ZEREMIAH 15:15 - Mara Bible RV (BSI)

¹⁵ Hy Abeipa y, na pahno mâh tâh; Rie nâ theipa ta na vaw tly la, Nâ taolatuhpazy chô liata phuh na lapa mah y. Na daotheina vâta na pahlei leipa la, Nâma vâta reipachhiena a taopa ei châpa pahno mah y.

ZEREMIAH 15:15 ပူးပေါင်းရင်းမြစ်များ

NEHEMIAH 13:22

Livai pathlazy cha a pathai ta, Pahânoh pathaisa awpa ta, chhikaozy cha vaih awpa ta biepie ei na ta. Hy Khazohpa y, he kyh liana chhao heta nâ thei thlâh ha la, na zawngiahna hluh ngaitapa vâta rie na pahlôh mah y.

NEHEMIAH 13:31

Daihti raopa liata tho hlâna nata thei hmiatuapa hlânazy châta â ngiahpazy chhao ei pie ei. Hy ei Khazohpa, hmopha ei taopazy vâna heta nâ thei thlâh ha mah y.

NEHEMIAH 5:19

Hy ei Khazohpa y, he phopi châta ei hmotaopa zydua he, ei pha nawpa ta a thei thlâh ha mah y.

NEHEMIAH 6:14

Hy ei Khazohpa, Tôbia nata Sanbâlâ he ama hmotaopa lymâ hawhta a thei thlâh ha la, na pachhipary awpa a chhuahpa hrohsonô Nôdiah nata hrohso hropazy chhao a thei thlâh ha mah y.

ZAWBÂ 10:7

Thaileina ei hnei leizie pahno chi ta, Na ku tawhta nâ pachha awpa y veih ei tahpa Na pahno thlâh ha vei ma?

HLAZY 102:24

“Hy ei Khazohpa, ei locho nota na la khah y, Nâma kôzy cha chhâ zydua a daihpa a châ,” tah na ta.

HLAZY 106:4

Hy Abeipa, na phopi na khokhei tita nâ thei la, Na pachha ti ei ta na bao mah y.

HLAZY 119:84

Châ chakaotuhpa he khachâ ma pasa ei tao chy aw tly? Nâ taolatuhpazy he khati ta ma na pachia aw ei tly?

HLAZY 17:3

Ei palôh na moh chi ta, Zâ ta eina vaw tly chi; Na pasia chi ta, Khâpa hmah hmô va chi; Ei pakah ta molei lei awpa ta khâchâ ei chhuah haw.

HLAZY 39:13

Sie aw na ta hmô khao leipa ta ei y hlâta, Buakha chhâ ei ly heih thei nawpa ta, Hmô lei nâ pachâ chy mah y!”

HLAZY 44:22

Nâma vâta noh y ta thiepa ta y pi ta, Mietaku thie awpa hawhta pachâpa eima châ.

ISAI 38:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha ngiachhiepa ta a thei thlâh ha mah y,” tah ta. Hezekia cha thata cha ta.

ZEREMIAH 12:3

Hy Abeipa, kei deikua cha na pahno chi ta, Na hmô chi ta, nâ lâta ei palôh phao na pasia tyh. Mietaku thie awpa hawhta âmo cha a daophi la, Thiena noh châta âmo cha soh nano mah y.

ZEREMIAH 15:10

Ei nô y, alei chô zydua a patypamâtuhpa nata a chakhiatuhpa ta eina sapa chi he, ei hu a po kaw dia! A pôhna hneipa ta ei sôh chyhsa dyu pacheisa beih leipa na ta, chyhsa sôh dyuchei beih hra va na. Chatanachôta ama zydua ta chhie eina sapa ei.

ZEREMIAH 15:20

He phopi châna heta, Dawh thokhy pâhchhô ta ei cha tao aw; Cha pachha awpa nata cha pabohsa awpa ta, Na hnohta ei ypa vâta, Châ dyuh aw ei ta, Cha pahnie aw veih ei, Abeipa ta a tah.

