ZEREMIAH 14:19 - Mara Bible RV (BSI)

¹⁹ Hy Abeipa, Zudâh cha na thy pathlah ha ma? Na hro ta Zaio a pasi kaw ma? Eima châta patlâhna y leina taihta, Khazia ma pasa miah na pataosa tly? Thlalôhna tlua pi ta, Châhrasala phana vaw tlô leipa ta; Patlâhna daihti hâ pi ta, Chichhihna sai eimâ tyh.

ZEREMIAH 14:19 ပူးပေါင်းရင်းမြစ်များ

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

ZAWBÂ 30:26

Châhrasala hmo phapa ei hnabeiseih nota, Hmo chhiepa vaw tlô ta; Khaihna ei hâ nota, Zohna tlao a vaw tlô.

HLAZY 78:59

Cha kyh cha Khazohpa ta a thei nahta, A hiehâh ngaita ta; Izarei cha a dytha pathlah haw.

HLAZY 89:38

Tahmâ deikua cha dythapa ta thy ha chi ta, Na sathawthupa chô liata na pathi thata a ia haw.

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

ZEREMIAH 12:7

“Ei o siesaipa ta, Ei ryuto thy ha na ta; Ei hro ta a tlaichhai ngaitapa cha, Ei hro chariahpazy hnohta ei hlâ haw.

ZEREMIAH 12:8

Ei ryuto cha kei châta Lyurâhpa chakeibarôhneipa lyu ta, Einâ rôh thlu tyh; Chavâta ano cha ei hao kaw.

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 15:18

Khazia ma ei pasana pai thei leipa ta, Ei hmah a pha thei vei tly? Khazia ma ei hmah patlâh thei awpa a châ vei tly? Vahtie a ngâchhâ tlâh leipa hawhta ma, Ei châta na châ aw? Chavah ti kuapa hawhta ma na châ aw?

ZEREMIAH 30:12

“Abeipa ta hetana heta a tah: Na hmah patlâh thei awpa châ vei, Na hmah phaopa a ru ngaita.

ZEREMIAH 30:13

Châ duakhei awpa y leipa ei ta, Na hmah châta thohna y hra leipa ta, Na châta tlâhna y vei.

ZEREMIAH 51:5

Ama Khazohpa, Pheisaihzy Abeipa ta Izarei nata Zudâh cha siesai leipa ta, Kaldia râh deikua cha moleina ta bie ta, Izarei Mo Pathaihpa chô liata ama moleina ta a bie.

ZEREMIAH 6:30

Abeipa ta a dytha hapa vâ ei ta, Tâkâ sôh leipa tahpa ama châ aw.”

ZEREMIAH 7:29

“Hy Zerusale y, na sâ a ngyupa ta thy la, Awphy tlâh lakizy liata chaphôhtu teh; Abeipa hie a pahâhtuhpa chhâ moleipa he, Abeipa ta dytha ta a siesai haw.”

ZEREMIAH 8:15

Thlalôhna mokhâh pi ta, Châhrasala hmo phapa vaw tlô hlei vei; Tlâhna daihti mokhâh pi ta, Châhrasala moh teh u, chichhihna dei a châ hih.

ZEREMIAH 8:22

Kilia liata tlâhna thohna y vei ma? Cha liata dawhty y veih ei ma? Khazia ei phopi zuah a tlâh thei vei tly?

CHAPHÔHTUNA 2:13

Hy Zerusale sawchanô y, Na châta khâpa bie reih aw na ta, khâpa nata ma ei cha pakhopâ aw? Hy Zaio sawchanô laihsa kôpa y, Thlah ei cha palôh thei nawpa ta khâpa ma ei cha palyusa aw? Na raona tilaipi hawhta kawh ta, Ahy châ patlâh thei aw?

CHAPHÔHTUNA 2:22

Kyhchhi noh hawhta awpakhy chi ta, Chichhihpazy su tawhta eina vaw tlô thlu ei; Abeipa hiehâhna noh liata la, Arâpa nata ahrohpa rai y veih ei; Ei sawzy nata ei mohôhpazy cha, Ei chariahpa ta a pahleipadia khai ha ei.

CHAPHÔHTUNA 4:17

Hraoleipa ta baona eima mokhâhna liata Eima mozy a bâ khai haw; A pachha thei lei awpa phopi tlai cha, Hâ chaimâh pi ta eima mokhâh.

CHAPHÔHTUNA 5:22

Miah na thy pathlah hapa châ leipa sala, Eima chô liata na hie a hâh ngâsâ hapa a châ leipa khiahta cha, Nâ lâ miah pakuasa heih la, Hlâno daihti hawhna khata eima nohzy pathieh heih mah y!

MIKÂ 1:12

Abeipa tawhta chhiena vaw tlô ta, Zerusale thokhy chhikao a vaw tlô hapa vâta, Marô mo cha ngiatiah leipa ta Hmo phapa ama hâ.

1 THYSALAWNIKA 5:3

Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.