ZEREMIAH 15:4 - Mara Bible RV (BSI)

⁴ Hezekia sawchapawpa Zudâh bei Manase ta Zeru­sale liata a hmotaopa vâta, khizaw khinarâh zydua ta rarôh ypa ama tah awpa ta âmo cha ei tao aw ei.

ZEREMIAH 15:4 ပူးပေါင်းရင်းမြစ်များ

2 ABEIZY 21:1

Manase cha kô hrawh hleinopa a châ nota a bei pathao ta, Zerusale liata kô sypangawh nata kô pangawh â bei.

2 ABEIZY 21:15

Ama pathlatuhpazy Izi râh tawhta ama kaw pua noh tawhta tanoh taih heta, ei mohmô liata hmo pha lei ngaitapa tao ei ta, ei pathi eina pa-iapa vâ ei ta, cha hmo cha ama chô liata ei tao aw,” tah ta.

2 ABEIZY 21:2

Abeipa ta Izarei sawzy hmiakô liata a papua hapa phopizy ta hmo pasichhihpa ama tao tyhpa hawhta, Abeipa mohmô liata hmo pha leipa tao ta.

2 THÂTIHZYRONA 33:1

Manase cha kô hrawh hleinopa a châ nota a bei pathao ta, Zerusale liata kô sypangawh nata kô pangawh â bei.

2 THÂTIHZYRONA 33:2

Abeipa ta Izarei phopi hmiakô tawhta a papua hapa phopizy hmotaopa pasichhihpazy taopa ta, Abeipa mohmô liata hmo pha leipa tao ta.

ZEREMIAH 24:9

Khizaw khinarâh zydua ta ama moka awpa ta tao aw ei na ta, âmo ei tona su to liata ama reipachhiepa, chhiena lâta pakhopâna ta ama hmâpa, ama pasipasawhpa nata chhie ama sa thlupa ta ei tao aw ei.

ZEREMIAH 29:18

Zaozi nata chakâhna nata potlana zy ta a chadai aw ei na ta, alei chô liata khinarâh zydua châta rarôh ypa ta tao aw ei na ta, âmo ei to papuana phopi zydua hry liata chhiesapa, chichhihpa, hmaotô chiepa nata reipachhiepa châ awpa ta ei tao aw ei.

ZEREMIAH 34:17

“Chavâta Abeipa ta hetana heta a tah: Nama unawhpa nata nama vaih châta khotalaina phuah awpa kyh liata, chyhsa to ta ei bie zyh veih ei chi. Nathlie teh u, nâmo châta khotalaina ei phuah. Cha khotalaina deikua cha, zaozi nata potlana nata chakâhna zy a tyh awpa khotalaina a châ aw. Khizaw khinarâh zydua ta rarôh y ama tah awpa ta ei cha tao aw ei, Abeipa ta a tah.

ZEREMIAH 9:16

Âmo nata âmo pathlatuhpazy chhao ta ama pahno beih leipa phopizy hry liata papaipatla aw ei na ta, ei pahleipadia khai hlâlei ei cha zaozi ta âmo ei chadaisa aw ei.”

CHAPHÔHTUNA 1:8

Zerusale cha thata molei ta, Chavâta a pualei haw; A thluahruana ama hmô hapa vâta, A za kaw tyhpazy chhao ta ama mohnao bâ; Ano chhao ta a hrô ta, Hiakha lâ tlâ â heih bâ.

EZEKIA 18:19

“Chatanachôta, ‘Khazia sawchapaw­pa cha a paw paraona maoh a phaoh aw vei,’ nama tah ngâ thlâh ha chy. Sawchapawpa chata adona nata siana tao sala, ei bieraopa zydua a phapa ta a zyh khiahta cha, a hroh tlai awpa a châ.

EZEKIA 23:46

Abeipa Zehôvâh ta hetana heta a tah: “Âmo lâ zawpi a vaw chhi u la, âmo cha pachisa ei sala, hrao mawh ei sy.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.