ZEREMIAH 16:17 - Mara Bible RV (BSI)

¹⁷ Ama hrozie zydua ei hmô khai. Kei tawhta a nyu thei leipa ei ta, ama paraona chhao ei mo tawhta a nyu thei vei.

ZEREMIAH 16:17 ပူးပေါင်းရင်းမြစ်များ

2 THÂTIHZYRONA 16:9

Abeipa mo cha, ano lâta palôh tlokhuh a paheihpazy thatlôpa ta bao awpa ta, khizaw zydua a tawpâ thlâh ha mâh tâh. Hru kawpa ta hmo tao chi ta, tahmâ tawhta cha, chariah a dyuh awpa khâ na hnei aw,” tah ta.

ZAWBÂ 10:14

Ei molei khiahta cha, Na moh chi ta, Ei paraona nâ ngiahthai khoh va chi.

ZAWBÂ 31:4

Ei lâpizy hmô ta, Ei phei chakâpa zydua a reih khai vei ma?

HLAZY 109:15

Ama moleinazy Abeipa hmiakô liata khâ y sala, Âmo atheithlâhna alei tawhta chhawh pathlah ha mawh sy!

HLAZY 139:3

Ei siepa nata ei môpa zy liahsa na moh chi ta, Ei hrozie zydua na pahno khai.

HLAZY 33:15

Ama palôh zydua a taotuhpa chata, Ama hmotaopa zydua a ngia lymâ.

HLAZY 51:9

Ei moleinazy tawhta na hmia nyu la, Ei paraona zydua pahlei khai mah y.

HLAZY 90:8

Eima paraonazy na hmiakô liata soh chi ta, Arulâta eima moleinazy chhao, Na hmia khaihna liata na soh tyh.

BIESOZY 15:3

Abeipa mo cha su to liata y ta, Hmo chhiepa nata hmo phapa zy a sai thlâh ha tyh.

BIESOZY 5:21

Chyhsapa lâpizy cha Abeipa hmiakô liata y ta, A siena lâ maih Abeipa ta a moh tyh.

ISAI 29:15

Ama ryhraopa Abeipa tawhta nyu awpa ta, Su a thu ngaitapa lâ a pangaipazy cha, Ama hu a po na! Zohna ry liata hmo tao ei ta, “Ahy ma miah a hmô aw? Ahy ma miah a pahno aw?” Ama tah tyh.

ISAI 66:18

“Ama hmotaopazy nata ama pachâpazy ei pahno. Râh to nata reih to ei chhipakhy nawpa daihti a vaw tlô hai. A vy aw ei ta, ei rônahna ama hmô aw.

ZEREMIAH 2:22

Lôiah ta a sipa ta sâhbaw hluhpi hmâh hra la, Na thaileichâna a baipa kha, Khâ ei hmô thlâh ha chy,” Abeipa Zehôvâh ta a tah.

ZEREMIAH 23:24

“Ei hmô thei lei nawpa ta, su nyupazy liata a nyu theipa ama y ma?” Abeipa ta a tah. “Avâ nata alei he kei ta bie thlâh ha va na ma?” Abeipa ta a tah.

ZEREMIAH 29:23

Izarei râh liata hmo chhie ngaitapa taopa ta ama vaih lapinôzy liata a phei ei ta, bie ei pie leipa pi tlai ta, ei moh ta haipa biezy ama reipa vâta, cha hawhta taopa ama châ aw. Cha cha a pahnotuhpa nata a pahnokheituhpa ei châ,” Abeipa ta a tah.

ZEREMIAH 32:19

ryhrao thai ngaitapa nata hmotao thei ngaitapa na châ. Chyhsapa sawzy hrozie zydua na mo ta a hmôtuhpa châ chi ta, chyhsa to ama hrozie nata ama hmotaopazy theilâpa hawhta lymâ a pietuhpa na châ.

ZEREMIAH 7:11

He keima moh tlai ta bipa o he, parutuhpazy lôpu hawhta ma nama mo liata a y haw? Pachâ teh u, cha cha keima tlai ta ei hmô haw, Abeipa ta a tah.

EZEKIA 8:12

Chatawhcha ei hnohta, “Chyhsa sawchapawpa y, Izarei pathla machâzy ama khazoh nothlahpa chhôhpadâhpa chyu liata y ei ta, zohna liata hmo ama taopazy kha na hmô ma? ‘Abeipa ta miah hmô bao vei, Abeipa ta râh he a siesai ha bao na,’ ama tah khaw,” tah ta.

EZEKIA 9:9

Abeipa ta ei hnohta, “Izarei nata Zudâh pathlazy moleina rarôh a y tu haw. Râh cha thisai ta bie ta, khihpi chhao avyuhna ta a bie. ‘Abeipa ta râh siesai ha ta, Abeipa ta hmô vei,’ ama tah.

ZEPHANIA 1:12

Cha daihti liata, Meiôh ta Zerusale ei tlua aw; Nyu chaopahrâ liata Kresawhti didâh hawhta Chhôhmohpa ta y ei ta, Ama palôh liata, ‘Abeipa ta hmo phapa tao leipa aw ta, Hmo chhiepa chhao tao hlei aw vei,’ A tahtuhpazy ei hrie aw ei.

ZEKARIA 4:10

A nawraih kawpa ta pathao daihti a mohnao kawpazy khata, Zerubâbe ku liata thliena ri ama hmô tita la, amâ ly ngaita aw. Kha mokhaoh miasaripazy kha, alei chô zydua a hmô pahlie khaipa Abeipa mozy ama châ,” tah ta.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.