ZEREMIAH 16:5 - Mara Bible RV (BSI)

⁵ “Abeipa ta hetana heta a tah: He phopi tawhna heta ei thlalôhna la ha na ta, ei kyhpachâna nata zawngiahna chhao ei la haw. Chavâta mâchhiesana o liata a ngia leipa la, âmo châta chaphôhtu awpa ta tlyma, taokhei awpa ta tlyma, vawh hra khah y, Abeipa ta a tah.

ZEREMIAH 16:5 ပူးပေါင်းရင်းမြစ်များ

HLAZY 25:6

Hy Abeipa, na zawngiahna a thei la, Na ngâchhihna a thei mah y; Hlâno tawhta a y hapa châ tlôh ei ta.

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ZEREMIAH 12:12

Râhchawhpa awphy tlâh lakizy liata, Paraotuhpa vaw tlô ha ta, Râh chhâna hiakha lâ tawhta hiakha lâ taihta, Abeipa zaozi ta a palâ khai haw; Thlalôhpa ta ahy hmah y thei khao veih ei.

ZEREMIAH 13:14

Âmo nata âmo pasukhysa aw ei na ta, pawzy nata sawchapawzy amâ sukhy aw. Âmo pahleipadia lei awpa ta, ngiachhie leipa aw ei na ta, pahlôh hra leipa aw ei na ta, ei tha pasa aw veih ei,’” Abeipa ta a tah.

ZEREMIAH 16:13

Chavâta he râh tawhna heta cha papua aw ei na ta, nâmo nata châ pathlatuhpazy ta nama pahno beih lei­pa râh lâ ei cha pazaw ha aw ei. Cha liata chhô nah zâ ta khazoh hropazy nama chakao aw, cha ngiachhie khao aw veih ei na,’” Abeipa ta a tah.

CHAPHÔHTUNA 3:17

Hro thlalôhna ta nâ hneisai ha ta, Alyna cha kheihta ma a y tahpa ei my haw.

ZEKARIA 8:10

Kha daihti hlâta cha, chyhsazy châta hria hlao hmô nawpa y leipa ta, sahrohzy châta chhao, hria hlao hmô nawpa y vei. Âmo nata âmo ei padyuhsa khai hapa vâ ei ta, chariahpazy tawhta a boh leipa ei ta, ama tao awpazy thlalôhpa ta tao thei veih ei.

RYHPACHANEINA 31:17

Cha noh ta ama chô liata ei pathi ia aw ta, ei pathlua aw ei. Âmo tawhta ei hmia nyu aw na ta, pahleipadiapa ama châ aw. Hmo pha leipa nata nôpona hluhpi ama chô liata tlô aw ta, cha noh ta, ‘Eima Khazohpa eima hnohta a y leipa vâta, he hmo pha leipa he eima chô liata a vaw tlôpa châ vei ma?’ ama tah aw.

BIEPHUAH 6:4

Arâ hropa, asaihpa vaw pua ta. A chô liata a kiahpa cha, chyhsazy âmo nata âmo pathiesa ta, khizaw tawhta adyhna lapapua awpa ta pasaina piepa châ ta, a hnohta zaozi laipa piepa a châ.