ZEREMIAH 15:1 - Mara Bible RV (BSI)

¹ Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 15:1 ပူးပေါင်းရင်းမြစ်များ

ÂTHAONA 19:27

A mylâ mydi ta Abarahâ cha thyu ta, Abeipa hmiakô liata â duana su lâ kha vawh ta.

2 ABEIZY 17:20

Chavâta Abeipa ta Izarei pathla zydua cha dytha ta, ama rie patheipa ta, hraotuhpazy ku liata hlâpa ta, a mohmô tawhta a thy pathlah ha ei.

HLAZY 106:23

Chavâta âmo cha pahleipadia a chhuah ta, A hiehâhna pakuasa awpa ta, A chyhsa atlyhpa Mawsi ta, Âmo nata Khazohpa likawh liata a duah vei mawh sala, A pahleipadia khai ha aw ei.

HLAZY 99:6

A theihthaipa hry liata Mawsi nata Arawna a hlao ei ta, Samuela chhao a moh a padopazy hry liata â hlao. Abeipa pado ei ta, Ano ta â chhy ei.

BIESOZY 14:35

So kawpa ta hmo a taopa chakaotuhpa cha, Abei ta khokhei ta; Nozana a tlôkheituhpa chakaotuhpa chô liata deikua cha, Abei pathiiana ta a tla thlu tyh.

ZEREMIAH 10:18

Abeipa ta hetana heta a tah: “Moh teh u, râhsawzy cha, Cheichâ hawhta tahmâ siah pathlah ei na ta; Ama pahno thai nawpa ta, Nôpona ama chô liata ei vaw patlôsa aw.”

ZEREMIAH 11:14

“Chavâta he phopi he thlahchhâpa leipa la, âmo châta awh hra leipa la, thlahchhâ hra khah y. Ama nôpona daihti liata na aw hra ei sala nathlie khao aw veih ei na.

ZEREMIAH 14:11

Abeipa ta hetana heta eina chho: “He phopi pha nawpa ta thlahchhâ khah y.

ZEREMIAH 14:12

Kâhvileipa ta y hra ei sala, ama awna ao nathlie leipa aw na ta, raopa hlâna nata niepa hlâna zy hlâ hra ei sala, a pyh aw va na. Zaozi nata chakâhna nata potlana zy ta âmo cha tlao ei pahleipadia aw ei.”

ZEREMIAH 15:19

Chavâta Abeipa ta hetana heta a tah: “Na vaw kua khiahta cha, Cha paduapathi aw na ta, Ei hmiakô liata nâ duah heih aw. Hmo sôhpa kyh reih la, Hmo phahnai leipa na reih leipa khiahta cha, Ei pakah hawhta na châ aw. Nâ lâ a vaw heih aw ei ta, Nâ deikua cha âmo lâ a heih aw va chi.

ZEREMIAH 16:13

Chavâta he râh tawhna heta cha papua aw ei na ta, nâmo nata châ pathlatuhpazy ta nama pahno beih lei­pa râh lâ ei cha pazaw ha aw ei. Cha liata chhô nah zâ ta khazoh hropazy nama chakao aw, cha ngiachhie khao aw veih ei na,’” Abeipa ta a tah.

ZEREMIAH 16:5

“Abeipa ta hetana heta a tah: He phopi tawhna heta ei thlalôhna la ha na ta, ei kyhpachâna nata zawngiahna chhao ei la haw. Chavâta mâchhiesana o liata a ngia leipa la, âmo châta chaphôhtu awpa ta tlyma, taokhei awpa ta tlyma, vawh hra khah y, Abeipa ta a tah.

ZEREMIAH 18:20

Hmo phapa cha hmo chhiepa ta viarithô awpa a châ ma? Âmo deikua cha ei hrona teipa ta khaohtlô ama chao. Na pathiiana âmo tawhta a pai thei nawpa ta, Na hmiakô liata a duah na ta, Âmo châta reih pha ei chei tyhpa kha a thei mah y.

ZEREMIAH 22:28

He Kôniah he beih keipa mohnaochhihpa, Ahy hmahta ama khoh khao leipa kha châ vei ma? Chavâta ano nata a pathlazy cha, Ama pahno leipa râh lâ thypa ta ama ypa châ vei ma?

ZEREMIAH 23:39

moh teh u, cha my pathlah aw ei na ta, nâmo chhao, nâmo nata châ pathlatuhpazy hnohta ei cha piepa khihpi chhao heta, ei mohmô tawhta ei cha thy aw ei.

ZEREMIAH 35:19

Pheisaihzy Abeipa, Izarei Khazohpa ta hetana heta a tah: Rekhâ sawchapawpa Zônadâ cha, a pathlazy hry tawhta ei hmiakô liata a duah awpa chyhsa a phahla beih aw vei.”

ZEREMIAH 52:3

Abeipa pathiiana vâta, a mohmô tawhta papua hana taihta, Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

ZEREMIAH 9:19

Zaio tawhta hetana heta chana pyu a vaw pua: ‘Eima rao khai ha na! Eima nozazie rimâ cha! Eima ozy rao khai ha tlôh ta, Eima râh eima puasai awpa a byuh ha hih!’”

EZEKIA 14:14

chyhsa pathôh, Nôah, Dâniah nata Zawbâ zy hmahta râh chhôh liata y hra ei sala, ama siana vâta âmo hrona deita ama pachha thei aw, Abeipa Zehôvâh ta a tah.

EZEKIA 22:30

“Râh cha ei parao lei nawpa ta, a dôhna thokhy a tao awpa nata ei hmiakô liata râh châta apyupa liata a duah awpa chyhsa ama hry liata tlua na ta, châhrasala pakha hmah hmô veih ei na.

HÔSIA 9:15

Ama moleina zydua Kilkal liata y ta, Cha su liata ei hao tua ei. Moleina hmo ama taopa zydua vâta, Ei o tawhta papua aw ei na ta, Kyhpachâ khao aw veih ei na; Ama beimachâ zydua cha, Chhorupa sai ama châ.

ZEKARIA 3:3

Zawsua cha chysia puapazy a kypa ta vâlyuhchâpa hmiakô liata a duah ta.

RYHPACHANEINA 9:26

Abeipa lâ thlahchhâ na ta, a hnohta, ‘Hy Abeipa Zehôvâh, na rônahna ta na pachhapa, Izi râh tawhta ku thatlôpa ta nâ kaw chhi papuapa na phopi nata na ryutozy he rie pahleipadia khah y.

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

RYUREITUHPAZY 5:9

“Izarei ryureituhpazy lâta ei palôh sie ta, Zawpi hry tawhta âmo kho ta a vaw hlâpazy lâna tlai cha ei palôh a sie. Abeipa cha reithai teh u!

1 SAMUELA 12:19

Izarei phopi zydua ta Samuela hnohta, “Eima thi lei nawpa ta, châ chakaotuhpazy châta Abeipa na Khazohpa lâ thlah miah chhâpa teh. Bei hiah pi ta, he hmo pha lei ngaitapa eima taopa he, eima moleina zydua baichhatuhpa tlao a vaw châ,” tah ei ta.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.

1 SAMUELA 7:9

Samuela ta mietakutaw sâhpi a pazy haipa la ta, a pôhpa dua ta raopa hlâna ta Abeipa lâ hlâ ta. Chatawhcha Samuela ta Izarei châta Abeipa lâ thlahchhâ ta, Abeipa ta a chhy ta.