ZEREMIAH 14:10 - Mara Bible RV (BSI)

¹⁰ He phopi kyh liata, Abeipa ta hetana heta a tah: “Viavi awpa khoh kaw ei ta, Ama phei chakâna a sohsi veih ei; Chavâta Abeipa ta âmo cha a pyh leipa ta, Ama paraona a thei thlâh ha aw ta, Ama moleinazy vâta a hrie aw ei.”

ZEREMIAH 14:10 ပူးပေါင်းရင်းမြစ်များ

1 ABEIZY 17:18

O hneituhnô ta Elaizâh hnohta, “Hy nâ Khazohpa chyhsa y, ei chô liata palôh châ leina khâpa ma na hnei tly? Ei moleina na pahnosa ta, ei sawchapawpa na thiepa awpa ta a vaw tlôpa na vaw châ he!” tah ta.

HLAZY 119:101

Na bie ei zyh thei nawpa ta, Moleina lâpi to tawhta ei phei â sysai haw.

HLAZY 95:10

Kha chhâ kha kô sypalih chhôh zydua ai kaw ei na ta, “Ama palôh sie chhei hapa phopi châ ei ta, Ei lâpizy a pahno leipa ama châ,” tah na ta.

PUASAINA 32:34

Tahmâ zu la, phopi cha, sie nawpa ei cha chhopa su lâ a chhi mah y. Ei vâlyuhchâpa ta hmia a châ sahpa aw. Chatahrasala ei cha vaw tly ti ei ta cha, ama moleina vâta ei hrie pyly aw ei,” tah ta.

ZEREMIAH 2:36

“Khazia na yzie pananopa ta, Nâ khiekhâ ngâ thlâh haw? Asuria ta maophyuhpa ta a cha sopa hawhna khata, Izi ta maophyuhpa ta a cha soh aw.

ZEREMIAH 3:13

“‘Nâ deikua cha na thaileichâna a pahno mah y: Abeipa na Khazohpa a dyuhpa ta, Tho hrohpa ry to liata chihropazy khokhei chi ta, Ei bie zyh va chi,’” Abeipa ta a tah.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

ZEREMIAH 6:20

Sebâ tawhta a vypa deiryh cha, Khâpa ma ei taona aw? Râh hlapi tawhta basuh a vypa chhao, Khâpa ma ei taona aw? Nama raopa hlânazy a pyh tlâh châ leipa ta, Namâ theihnazy ta na palysa hra vei.

ZEREMIAH 8:5

Cha hawhta a châpa tlai ta, Khazia ma he phopi heta lâpi tlei ei ta, Hnôh amâ sy pathlah ha tly i? Dôveina khâchâ patu ei ta, Kua khoh khao veih ei.

EZEKIA 29:16

Izarei pathlazy ta baona ama hia tita, Izi moleina amâ thei ha tyhpa vâta, amâ ngâchhâpa châ khao aw veih ei. Chatanachata Abeipa Zehôvâh ei châ tahpa ama pahno aw.”

HÔSIA 11:7

Ei chyhsazy ta Na tleisai khâchâ amâ chhuah haw; Chavâta Chônôchaipa awsao hra ei sala, Âmo cha cheihchalo aw vei.

HÔSIA 11:9

Ei hiehâhpa ta hmo tao khao leipa aw na ta, Kuahnaopa ta Epharai cha parao khao aw va na. Chyhsapa châ leipa na ta, Khazohpa ei châ; Nama hnohta a ypa Pathaihpa châ na ta, Pathi iapa ta a vy aw va na.

HÔSIA 7:13

Ama hu a po na, Eina tleisaipa vâ ei ta; Paraopa ama châ, Einâ dyuhpa vâ ei ta. Âmo chatlai awpa khoh na ta, Châhrasala haipa bie ta tlao eina tei ei.

HÔSIA 7:2

Ama moleina zydua ei pahno khaizie Ama palôh liata pachâ veih ei. Ama hmotaopazy ta âmo cha chadô ta, Ei hmia liata amâ lâ khai.

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

HÔSIA 9:9

Kibia liata ama y no hawhna khata, Avyuhna thata ama tao; Abeipa ta ama paraonazy a thei aw ta, Ama moleinazy vâta a hrie aw ei.

AMÔSÂ 3:2

“Khizaw phopi zydua hry liata, Nâmo deita he ei pahnopa na châ; Chavâta nama moleina zydua vâta Ei cha hrie aw ei.”

AMÔSÂ 5:22

Raopa hlâna nata niepa hlânazy na hlâ hra u la, A pyh leipa aw na ta; Aryhna hlâna nama sa thawhpazy chhao, Moh aw va na.

HEBRAI 8:12

Ama paraopazy liata zawh a ngiah aw na ta, Ama moleinazy a thei khao aw va na.”

1 SAMUELA 15:2

Abeipa Atotaotheipa ta hetana heta a tah: ‘Izarei chô liata Amale hmotaopa, Izi râh tawhta a kaw pua nota lâpi liata â vaw byhpa kha ei thei ngâ thlâh ha.