ZEREMIAH 14:21 - Mara Bible RV (BSI)

²¹ Na moh vâta rie miah dytha leipa la, Na rônahna beidyuchhai moh pachhie khah y; Eima hnohta na biehrai kha a thei la, Rie parao khah y.

ZEREMIAH 14:21 ပူးပေါင်းရင်းမြစ်များ

HLAZY 106:40

Chavâta Abeipa pathi cha a phopi chô liata thata ia ta, A ryuto a pasi ngaita.

HLAZY 106:45

Ama hnohta a biehrai a thei heih tyh ta, A kyhpachâna tleih beih leipa rônah ngaitapa vâta, A palôh a panano heih tyh.

HLAZY 145:11

Na khinarâh rônahzie reih aw ei ta, Na hmotaotheina kyh ama chho aw.

HLAZY 25:11

Hy Abeipa, ei moleinazy hluh hra sala, Na moh vâta rie nâ ngiahthai mah y.

HLAZY 51:11

Na hmiakô tawhta na thy leipa la, Na Thlahpa Pathaihpa na lapa khah y.

PUASAINA 32:13

Châ chakaotuhpa Abarahâ, Aisika nata Izarei hnohta, ‘Avâ liata Awhsi zie ta na pathlazy papôh aw na ta, pie awpa ta bie ei vaw taihpa râh zydua kha na pathlazy pie aw na ta, chhâzaw ryuto châta ama hnei aw,’ tahpa ta nâma tlai ta bie nâ vaw taih hapazy kha rie a thei mah y,” tah ta.

ISAI 62:6

Hy Zerusale y, Na thokhy chô liata riahvaituhpazy soh ha na ta, Chhô nah zâ ta ama vaih aw; A chalih beih aw veih ei. Nâmo, Abeipa a padotuhpazy saih u, Y molo khuh vy.

ZEREMIAH 14:19

Hy Abeipa, Zudâh cha na thy pathlah ha ma? Na hro ta Zaio a pasi kaw ma? Eima châta patlâhna y leina taihta, Khazia ma pasa miah na pataosa tly? Thlalôhna tlua pi ta, Châhrasala phana vaw tlô leipa ta; Patlâhna daihti hâ pi ta, Chichhihna sai eimâ tyh.

ZEREMIAH 14:7

“Eima paraonazy ta miah leih hra sala, Na moh vâta, Hy Abeipa, rai hria mah y; Eima paonazy hluh ngaita ta, Na chô liata eima vaw molei haw.

ZEREMIAH 17:12

Keimo supathaihpa deikua cha, Hlâno tawhta cheihchalopa beidyuchhai rônahpa a châ.

ZEREMIAH 3:17

Cha daihti liata, Zerusale cha Abeipa beidyuchhai tahpa châ aw ta, cha liata phopi zydua Abeipa hmiakô liata Zerusale liata a hmaoh aw ei ta, ama palôh moleina zipa ta kuhchhapa ta y khao aw veih ei.

CHAPHÔHTUNA 1:10

A hmo sôhpa zydua chô liata, Chariahpa ta a ku a pazawh haw; A supathaihpa liata, Phopizy amâ ngiapa a hmô; Na pakhypi a hlao awpa na pasai leipazy ta, Supathaihpa liata amâ ngia.

CHAPHÔHTUNA 2:20

Hy Abeipa, moh la, pachâ tua! Ahy chô liata ma he hawhta na tao tly? Chanôzy ta ama chhi thei niepa ta, Ama chhôh tawhta a puapazy ama nie aw ma? Theihthaipa nata hrohsopa taihta, Khazia Abeipa supathaihpa liata thiepa ama châ aw?

EZEKIA 20:22

Châhrasala ama mohmô ta Izarei sawzy ei kaw chhi papuapa phopizy hmiakô liata ei moh papuapaleipa ta a y lei nawpa ta, ei ku pako na ta, hrie lei awpa lâta hmo ei tao hapa a châ.

EZEKIA 24:21

‘Izarei pathlazy hnohta, Abeipa Zehôvâh ta hetana heta a tah: Moh teh u, nâma palaikheipa nama thatlôna, nama mo lôhrâtlôna nata nama hro ta a vâ kaw tyhpa ei supathaihpa papuapalei aw na ta, nama siesaipa nama sawchapawzy nata nama sawchanôzy zaozi ta ama pao aw.

EZEKIA 39:25

“Chavâta Abeipa Zehôvâh ta hetana heta a tah: Tahmâ cha Zakaw vânoh patosa heihpa ta, Izarei pathla zydua zawh a ngiah heih aw ei na ta, ei moh pathaihpa cha liahsa ei pabohsa ha bâ aw.

EZEKIA 43:7

Ei hnohta, “Chyhsa sawchapawpa y, he su he ei beidyuchhai y nawpa nata ei pheipazah tly nawpa su châ ta, Izarei sawzy hry liata chhâzaw ta ei pahrâ nawpa su a châ hih. Chatanachata ei moh pathaihpa cha, Izarei pathlazy ta papuapalei khao aw veih ei. Âmo nata ama beizy ta ama sihryhna ta papuapalei khao leipa aw ei ta, ama su sâhpazy liata ama beizy ri pabupa ta papuapalei khao aw veih ei.

DÂNIAH 9:7

Hy Abeipa, siana cha nâma eih châ ta, keimo tovyuh deikua cha nozana deita a châ, tanoh ta hmo a ypa hawhna tlai heta. Zudâh chyhsazy, Zerusale liata a pahrâpazy, Izarei zydua nata sei ta nâ chhina râh zydua liata lâhnia nata lâhla liata a ypazy ta haiphiahpa ta na chô liata hmo ama taopa vâta, tanoh nozapa ta eima y ha hih.

THEIHTHAINA 26:11

Nama hry liata ei byureih soh aw na ta, ei hro ta châ hao aw veih ei.

AMÔSÂ 6:8

Abeipa Zehôvâh ta anosasyh ta bie a taih ha ta, Abeipa, Pheisaihzy Khazohpa ta a tah: “Zakaw apalaina pasi na ta, A thokhyzy ei hao; Chavâta khihpi nata a chhôh liata a ypa zydua cha, Ama khakhaipazy ku liata ei hlâ khai aw.”

LUKA 1:72

Miah pathlatuhpazy hnohta Zawngiahna bietai palâsa ta, A biehrai pathaihpa â thei thlâh haw.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

EPHESI 2:7

Chatanachata daihti vaw tlô awpazy liata, Krista liana chata Khazohpa ta eima chô liata a phana palâsa aw ta, panua tiah leipa a ngiachhiena hluhpi eima chô lia a palâsa aw.

RYHPACHANEINA 32:19

Cha cha Abeipa ta hmô ta â hao kaw, A sawchapawzy ta a hie pahâh ei ta, A sawchanôzy ta a hie ama pahâh.

BIEPHUAH 11:2

Achhyna o khôtho lâ dôhpachhôh tlyhmia deikua thlie leipa la, siesai mah y. Cha cha Zenitaizy hnohta piepa châ ha ta, âmo ta khihpi pathaihpa cha thla sypalih nata thla no ama tlypâ aw.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.