ZEREMIAH 15:5 - Mara Bible RV (BSI)

⁵ “Hy Zerusale y, ahy ma cha ngiachhie aw ta, Ahy ma a pachâ châ rôhkhei aw? Ahy ma na thâtih cha hiahri awpa ta, Nâ lâ a vaw tlei khoh aw?

ZEREMIAH 15:5 ပူးပေါင်းရင်းမြစ်များ

ZAWBÂ 19:21

Hy nâmo, ei viasazy saih u, Na ngiachhie u la, rie na ngiachhie muh vy; Khazohpa ku ta eina hria ha hih!

HLAZY 69:20

Reipachhienazy ta ei palôh pasasa ei ta, Pachârôhpa ta ei y. Nâ ngiachhie awpa tlua na ta, Châhrasala ahy hmah y veih ei; Thlah nâ palôh awpa tlua na ta, Châhrasala pakha hmah hmô veih ei na.

PUASAINA 18:7

Mawsi cha a puhpa dy awpa ta pua ta, a bôh ta, a pahnâ ta. Thâtihzy a hiahri raihrie ei ta, poh o chhôh lâ a ngia ei ta.

ISAI 51:19

He hmo miano heta cha vaw tlô thlu ta, Ahy ma na hna châ pangâh aw? Roryhrana nata paraona ta cha vaw tlô thlu ta, Ahy ma thlah châ palôh aw? Chakâhna nata zaozi ta cha vaw tlô thlu ta, Ahy ma thlah châ palôh aw?

ZEREMIAH 13:14

Âmo nata âmo pasukhysa aw ei na ta, pawzy nata sawchapawzy amâ sukhy aw. Âmo pahleipadia lei awpa ta, ngiachhie leipa aw ei na ta, pahlôh hra leipa aw ei na ta, ei tha pasa aw veih ei,’” Abeipa ta a tah.

ZEREMIAH 16:5

“Abeipa ta hetana heta a tah: He phopi tawhna heta ei thlalôhna la ha na ta, ei kyhpachâna nata zawngiahna chhao ei la haw. Chavâta mâchhiesana o liata a ngia leipa la, âmo châta chaphôhtu awpa ta tlyma, taokhei awpa ta tlyma, vawh hra khah y, Abeipa ta a tah.

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

CHAPHÔHTUNA 1:17

Zaio cha a ku pazawh ta, Châhrasala thlah a palôh awpa y veih ei; Abeipa ta Zakaw kyh liata biepiepa papua ta, A vaihzy cha a khakhaipazy a pachâsa ha ei; Chatanachata Zerusale cha ama hry liata, Hmo puapa a vaw châ haw.

NÂHU 3:7

Châ hmôpa zydua ta châ sysai aw ei ta, “Ninivâ cha roryhrapa ta y ha ta, Ahy ma ano châta mâchhie a sa aw?” Ama tah aw. Thlah châ palôh awpazy cha, Khataih liata ei tlua aw?

RYUREITUHPAZY 18:15

Cha su liana cha tlei ei ta, Livai satlia o lâ vawh ei ta, cha cha Mikâ o liata châ ta, Livai satlia cha a thâtih hiahri ei ta.

1 SAMUELA 10:4

Châ naoh aw ei ta, viahchhâ tlâ no cha pie aw ei ta, cha cha ama ku tawhta na la awpa a châ.

1 SAMUELA 17:22

Dâvi cha niedo mohôhtuhpa ku liata a hmozy soh ta, pheisaihzy yna lâ cha a kei râ ta, a uhtazy cha a kei naoh ta.

1 SAMUELA 25:5

Dâvi ta satlia pahrawh tuah ta, satliazy hnohta, “Kâmel lâ khy u la, Nâbâ a kaw hmô u la, ei moh ta namâ kaw naoh aw.