ZEREMIAH 17:13 - Mara Bible RV (BSI)

¹³ Hy Abeipa, Izarei hnabeiseihpa y, Châ siesaipa zydua cha maophyuh aw ei ta, Châ tleisaipazy chhao, Abeipa, hrona tihnawh ama siesaipa vâta, Dohlei liata moh ropa hawhta ama leidia aw.

ZEREMIAH 17:13 ပူးပေါင်းရင်းမြစ်များ

HLAZY 22:4

Miah pathlatuhzy ta cha ngâ ei ta, Cha ngâ ei ta, na pachha ei.

HLAZY 69:29

Kei deikua cha pasataopa nata pachârôhpa ta y na ta, Hy Khazohpa, na pachhana ta chô lâ na soh mawh sy.

HLAZY 71:5

Hy Abeipa, nâ cha ei hnabeiseihna châ chi ta, Hy Abeipa, ei hawti no tawhta ei ngâchhâpa na châ.

HLAZY 73:27

Pachâ teh, nâma châ hlapazy cha leidia aw ei ta, Na châta ngâchhih leipazy cha ama chhâna na patlôsa tyh.

HLAZY 97:7

Nothlahpa a chhypa zydua cha, Nozapa ta sopa châ ei ta; Hraoleipa nothlahpa a palaikheipazy chhao, Nozapa ta sopa ama châ. Nâmo, khazoh zydua saih u, Ano a chhy muh vy.

BIESOZY 10:7

Mosiapa atheithlâhna cha vânoh tona châ ta, Moleipa moh deikua cha a thuzao aw.

BIESOZY 14:14

Palôh hnôhsypa cha a hrozie theizy ta pabiepa châ aw ta, Chyhsa phapa chhao a hrozie theizy ta pabiepa a châ aw.

ISAI 1:28

Hmoparaopazy nata moleipazy deikua cha, Hmaohkha ta pahleipadiapa châ aw ei ta, Abeipa a siesaipazy chhao ama leidia aw.

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

ZEREMIAH 14:8

Hy Izarei hnabeiseihpa, Nôpo nota ano pachhatuhpa y, Khazia râh liana heta chihropa hawhta y aw chi ta, Zâ kha rie ta a chapiapa khichhaipa hawhta na y aw?

ZEREMIAH 17:17

Ei châta chichhihpa châ khah y, Nâ cha chhiena noh liata ei chhaipa mah na châ tâh.

ZEREMIAH 17:18

Na taolatuhpazy cha maophyuhpa ta y ei sala, Kei deikua cha maophyuhpa ta na paysa khah y. Âmo cha thlazohpa ta y ei sala, Kei deikua cha thlazohpa ta na paysa khah y; Ama chô liata chhiena noh patlôsa la, Raona a pathopa ta âmo cha parao mah y!

ZEREMIAH 17:5

Abeipa ta hetana heta a tah: “Chyhsapa a ngâchhâpa ta, A sapa cha a thatlôna ta hmâh ta, Abeipa a heihsaina palôh a hneipa cha, Chhiesapa ta y mawh sy.

ZEREMIAH 19:4

Kei na siesai ei ta, âmo nata âmo pathlatuhpazy nata Zudâh beizy ta ama pahno beih leipa khazoh hropazy lâta atheihnazy hlâ ei ta, he su he papuapalei ei ta, thaileina a hnei leipazy thisaih ta ama pabie haw.

ZEREMIAH 2:13

“Ei phopi ta hmo miano ama parao haw: Kei, hrona tihnawh he na siesai ei ta, Âmo châta tikhaoh â chao ei ta, Ti a o thei lei awpa tikhaoh amâ chao.

ZEREMIAH 2:17

Abeipa na Khazohpa ta lâpi liata a cha chhihtha nota Nâ râsaipa vâta, Nâma tlai ta cha hmo cha Na chô liata na patlôsapa châ vei ma?

