ZEREMIAH 14:17 - Mara Bible RV (BSI)

¹⁷ “Ama hnohta he bie he na reih awpa a châ: ‘A chhô zâ ta ei mothlih loh sala, Hi beih khah sy. Ei phopi zuah laihsa kôpa cha thata tupa châ ta, Hmah laipa a phaoh ha hih.

ZEREMIAH 14:17 ပူးပေါင်းရင်းမြစ်များ

2 ABEIZY 19:21

He he Senâkeri kyh Abeipa ta a reipa bie a châ: “Zaio zuah laihsa kôpa ta Cha mohnao ta a cha pahneisao; Zerusale zuah ta A luh a cha chahuah chie.

HLAZY 119:136

Na ryhpa bie ama zyh leipa vâta, Ei mozy tawhta mothlih chavah a loh tyh.

HLAZY 39:10

Ei hmahphaopa he na lapa ha mah y, Na kupathlana vâta ei rao khai ha hih.

ISAI 37:22

he he Senâkeri kyh Abeipa ta a reipa a châ: “Zaio zuah laihsa kôpa ta Cha mohnao ta a cha pahneisao; Zerusale zuah ta A luh a cha chahuah chie.

ZEREMIAH 10:19

Ei hmahphaopa vâta ei hu po ta, Ei hmah a ru kaw dia! Châhrasala, “He he pasataona cha châ ta, Ei tao awpa tlai na a châ,” ei tah tyh.

ZEREMIAH 13:17

Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 18:13

“Chavâta Abeipa ta hetana heta a tah: Phopizy hiahri tua rai u, Cha hawhpa hmo cha ama thei beih ma? Laihsa kônô Izarei ta hmo rarôh y ngaitapa a tao ha hih.

ZEREMIAH 8:18

Ei lyna lei ha ta, Pachârôhna na vaw tlô thlupa ta, Palôh pasana sai ta ei bie haw.

ZEREMIAH 8:21

Ei phopi zuah hmahphaona liata Keima palôh chhao hmahphaopa ta a y; Mâchhiesapa ta y na ta, Thlazohna ta eina patu haw.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

ZEREMIAH 9:18

A vaw para ei sala miah vaw chakhei mawh ei sy. Chatanachata eima mozy tawhta raithlih loh sala, Eima mo vozy tawhta mothlih loh mawh sy.

CHAPHÔHTUNA 2:11

Ei chana ta ei mo zoh ha ta, Ei pavyhpi thata â tlao; Ei phopi sawchanô leidiana vâta, Ei hmôkhaw alei liata a sa ta; Hawsaih nata sâhpi a ngiehpazy khiliah liata panaona vâta, Ei hmôkhaw alei liata â sa.

CHAPHÔHTUNA 2:13

Hy Zerusale sawchanô y, Na châta khâpa bie reih aw na ta, khâpa nata ma ei cha pakhopâ aw? Hy Zaio sawchanô laihsa kôpa y, Thlah ei cha palôh thei nawpa ta khâpa ma ei cha palyusa aw? Na raona tilaipi hawhta kawh ta, Ahy châ patlâh thei aw?

CHAPHÔHTUNA 2:18

Ama palôh ta Abeipa a pado. Hy Zaio sawchanô thokhy y, Vah ti hawhta mothlihzy loh sala, A chhô zâ ta loh mawh sy! A pahâ leipa la, Na mo paso khah sy!

AMÔSÂ 5:2

“Laihsa kôpa Izarei cha pao ha ta, Thyu heih thei khao vei; A râh liata siesaipa châ ta, A pathyu awpa y veih ei.”

MIKÂ 6:13

Chavâta kei chhao ta, A pasa kawpa ta cha tu na ta, Na moleina vâta, Roryhrapa ta ei cha tao haw.