ZEREMIAH 13:21 - Mara Bible RV (BSI)

²¹ Na viasa châ awpa ta Nâ ta na pachupazy cheingei cha, Na chô liata luhpa ta ama so tita, Kheihta ma na tah aw? Chanô sawzeih pasapa hawhpa Pasana ta cha patu aw vei ma?

ZEREMIAH 13:21 ပူးပေါင်းရင်းမြစ်များ

2 ABEIZY 16:7

Ahâza ta Asuria bei Tikalâpilesa lâ lyuhchâpa tuah ta, a hnohta, “Châ chakaotuhpa nata na sawchapawpa ei châ hih. A khy la, nâ dyuh ngâpa Aramia bei ku tawhta nata Izarei bei ku tawhta na kaw pachha teh,” tah ta.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ISAI 13:8

Chipa ta y aw ei ta, Pasana nata rietheitaona ta âmo cha a patu aw; Chanô saw a zeihpa hawhta, Pachârôh ngaitapa ta ama y aw. Thlazoh pachârôhpa ta a moh raihrie aw ei ta, Ama hmiazy meipaleih hawhta a saih aw.

ISAI 21:3

Chavâta ei chai nata ei zôhzy pasana ta bie ta, Chanô sawzeihpa pasana hawhpa Pasa­na ta eina patu haw. Pasa ei tao tupa vâta, Ei nah ta thei thei khao leipa ta; Ei pachârôh tupa vâta, Ei mo ta hmô thei khao vei.

ZEREMIAH 2:25

Phei ruapa ta na y awpa pasaih leipa la, Na rao a hi awpa pasaih khah y. Châhrasala, “Hnabeiseihna y khao vei, Chihropazy vâia ha ei na ta, Âmo tlao ei pazi lâlao aw ei,” tah chi ta.

ZEREMIAH 22:23

Hy Lebanaw râh liata pahrâ chi ta, Sidy tho hry liata bu a tupa y, Pasana na chô liata vaw tlô aw ta, Chanô sawzeihpa hawhta pasana ta a cha vaw tlô thlu tita, Ngiachhie nâ chhih awpazie rimâ cha!”

ZEREMIAH 30:6

Tahmâ hiahri u la, moh tua u, Chapaw ta saw a phaoh thei ma? Kheihtazie ta ma chanô saw a zeihpa hawhta, Chapaw to ta ama py amâ hriapa ei hmô tly? Khazia hmia to a hlâh khai ha tly?

ZEREMIAH 38:22

Moh teh, Zudâh bei o liata chanô a ypa zydua­ cha Babylaw bei beimachâzy lâta a chhipa châ aw ei ta, chanôzy chata na hnohta, “‘Na viasa phapazy ta cha dôvei ei ta, Ama cha pahnie haw; Tahmâ cha na phei chiatlao liata a taw ha ta, Ama châ heihsai khai ha hih,’ ama cha tah aw.

ZEREMIAH 4:30

Hy nâ, roryhrapa khihpi, Khâpa hmo ma tao nâ chhuah? Poh saihlawpa a bupa ta, Ngôh atobinazy ta a tobi chi ta, Na mozy hlyu na hniapa kha, Khâpa hmo ma tao nâ chhuah? Hraoleipa ta nâ tobipa a châ. Na khopawzy ta cha mohnao pyly ei ta, Na hrona la amâ chhuah pyly.

ZEREMIAH 4:31

Chanô sawzeihpa chana ao thei na ta, Saw tuapa a sa ngâpa pasataona ao ei thei. Zaio sawchanô ta hu chhâpa ta a kuzy pazawh ta, “Ei hu a po kaw dia! Lianycheihtuhpazy hmiakô liata ei panao haw,” Tahpa ta a chapa pyu ei thei.

ZEREMIAH 48:41

Keriô khihpi cha pahniepa châ aw ta, A thokhyzy lapa a châ aw. Cha noh liata, Môabâ pasaiphazy palôh cha, Chanô sawzeihpa palôh hawhta a châ aw.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

ZEREMIAH 6:24

Cha kyh liata bie pathâhpa thei pi ta, Eima bâhtha a tlo khai haw; Nôpona ta miah patu ta, Chanô sawzeih pasapa tlu ta pasana ta miah a patu haw.

EZEKIA 28:9

Khazoh châ leipa chi ta, Chyhsapa deita na châ; Châ thietuhpazy mohmô liata, “Khazoh ei châ,” khâ na tah aw ma? Châ nyhtuhpazy ku liata, “Khazoh ei châ,” khâ na tah aw ma?

MATHAI 24:8

Cha zydua cha sawzeih pasa athaona deita a châ.

1 THYSALAWNIKA 5:3

Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.