ZEREMIAH 16:16 - Mara Bible RV (BSI)

¹⁶ “Moh teh u, nga patutuhpa hluhpi tuah aw na ta, âmo ta Izarei sawzy cha ama patu aw. Cha khai tawhta sakathaipa hluhpi tuah heih aw na ta, âmo ta tlâhpi to nata tlâhthlôh to liata Izarei sawzy cha tlua aw ei ta, lôpanô khaoh to liata ama tlua aw.

ZEREMIAH 16:16 ပူးပေါင်းရင်းမြစ်များ

ÂTHAONA 10:9

Abeipa hmiakô liata sakathaipa mohpathâhpa châ ta, chavâta “Abeipa hmiakô liata sakathaipa mohpathâhpa Nimraw hawhta,” tahpa ta rei tyhpa a châ.

ISAI 2:21

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 7:19

A vy aw ei ta, saikao athupa liata zy, lôpanô keina khaoh liata zy, ahloh buh zydua chô liata nata ti yna zydua liata ama pahrâ aw.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 4:29

Arâ pheisaihzy nata likathaipazy pyu vâta, Khihpi to amâ râpai haw. Râhmâhpazy liata a ngia ei ta, Lôpanôzy ama kiah. Khihpi zydua siesai khai hapa châ ta, A chhôh liata a pahrâpa y khao veih ei.

ZEREMIAH 49:5

Pachâ teh, na chheipâh chyhsa zydua tawhta Na chô liata chichhihna ei vaw patlôsa aw; Chyhsa to su to lâta to papuapa châ aw ei chi ta, Arâpazy a pakhy awpa y aw veih ei,” Pheisaihzy Abeipa Zehôvâh ta a tah.

ZEREMIAH 6:9

Pheisaihzy Abeipa ta hetana heta a tah: “Izarei laibâhpazy cha, Kre thei kâmo thohpa hawhta Tlokhuh kâmo thohpa châ ei sala; Kre thei lyutuhpa hawhta, A chiahzy pathâpazi heih teh u.”

CHAPHÔHTUNA 4:18

Chariahpazy ta eima hnie chathô ei ta, Chavâta eima khiliah liata chhao charei thei khao ma pi; Eima chhâna a hniapa ta eima nohzy reipati hapa châ ta, Eima chhâna a vaw tlô haw.

CHAPHÔHTUNA 4:19

Miah a chadaituhpazy cha Avâ pahmôhpizy hlâta ama chatlie via; Tlâhpizy liata miah a chadai ei ta, Râhchawhpazy liata miah amâ byh.

HÔSIA 10:10

Pha ei tahna daihti liata Ei chhorei aw ei; Âmo a dyuh awpa ta, Phopizy a baopasu aw ei ta; Ama moleina a pathopazy vâta, Patupa ama châ aw.

AMÔSÂ 4:2

Abeipa Zehôvâh ta A pathaihna moh reipa ta bie â taih ha ta, Moh teh u, nohzy a cha vaw tlô thlu hai ei; Thua akopazy ta ama châ chhi nawpa noh vaw tlô hai ta, Nama sawzy taihta keipa ta amâ chhi nawpa noh a vaw tlô hai.

AMÔSÂ 5:19

Chyhsa ta chakeibarôhneipa tawhta a râ ta, Chavyh ta tlao â tyhpa hawhta châ aw ta, O liata a ngiapa ta pâhchhô liata a ku pahnieh ta, Parih ta a pachu pylypa hawhta a châ aw.

MIKÂ 7:2

Khazohpa chyhsa cha, Alei tawhta leidia ha ta; Chyhsapa hry liata Adopa rai y khao veih ei; Thisaih palo awpa ta a byhpa sai châ ei ta, Sao ta a unawhpa a chadipa sai ama châ.

ZEPHANIA 1:12

Cha daihti liata, Meiôh ta Zerusale ei tlua aw; Nyu chaopahrâ liata Kresawhti didâh hawhta Chhôhmohpa ta y ei ta, Ama palôh liata, ‘Abeipa ta hmo phapa tao leipa aw ta, Hmo chhiepa chhao tao hlei aw vei,’ A tahtuhpazy ei hrie aw ei.

1 SAMUELA 24:11

Ei pâ, moh tua, vaw moh tua rai, na poh pai chhao ei chaba thlâh ha hih. Na poh pai ei tai thei thlâh hapa ta, nâma ei cha thie leipa kha, ei ku liata paraona nata abei adyuhna rai y vei tahpa na hmô awpa nata na pahno awpa ei khopa vâta a châ. Ei hrona la a chhuahpa ta na tlua ngâ hra la, na chô liata molei va na.

1 SAMUELA 26:20

Chavâta ei thisaih cha Abeipa hmô leina alei liata tla khah sy. Chyhsa ta bykheihpa a byhpa ta, tlâh liata râh â khiepa hawhta ma, Izarei bei pi tlai ta ihlih miakha tluapa ta a vaw pua,” tah ta.