ZEREMIAH 16:6 - Mara Bible RV (BSI)

⁶ Molaipa chhao mochyhpa chhao, he râh liata ama thi aw. Pabupa châ leipa aw ei ta, ahy hmahta âmo châta mâchhiesa leipa aw ei ta, a sapa â âpa tlyma, a luh â papôlôpa tlyma y aw veih ei.

ZEREMIAH 16:6 ပူးပေါင်းရင်းမြစ်များ

2 THÂTIHZYRONA 36:17

Chavâta âmo a dyuh awpa ta, Abeipa ta Kaldia bei pathyusa ta, ano ta ama satliazy ama supathaihpa o liata zaozi ta thie ta, satlia nata laihsa, machâpa nata pawpi nôpipazy chhao ngiachhiena rai hnei leipa ta thie lymâ ta. Abeipa ta Zerusale khihsawzy cha Kaldia bei ku liata a hlâ khai ha ei.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ISAI 24:2

Vâtlâh chô liata hmo a tlôpa hawhta, Theihthaipa chô liata chhao tlô aw ta, Seichapaw chô liata hmo a tlôpa hawhta, A zibeipa chô liata chhao a tlô aw. Seichanô chô liata hmo a tlôpa hawhta, A zibeinô chô liata chhao a tlô aw. A chaleituhpa chô liata hmo a tlôpa hawhta, A zuahtuhpa chô liata chhao a tlô aw. Dyu a pacheisatuhpa chô liata hmo a tlôpa hawhta, Dyu a cheituhpa chô liata chhao a tlô aw. A pôhna a chadaipa ta dyu a pacheisatuhpa chô liata hmo a tlôpa hawhta, A pôhna a pietuhpa chô liata chhao a tlô aw.

ZEREMIAH 13:13

Chatawhcha ama hnohta, ‘Abeipa ta hetana heta a tah: Pachâ teh u, he râh liata a pahrâpa zydua, Dâvi beidyuchhai liata a tyuhpa beizy, theihthaipazy, hrohsopazy nata Zerusale khihsaw zydua parina ta ei pabie khai aw ei.

ZEREMIAH 16:4

Hri chhiepa ta ama thi aw. Âmo châta mâchhiesapa châ leipa aw ta, pabupa châ aw veih ei. Alei liata ie hawhta ama y aw. Zaozi nata chakâhna ta thi aw ei ta, ama rizy cha avâ pavawzy nata alei sazy lao a châ aw.

ZEREMIAH 41:5

Sekhe, Silô nata Samâri khihpizy tawhta chyhsa sychariezy cha, ama kâhhmizy ngyupa ta, ama chysiazy hriepa ta nata ama pôhpazy âpa ta vaw tlô ei ta. Abeipa Achhyna o liata hlâ awpa niepa hlânazy nata ropahâhpazy vaw phaoh ei ta.

ZEREMIAH 47:5

Kâza luh pôlô ha ta, Askelaw a leidia haw. Hy bypi liata laibâhpazy saih u, Khati taih ma nâmosasyh ta hmah namâ paphao chy aw tly?

ZEREMIAH 48:37

Luh to papôlôpa châ ta, Kâhhmi to ngyupa a châ. Ku zydua âpa châ ta, Chai liata latho poh a saipa a châ.

ZEREMIAH 7:29

“Hy Zerusale y, na sâ a ngyupa ta thy la, Awphy tlâh lakizy liata chaphôhtu teh; Abeipa hie a pahâhtuhpa chhâ moleipa he, Abeipa ta dytha ta a siesai haw.”

ZEREMIAH 8:2

kyh ama pachâpa, ama chakaopa, ama pazipa, ama tluapa nata amâ chhypa noh, thlâpâ nata awhsi zydua hmiakô liata zawpa ama châ aw. Pakhypa châ khao leipa aw ei ta, pabupa châ hra aw veih ei. Ie hawhta alei chô liata pasichhihpa ta ama y aw,” Abeipa ta a tah.

THEIHTHAINA 19:27

Na siahli padôpa ta na luh nâ ngyu awpa châ leipa ta, na kâhhmi paizy na tai awpa châ vei.

THEIHTHAINA 19:28

Athihpa châta nama pôhpa nama â awpa châ leipa ta, nama pôhpa nama chapai awpa châ vei. Kei he Abeipa ei châ.

AMÔSÂ 6:11

Pachâ teh u, Abeipa ta bie a pie haw; O laipa cha a bo bo ta pachhaihpa châ aw ta, O chyhpa chhao a tlawh tlawh ta pachhaihpa a châ aw.

MATHAI 9:23

Zisu cha ryureituhpa o a tlô nahta, ramo tôtuhpazy nata zawpi a tymâ ngaitapazy hmô ta,

RYHPACHANEINA 14:1

“Abeipa nama Khazohpa sawzy nama châ. Athihpa châta sasyh namâ â awpa châ leipa ta, nama khipâh sâ ngyupa ta nama patlyh awpa châ vei.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.

BIEPHUAH 6:15

Chatanachata lei beizy, molaipazy, pheisaih hyutuh chaipazy, hneirôhpazy, thatlôpazy, sei nata khotalaipazy, chyhsa to cha lôpuzy liata nata tlâhpi liata lôpanôzy liata a nyu ei ta,