ZEREMIAH 17:11 - Mara Bible RV (BSI)

¹¹ Hmo doleipa taopa ta a hneirôhpa cha, Ano tih leipazy tlô ta a pakeisapa Bykheihpa hawhta a châ; A lochona daihti liata ano cha siesai aw ei ta, A chhâna lâta cha ahrupa lâta a pua aw.

ZEREMIAH 17:11 ပူးပေါင်းရင်းမြစ်များ

ZAWBÂ 20:21

A nie khai tawhta laibâhpa rai y khao tyh leipa ta, Chavâta a hneinazy a daih parei aw vei.

HLAZY 49:13

He he hru riahphapazy lâpi châ ta, Ama biereipa a pyhtuhpa nata a zituhpazy tovyuh a châ. Selah

HLAZY 55:23

Châhrasala Hy Khazohpa, Moleipazy cha leidiana khaohtlô liata pathla aw chi ta, Thisaih a palopa nata chyhsa a dôveipazy cha, Ama chhâ khophie chhao hroh aw veih ei. Kei deikua cha, nâ ei cha ngâ aw.

BIESOZY 13:11

Dôveina ta sôh hmôpa cha pai aw ta, Hriapasana ta hmôpa deikua cha a pôh aw.

BIESOZY 15:27

Athôhna doleipa hmô khohpa ta karâypa chyhsa cha, A chhôhkha châta tymâna tlôkhei ta; Panaopapana a haopa deikua cha, A hro a pareih aw.

BIESOZY 21:6

Paleih haihthaipa ta sôh hmôpa cha, Ti hu a lei haipa nata thina khoheih a châ.

BIESOZY 23:5

Sôh cha na hmôpa nahta thlai a pai tyh; A mathlaw kaw thao ta, Pahmôh hawhta avâ lâ â zaw syulyu ha tyh.

BIESOZY 28:16

Novâhna a phahlapa ryureituhpa cha, Tlybaituhpa nôchhiepa châ ta; Adoleipa ta athôhna hmôpa a haotuhpa deikua cha, A hro chhôh kôzy a pasisa aw.

BIESOZY 28:20

Chyhsa ngâchhihpa cha byhnâ hluhpi to aw ta, Hneirôh patoh a chhuahpa deikua cha hrie leipa ta pua aw vei.

BIESOZY 28:22

Chyhsa riakhiehpa cha hneirôh awpa ta a para ta, Leina ta a vaw tlô thlu aw tahpa pahno vei.

BIESOZY 28:8

A pôhna chadaipa ta a sôh a papôhsatuhpa cha, Dyhchhiepazy chô liata riaphapa châta a sôh cha a pachô.

ZEREMIAH 22:13

“Sialeina ta a o sa ta, Adoleina ta a o chô chhôhpadâhpazy taopa ta, A saipa ta a vaih tha hmâh ta, A hria hlaozy a pie leipa chyhsa cha, A hu a po na.

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”

ZEREMIAH 6:13

“A nawh chaipa tawhta a lai chaipa taihta, Chyhsa to karâyna ta bie ei ta, Â doleipa ta athôhna ama tlua; Hrohsopa nata theihthaipa a hlaopa ta, Chyhsa to ta hmo doleipa ama tao.

ZEREMIAH 8:10

“Chavâta ama lapinôzy cha mohropazy pie aw na ta, Ama lyuzy chhao âmo a pahnietuhpazy ei pie aw ei. Chyhsa to, a chyh chaipa tawhta a lai chaipa taihta, Athôhna doleipa liata karâypazy châ ei ta, Hrohsopa nata theihthaipa zy taihta Chyhsa ama dôveipa vâta, Cha hmozy cha ama chô liata ei tao aw.

AMÔSÂ 3:10

“Ama thokhy chhôh liata thachahra hmâh ei ta, Hraona a pachôpazy châta la, Â dopa ta hmo taozie pahno veih ei,” Abeipa ta a tah.

MIKÂ 2:9

Ei phopi chanôzy cha, Ama ngiaryh kawna ama ozy tawhta papua ei chi ta, Ei rônahna cha, Ama sawzy tawhta chhâzaw ta nama lapa haw.

MIKÂ 7:3

Ama kuzy ta moleina hmo taopa a saomâ kaw ta, Beimachâ nata ryureituhpa zy ta Panaopapana amâ hnaw; Molaipa ta a palôh ta moleina hmo a tao khohpa reih papua ta, Cha hawhna chata ama patipatyh khoh tyh.

ZEPHANIA 1:9

Cha noh liata, Panana châkeih a zawpakhô tyhpa zydua hrie aw ei na ta, Thachahra hmâna nata dôveina ta ama khazoh o a pabiepazy ei hrie aw ei.

ZEKARIA 5:4

“Chhiesana cha tuah aw na ta, parutuhpa o a ngia aw ta, haipa ta ei moh ta bie a taihpa ochhôh chhao â ngia aw. Ama o liata y aw ta, tho nata lô zydua a tlô khaina taihta a kâ khai aw,” Pheisaihzy Abeipa ta a tah.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

1 TIMAWTHY 6:9

Hneirôh a chhuahpazy ta reipasaona liata a ngia ei ta, khoheih liata amâ ao tyh. Âmo a parao thei awpa hmozy khoh ei ta, hru kawpa ta hmo taopa ta, ama pao tyh. Hneirôh khona ta chyhsazy cha raona nata leidiana liata a pamôh tyh ei.

TITU 1:11

Cha sahlao cha ama pakah chahu awpa a châ. Avyuhna nozachhihpa ama tao thei nawpa ta, pachu lei awpazy pachu ei ta, chhôhkha zydua ama patypamâ.

2 PITY 2:14

Ama mokhaoh cha apheina ta bie ta, moleina hmo taona liata ama rih a bie beih leipa ama châ. Chyhsa a i leipazy sydie ei ta, karâhneina palôh phaoh ei ta, chhiesapa sawzy ama châ.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.