ZEREMIAH 50:7

A hmôpa maihta âmo cha palâ ei ta, Ama chariahpazy ta, ‘Keimo thaileina châ vei, Âmo tlai ta siana pahrâna Abeipa chô liata molei ei ta, Âmo pathlatuhpazy hnabeiseihna Abeipa chô liata ama moleipa vâta a châ,’ ama tah.

EZEKIA 13:9

Aluahna phichhyhpa a hmôpa nata haipa ta a pachaopadâhpa hrohsopazy chô liata ei ku ei hy aw. Ei phopi pakhypi liata a hlao leipa aw ei ta, Izarei pathlazy moh rona liata ropa châ hra leipa aw ei ta, Izarei râh a ngia aw veih ei. Chatanachata Abeipa Zehôvâh ei châ tahpa nama pahno aw.

EZEKIA 16:63

Na hmotaopa zydua vâta chatlaina ei cha taopa tita, na moleinazy a thei heihpa ta nozaohpa ta y aw chi ta, na nozapa vâta na pakah â khao aw va chi,” Abeipa Zehôvâh ta a tah.

EZEKIA 36:32

Cha hmo cha nâmo vâta ei tao awpa cha vei tahpa pahno muh vy, Abeipa Zehôvâh ta a tah. Hy Izarei pathlazy saih u, nama hroziezy vâta nama noza sala, nama nohzao mawh sy.

DÂNIAH 12:2

Chatawhcha alei dohlei liata â môpa chyhsa hluhpi a vaw hra aw ei ta, thokha tlyzaw hrona lâ sie aw ei ta, thokha nozana nata tlyzaw thaileichâna lâ ama sie aw.

ZÔELA 3:16

“Abeipa cha Zaio tawhta a rôhpa ta, Zerusale tawhta ao papua ta, Alei nata avâ amâ chalyu. Châhrasala Abeipa cha, A phopi châta amâ chhaina châ ta; Izarei sawzy châta ama thokhy a châ.”

ZEKARIA 13:1

“Cha noh liata, ama moleina pathai nawpa nata ama puana pasi nawpa ta, Dâvi pathlazy nata Zerusale mozy lâta tihnawh pahypa a châ aw.”

ZEKARIA 9:12

Hnabeiseihna a hneipa atâhpazy saih u, Nama thokhy lâ kua teh u; Tanoh tlai ta ei phuah, A lie no ta ei cha thô aw ei.

LUKA 10:20

Châhrasala thlahpazy nama rei sai ta ama ypa vâta a ly leipa u la, vârâh liata nama moh ropa a châpa vâta tlao a ly teh u,” tah ta.

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

HMOTAOPAZY 28:20

Cha kyh vâna chata, nâmo châ hmô awpa nata bie cha reikhei awpa ta ei châ hawpa ei a châ, Izarei hnabeiseihpa vâta, he bâlia he a kypa châ tlôh na ta,” tah ta.

1 TIMAWTHY 1:1

Kei, Pawla, Khazohpa miah Pachhatuhpa nata Krista Zisu eima hnabeiseihna biepiepa hawhta Krista Zisu lyuhchâpa ta

BIEPHUAH 20:15

Ahy rai hrona châbu liata a moh ropa hmô awpa a y leipa cha, mei tipo liata thypa a châ.

BIEPHUAH 21:6

Chatawhcha ei hnohta, “A ngoh haw! Kei he Alphâ nata Ômekâ châ na ta, âthaona nata achhâna ei châ. Dâhphipa hnohta hrona tihnawh tawhta ti a saipa ta ei pie aw.

BIEPHUAH 22:1

Chatawhcha vâlyuhchâpa ta hrona ti chavah, lôsôhpa pasohpa hawhta a patliepa, Khazohpa nata Mietakutaw beidyuchhai tawhta a vaw lohpa na pahmô ta.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.

BIEPHUAH 7:17

Beidyuchhai liah liata a tyuhpa cha, Âmo vaituhpa a châ aw; Hrona tihnawhzy lâ âmo a chhi aw ta, Ama mo liata mothlih zydua Khazohpa ta a hru khai aw,” tah ta.