâta miah pachha la, Miah a chhy mah y!

ISAI 6:10

Cha phopi palôh cha a kuhchha ha ta, Ama nah ta bie thei thai khao leipa ta, Ama mo ama paso haw. Chata châ vei sala cha, Ama mo ta hmôpa ta, Ama nah ta thei aw ei ta, Ama palôh ta pahnopa ta, Kei lâ a vaw heih aw ei ta, Ei patlâh ha awpa ei tlai,’ Kei tah mah y,” tah ta.

ZEREMIAH 15:20

He phopi châna heta, Dawh thokhy pâhchhô ta ei cha tao aw; Cha pachha awpa nata cha pabohsa awpa ta, Na hnohta ei ypa vâta, Châ dyuh aw ei ta, Cha pahnie aw veih ei, Abeipa ta a tah.

ZEREMIAH 3:23

Hmeiseih ta la tlâhthlôhzy he dôveina dei châ ei ta, Tlâhpizy chô liata pyu paropazy chhao dôveina dei ama châ. Hmeiseihta ta la, Izarei pachhana cha, Abeipa eima Khazohpa lia deita ta a y.

ZEREMIAH 30:17

‘Thy hapa’ cha tah ei ta, ‘He he ahy hmahta pachâ leipa Zaio a châ hih!’ Ama cha tahpa vâta, Tlâhna cha pie heih aw na ta, Na hmahzy ei patlâh aw,” Abeipa ta a tah.

ZEREMIAH 31:18

“Epharai chapa ao hetana heta ei thei: ‘Na chhorei chi ta, Viahchao dawpa hriepa hawhta Eina chhorei chi. Paduapathipa ei châ thei nawpa ta, Nâ chhi pakhua heih mah y, Abeipa ei Khazohpa mah na châ tâh.

ZEREMIAH 33:6

Chatahrasala hnatlâna nata patlâhna vaw tlôkhei aw na ta, patlâh aw ei na ta, thlalôhna kipa nata abohna ei pahmôsa aw ei.

MALUHREINA 12:13

Mawsi ta Abeipa awsao ta, “Hy Khazohpa, Miria he ngiachhiepa ta patlâh mah y, ngiachhiepa ta,” tah ta.

MATHAI 14:30

Châhrasala thlihpipa a hmô nahta, chi ngaita ta, a pamôh pathao ha ta, “Abeipa, na pachha teh,” tahpa ta awh ta.

MATHAI 8:25

A pachupazy a vy ei ta, Zisu cha pahra ei ta, “Abeipa, miah pachha teh, eima leidia hai hih,” tah ei ta.

LUKA 4:18

“Abeipa Thlahpa cha ei chô liata y ta, Dyhchhiepazy hnohta thâtihpha chho awpa ta sathaw eina thu. Atâhpazy hnohta puana bie chho ta, Mochaopazy mopavâsa awpa ta na tuah ta, Tlybaipazy khotalaina pie ta,

RYHPACHANEINA 10:21

Abeipa cha nama reithai awpa a châ. Ano cha nama Khazohpa châ ta, he hmo ronahpa nata rarôh ypa, nama mo ta a hmôpazy a taotuhpa a châ.

RYHPACHANEINA 32:39

“‘Tahmâ he pachâ teh u, Kei, kei deita he Ano cha châ na ta, Keima leipa ta Khazoh hropa rai y veih ei. Thie thei na ta, Ei pahro thei; Hmah paphao thei na ta, Ei patlâh thei; Ei ku tawhta a pachha theipa y veih ei.