ZEREMIAH 16:21 - Mara Bible RV (BSI)

²¹ “Chavâta pachâ teh u, Ei thatlôna nata ei hmotaotheina pahnosa aw ei na ta, Ei kha ta chhâzaw a daih awpa ta ei pahnosa aw ei. Chatanachata ei moh cha Abeipa a châ tahpa ama pahno aw,” Abeipa ta a tah.

ZEREMIAH 16:21 ပူးပေါင်းရင်းမြစ်များ

HLAZY 83:18

Nâ deita he Zehôvâh moh a phaohpa châ chi ta, Khizaw zydua liata Chônôchaipa na châ tahpa ama pahno aw.

HLAZY 9:16

Abeipa cha anosasyh ta a pahnosa ta, Adona ta ryu a reihpa a châ; Moleipazy deikua cha, Âmo khoheih chôpa liata amâ ao tyh. Hikaiô. Selah

PUASAINA 14:4

Phiraoh palôh kuh pachhasa aw na ta, âmo cha a chadai aw ta, Phiraoh nata a pheisaih zydua hmâpa ta palyupalihna ei hlao aw. Chatanachata Izi mo ta kei he Abeipa ei châ tahpa ama pahno aw,” tah ta. Izarei sawzy ta cha hawhna chata tao ei ta.

PUASAINA 15:3

Zehôvâh cha chariah a dyuhpa pasaipha châ ta, A moh Zehôvâh a châ.

PUASAINA 6:3

Abarahâ, Aisika nata Zakaw zy hnohta Khazohpa Atotaotheipa ta a vaw luah na ta, ei moh Zehôvâh ta deikua cha ama hnohta a pahnosa va na.

ISAI 43:3

Kei he Abeipa na Khazohpa châ na ta, Izarei Mo Pathaihpa ei châ; Châ pachhatuhpa châ na ta, Izi cha nâma chatlaina sôh ta ei pie; Kusi nata Sibâ chhao, Nâma vyuhpa ta ei pie.

ZEREMIAH 33:2

“Alei tao ta, pizie hneipa ta paysa ta a paduatuhpa Abeipa, a moh Zehôvâh ta hetana heta a tah:

EZEKIA 24:24

Cha hawhna chata Ezekia cha nama châta ngiana châ aw ta, a taozie lymâ hawhta nama tao awpa a châ. Cha hmo cha a vaw tlô tita, Abeipa Zehôvâh ei châ tahpa nama pahno aw,’ tahpa ta reih mah y, a tah,” tah na ta.

EZEKIA 24:27

Cha noh liata, a râpa hnohna chata na pakah â aw chi ta, a hnohta bie reih aw chi ta, a chalih thlâh ha khao aw va chi. Chatanachata âmo châta ngiana châ aw chi ta, Abeipa ei châ tahpa ama pahno aw,” tah ta.

EZEKIA 25:14

Ei phopi Izarei ku ta Edômâ chô liata ei phuh la aw na ta, ei hiehâhna nata ei pathiiana lymâ hawhta Edômâ chô liata tao aw ei ta, chatanachata kei ta phuh ei lapa a châzie ama pahno aw, Abeipa Zehôvâh ta a tah.

EZEKIA 6:7

Ama thiepazy nama hry liata pao aw ei ta, Abeipa ei châ tahpa nama pahno aw.

AMÔSÂ 5:8

Awhsicharu nata Vaothawlâpia zy tao ta, Thina nohpahli cha my pachâsa ta, Chhô chhao zâ zohpa ta taopa ta, Tilaipi tizy aw ta alei chô lia a patlaituhpa cha, A moh Zehôvâh a châ.