ZEREMIAH 14:14 - Mara Bible RV (BSI)

¹⁴ Abeipa ta hetana heta einâ chhy: “Hrohsopazy ta ei moh ta haipa ta hrohsona biezy ama phuah tyh. Âmo cha ei tuapa châ leipa ei ta, biepie hra leipa ei na ta, ama hnohta bie reih hra va na. Aluahna phichhyhpa, pachaona hraoleipa nata ama palôh liata dôveina biezy ama cha chhopa a châ.

ZEREMIAH 14:14 ပူးပေါင်းရင်းမြစ်များ

ISAI 56:10

Izarei vaituhpazy ama mo chao ha ta, Pahnona a hnei leipa sai ama châ; I a thlih thlâh hapazy châ ei ta, Nga thai veih ei; A zia ei ta, reihchamaoh ei ta, A mô awpa sai a tlaichhaipazy ama châ.

ISAI 9:15

Luh cha machâ nata zachhihpa chyhsa châ ta, Chaolahmei cha haipa biezy a pachu tyhpa hrohsopa a châ.

ZEREMIAH 20:6

Nâ Pâsu nata na o liata a pahrâpa zydua chhao, seichâna lâ nama sie aw. Nâ nata haipa ta hrohsona bie na chho tyhpa na viasa zydua Babylaw lâ sie aw ei chi ta, cha liata thi aw ei chi ta, cha liata pabupa nama châ aw.”

ZEREMIAH 28:11

Chatawhcha Hânaniah ta zawpi zydua hmiakô liata bie reih ta, “Abeipa ta, ‘Kha hawhna khata Babylaw bei Nebukaneza raopaky cha, kô no chhôh ta phopi zydua rao tawhta pahluh aw na ta ei thlie pachhô aw,’ a tah” tah ta. Hrohsopa Zere­miah deikua cha, a sie nawpa lâ sie syulyu ha ta.

ZEREMIAH 28:13

“Sie la, Hânaniah hnohta kei chho teh, ‘Abeipa ta hetana heta a tah: Tho raopaky tlâhzy thlie pachhô chi ta, châhrasala a vyuhpa ta thua raopaky tlao na tao hapa a châ.

ZEREMIAH 28:15

Chatawhcha hrohsopa Zeremiah ta hrohsopa Hânaniah hnohta, “Hânaniah, nathlie teh, Abeipa ta cha tuah vei, he phopi he haipa bie na pazosa hih.

ZEREMIAH 29:21

Ei moh ta haipa ta hrohsona bie a phuahpa Kôliah sawchapawpa Ahabâ nata Mâsei sawchapawpa Zedekia kyh liata, Pheisaihzy Abeipa, Izarei Khazohpa ta hetana heta a tah: Moh teh u, âmo cha Babylaw bei Nebukaneza ku liata hlâ aw ei na ta, nama mohmô lia cheingei ta a thie aw ei.

ZEREMIAH 29:31

“Seichâna liata â tâhpa zydua lâ chyhsa tuah la, ama hnohta, ‘Nehelâ chyhsa Semiah kyh liata Abeipa ta hetana heta a tah: Kei ta ei tua leipa pi tlai ta, Semiah ta nama hnohta hrohsona bie phuah ta, haipa bie a cha pazosa ei.

ZEREMIAH 37:19

Na hnohta, ‘Nâ nata he râh he a dyuh awpa ta, Babylaw bei a vy aw vei,’ tahpa ta hrohsona bie châ chhopazy kha, khataih liata ama y khai haw?

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

ZEREMIAH 8:10

“Chavâta ama lapinôzy cha mohropazy pie aw na ta, Ama lyuzy chhao âmo a pahnietuhpazy ei pie aw ei. Chyhsa to, a chyh chaipa tawhta a lai chaipa taihta, Athôhna doleipa liata karâypazy châ ei ta, Hrohsopa nata theihthaipa zy taihta Chyhsa ama dôveipa vâta, Cha hmozy cha ama chô liata ei tao aw.

ZEREMIAH 8:11

Ei phopi hmah cha, Naosiata ta patlâh a chhuahpa ta, Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

CHAPHÔHTUNA 2:14

Na hrohsopazy ta na châta Aluahna phichhyhpa nata dôveina zy ama hmô; Vânoh na to heih thei nawpa ta, Na moleina palâhâh veih ei; Aluahna phichhyhpa nata paviana zy Na châta tlao ama hmô tyh.

CHAPHÔHTUNA 2:9

A thokhy chhikaozy alei liata pao ei ta, A chhikao lâhreizy parao ta a thlie khai haw; Abei nata beimachâzy cha phopi hropazy hry liata y ei ta, Ryhpa y khao vei; A hrohsopazy chhao ta, Abeipa tawhta aluahna hmô khao veih ei.

EZEKIA 12:24

Izarei pathlazy hry liata aluahna phichhyhpazy y khao leipa aw ta, dôveipa ta pachaona bie reipazy y khao aw vei.

EZEKIA 13:2

“Chyhsa sawchapawpa y, Izarei hrohsopazy hnohta hrohsona bie phuah teh. Âmo palôh liata a ypa hmo tlai cha hrohsona bie hawhta phuah ei ta, ‘Abeipa bie thei teh u,’ a tah tyhpazy ama châ.

EZEKIA 13:23

aluahna phichhyhpazy hmô khao leipa aw ei chi ta, pachaopadâhpa chhao tao khao aw veih ei chi. Nama ku tawhta ei phopi pachha aw ei na ta, Abeipa ei châ tahpa nama pahno aw.”

EZEKIA 21:29

Nâma kyh liata aluahna doleipa hmô ei ta, haipa ta ama pachao. Thie awpa ta raopa molei puapazy rao tlao na chhawh aw. Ama noh vaw tlô ha ta, âmo hrie pachie nawpa daihti a vaw tlô haw.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

ZEKARIA 10:2

Nothlahpa khazohzy ta dôveina bie reih ei ta, Pachaothaipazy ta aluahna doleipa ama hmô; Mâsathaipazy ta haipa mâzy sa ei ta, Thlalôhna bie ruapazy ama reih tyh. Chavâta chyhsazy cha, Mietaku hawhta viavi ei ta; Vaituhpa hnei leipa vâta Pasa ama tao tyh.

ZEKARIA 13:3

Cha khai tawhta chhochhieliena bie a reihpa ama y thlah ha chy khiahta cha, a nô nata a paw, ano a satuhpazy cheingei ta a hnohta, ‘Hroh khao aw va chi, Abeipa moh ta haipa bie na reipa vâta,’ tah aw ei ta, chhochhieliena bie a rei hai no tlai ta ano a satuhpa a nô nata a paw cheingei ta amâ chôsao aw.

RYHPACHANEINA 18:20

Bie rei awpa ei pie leipa tlai ta, ei moh ta bie a reihpa nata khazoh hropazy moh ta bie a reihpa hrohsopa cha a thi awpa a châ,’ tah ta.

1 TIMAWTHY 4:2

Cha hawhpa pachunazy cha phapakheipa haihthaipazy tawhta vaw pua ta, ama chhie nata pha pahnona cha thua sahpa ta pakâ hapa hawhta a châ.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.