ZEREMIAH 17:1 - Mara Bible RV (BSI)

¹ “Zudâh moleina cha thua châsôh ta ropa châ ta, lônah hmao pazaopa hmâpa ta, ama pathipalôh lôphiapa nata ama maisâh kizy liata khiepa a châ.

ZEREMIAH 17:1 ပူးပေါင်းရင်းမြစ်များ

BIESOZY 3:3

Ngâchhihna nata biehmeiseihpa ta châ heihsai khah sy; Na rao liata chazei la, Na palôh lôphiapa liata roh ha mah y.

BIESOZY 7:3

Na kuparozy liata a ky la, Na palôh lôphiapa liata roh mah y.

ISAI 49:16

Nathlie teh, ei kupazahzy liata cha roh ha na ta, Na thokhyzy ei hmiakô liata khâ ama y.

ZEREMIAH 11:13

Hy Zudâh y, na khazohzy cha na khihpi zie tlai châ ei ta, Bâlâ lâta atheihna hlâ nawpa ta maisâh na taopa, maophyuh nawpa ta maisâh na paduapazy cha, Zerusale khih chhôh lâpi zie tlai ta a hluh.

ZEREMIAH 2:22

Lôiah ta a sipa ta sâhbaw hluhpi hmâh hra la, Na thaileichâna a baipa kha, Khâ ei hmô thlâh ha chy,” Abeipa Zehôvâh ta a tah.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEREMIAH 4:14

Hy Zerusale, pachhapa ta na y thei nawpa ta, Hmo pha leipa tawhta na palôh pasi ha mah y. Khachâ taih ma pachâna moleipa nâ vao aw?

HÔSIA 12:11

Kilia liata moleina a y khiahta cha, Hraoleipa lâta ama pua tlai aw: Kilkal liata viahchao tôhpazy ta atheihna hlâ ei ta, Ama maisâhzy cha, Leipalie tlâh liata Alô pahmaohpa hawh dei a châ.

HÔSIA 7:2

Ama moleina zydua ei pahno khaizie Ama palôh liata pachâ veih ei. Ama hmotaopazy ta âmo cha chadô ta, Ei hmia liata amâ lâ khai.

HÔSIA 8:11

Epharai cha moleina atheihna maisâh hluhpi tao ta, Châhrasala moleina taona maisâhzy lâta amâ lie haw.

THEIHTHAINA 4:25

Theihthaipa ta moleina hlâna thisaih cha a kudy ta la aw ta, raopa hlâna maisâh kizy liata hnia aw ta, thisaih laibâhpazy cha raopa hlâna maisâh thaby liata a patlai khai aw.

ZEKARIA 7:12

Ama palôh cha pachielô châkarôpa hawhta pachâsa ei ta, Pheisaihzy Abeipa Thlahpa ta hrohsopa hmiatuapazy hmâpa ta a reipa ryhpa bie nata chhoreina biezy nathlie khoh veih ei. Chavâta Pheisaihzy Abeipa hiehâhna rarôh ypa cha vaw tlô ta.

2 KAWRINI 3:3

Nâmo he Krista ta keimo miah a parosapa Krista châpaphaopa châ ei chi ta, châti ta ropa châ leipa ta, lôphia liata ropa châ hra leipa ta, Khazohpa hrohpa Thlahpa ta chyhsa palôh phiapa liata ropa nama châzie a siapa ta nama palâsa haw.