ZEREMIAH 17:16

Na mietaku vaituhpa ei châna a râsai leipa na ta, Chhiena noh a vaw tlô awpa chhao khoh hlei va na. Ei hmao tawhta a puapa pahno chi ta, Cha cha na hmiakô liata a y.

ZEREMIAH 18:23

Châhrasala Hy Abeipa, Thie awpa ta eina teina zydua ei cha na pahno khai. Ama paraona a ngiahthai leipa la, Ama moleina chhao na mohmô tawhta pahlei khah y. Na hiehâhna daihti liata ama chô liata hria la, Na hmiakô liata pao mawh ei sy.

ZEREMIAH 20:11

Châhrasala Abeipa cha, Pasaipha chichhihpa hawhta ei hnohta y ta, Nâ taolatuhpazy cha pao aw ei ta, Na pahnie aw veih ei. Ama hlao a tloh lei awpa vâta, Nozapa ta ama y aw. Ama chhâzaw nohzaona cha, Mypa ta y beih aw vei.

ZEREMIAH 20:12

Hy Pheisaihzy Abeipa, Mosiapazy pasia chi ta, Palôh nata pachâna a hmôtuhpa y, Ei thâtih he nâ cha pavaosa ha tlôh na ta, Ama chô liata phuh na lapa na pahmôsa mah y.

ZEREMIAH 20:8

Bie ei reina maihta awh na ta, “Atudaina nata raona!” Tahpa ta ei awh tyh. Abeipa bie cha kei châta reipachhiena tona dei châ ta, Noh y ta pasipasawhna tona dei a châ.

CHAPHÔHTUNA 3:64

“Hy Abeipa, âmo cha viari thô la, Ama ku hmotaopa lymâ hawhta viari thô mah y;

CHAPHÔHTUNA 3:66

Hy Abeipa, hiehâhpa ta âmo cha a chadai la, Na avâzy ry tawhta âmo cha pahleipadia mah y.”

MATHAI 10:22

Ei moh vâta chyhsa to a haopa ta y aw ei chi ta, achhâna taihta â ipa ta a duahpa cha pachhapa ta a y aw.

MATHAI 19:29

Ahy rai ei moh vâta ozy, unawhzy, sietanôzy, paw, nô, sawzy nata râhzy a siesaipa cha, a lie za kha ta hmô aw ei ta, chhâzaw hrona ama to aw.

LUKA 21:17

Ei moh vâta chyhsa zydua ta ama châ hao aw.

RAWMA 12:19

Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.

RAWMA 8:35

Krista kyhpachâna tawhta ahy miah pachhaih thei aw? Rietheina ta tlyma, pachârôhna ta tlyma, taolana ta tlyma, chakâhna ta tlyma, thluahruana ta tlyma, chichhihna ta tlyma, zaozi ta tlyma miah a pachhaih aw ma?

2 KAWRINI 5:11

Chavâta Abeipa china phazie pahnopa ta, chyhsazy eima pasyu tyh. Kheihawhpa chyhsa ma eima châ tahpa Khazohpa ta pahno ta, nâmo chhao ta nama chhie nata pha pahnona hmâpa ta, miah nama pahno hra aw tahpa ei hnabei a seih.

2 TIMAWTHY 4:14

Dawh leih thaipa Alezandâ kha thata nâ pasasapa a châ. Abeipa ta a hmotaopazy lymâ hawhta viari a thô aw.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 6:10

Âmo chata, “Hy Abeipa Chônôchaipa, pathaihpa nata adopa, khachâ ma alei chô liata a pahrâpazy chô liata eima thisaih phuh la leipa ta y aw chi ta, âmo cha pachia leipa ta na y aw tly?” tahpa ta ao paro ngaitapa ta awh ei ta.

RYUREITUHPAZY 16:28

Sâsawna cha Abeipa pado ta, a hnohta, “Hy Beichaipa Khazohpa y, ngiachhiepa ta nâ thei la, Hy Khazohpa, ngiachhiepa ta ei khata he ei tha rie na patlô heih mah y, Philistinâ mo chô liata ei mo kârano phuh ei la thei nawpa ta,” tah ta.