ZEREMIAH 13:19 - Mara Bible RV (BSI)

¹⁹ Neke khihpizy khawpa châ ei ta, A pahy awpa y veih ei; Zudâh pôhpalôhpa sei ta a chhipa châ ei ta, Ama siekhei khai haw.

ZEREMIAH 13:19 ပူးပေါင်းရင်းမြစ်များ

2 ABEIZY 25:21

Babylaw bei ta Hâmathi râh Riblâ khihpi liata âmo cha chhawh ta, a thie ha ei. Chatanachata Zudâh pathlazy cha ama râh tawhta seichâna lâ ama siekhei haw.

1 THÂTIHZYRONA 9:1

Chatanachata Izarei saw zydua thyutôna cha roh khaipa châ ta, chazy cha Abeizy Châbu liata ropa a châ. Zudâh cha a paraona vâta Babylaw lâ sei ta a chhipa châ ta.

ZAWBÂ 12:14

A phie ha khiahta cha, Ahy hmah paduapathi thei leipa aw ei ta; Chyhsa a khawhlôh ha khiahta cha, Ahy hmah pahy thei aw vei.

ZEREMIAH 17:26

Zudâh khihpizy nata Zerusale chheipâhzy tawhta chyhsazy a vy aw ei ta, Benzami râh tawhta zy, Sephelâ bypi râh tawhta zy, tlâh râh tawhta nata Neke chho râh tawhta zy a vy aw ei ta, raopa hlânazy, atheihnazy, niepa hlânazy, deiryhzy ropahâhpazy nata alyna biereina hlânazy Abeipa o lâ ama vaw cheih aw.

ZEREMIAH 20:4

Abeipa ta hetana heta a tah: Pachâ teh, Nâma châta nata na viasa zydua châta chichhihpa ta ei cha tao aw. Âmo cha eina moh thlâh ha no ei ta, ama chariahpazy zaozi ta ama pao aw. Zudâh mo zydua cha Babylaw bei ku liata hlâ khai aw ei na ta, Babylaw lâ sei ta a chhi aw ei ta, zaozi ta a thie aw ei.

ZEREMIAH 24:1

Babylaw bei Nebukaneza ta Zehôki sawchapawpa Zudâh bei Zekôniah cha, Zudâh beimachâzy nata zôthaipazy nata syudaihpazy chhaota Zerusale tawhta Babylaw lâ sei ta â chhi tawhta, he aluahna he Abeipa ta eina pahmôsapa a châ: Abeipa Achhyna o hmiakô liata patyupa theiku hrâbyh miano hmô na ta.

ZEREMIAH 28:4

Babylaw bei raopaky thlie aw na ta, Zehôki sawchapawpa Zudâh bei Zekôniah nata Zudâh tawhta Babylaw lâ sei ta a siepa zydua kha, he su lâ he ei vaw chhi pakhua heih aw ei, Abeipa ta a tah,” tah ta.

ZEREMIAH 32:44

“Ama seichâna tawhta pakuasapa ta vânoh ei patosa heih awpa vâ ei ta, Benzami râh liata zy, Zerusale chheipâh suzy liata zy, Zudâh khihpizy liata zy, tlâh râh khihpizy liata zy, Sephelâ bypi râh khihpizy liata nata Neke chho râh khihpizy liata, chyhsazy ta tâkâ ta lyuzy chalei aw ei ta, chaleina ryuchâzy roh aw ei ta, moh chahnaona ta chahnao pa-ipa ta, pahnokheituhpazy ta ama pahnokhei aw,” Abeipa ta a tah.

ZEREMIAH 33:13

Mietaku zawzy cha, tlâh râh khihpizy, Sephelâ bypi khihpizy, Neke chho râh khihpizy, Benzami râh, Zerusale chheipâh suzy nata Zudâh khihpizy liata ama moh a pakituhpazy ku ry liata ama sie heih aw,” Abeipa ta a tah.

ZEREMIAH 39:9

Pheisaih hyutuhpa Nebuzarâdâ ta khihpi liata chyhsa a nguapazy, ano lâ a râpazy nata chyhsa hropa zydua cha Babylaw lâ sei ta â chhi khai ha ei.

ZEREMIAH 52:27

Babylaw bei ta Hâmathi râh Riblâ khihpi liata âmo cha chhawh ta, a thie ha ei. Chatanachata Zudâh pathlazy cha ama râh tawhta seichâna lâ ama siekhei haw.

ZEREMIAH 52:28

He he Nebukaneza ta Zudâh phopi sei ta â chhipazy maluh a châ: Kô sarina liata Zu chyhsa 3,023 a chhi ta,

ZEREMIAH 52:30

Nebukaneza abeina kô kih nata kô thôhna liata, abei vaituhpazy hyutuhpa Nebuzarâdâ ta Zu chyhsa 745 sei ta a chhi ta, ama zydua ta 4,600 ama châ.

CHAPHÔHTUNA 1:3

Zudâh cha seichâna lâ siepa ta pasatao ta, Hriapasa riethei taopa ta a y; Phopizy hry liata pahrâ ta, Apahâna su rai hmô vei; A chadaituhpazy ta a chadai ei ta, A nôpo lichih ta ama kei pha haw.

ZEKARIA 7:7

Hezy he Zerusale nata a chheipâh khihzy huhiehpa nata lôhrâtlôpa ta ama y daihti nata Neke nata Sephelâ zy liata chyhsa ama pahrâ daihti liata, hrohsopa hmiatuapazy hmâpa ta Abeipa ta a phuahpa biezy kha châ vei ma?’” tah ta.

RYHPACHANEINA 28:15

“Abeipa nama Khazohpa ao nathlie leipa u la, Abeipa biepiepa nata a bieraopa tanoh ta ei cha piepazy ei he zyh leipa ta, nama tao leipa khiahta deikua cha, he chhiesana zydua he nama chô liata vaw tlô aw ta, nama hmia lâta a cha siekhâh lymâ aw ei.

RYHPACHANEINA 28:52

“Nama râh chhôh zydua liata nama ngâpa thokhy a sâhpa nata a ipazy ama pacho khai hlâlei nama khihpi zydua liata cha dôh aw ei ta, Abeipa nama Khazohpa ta râh a cha piepa liata nama khihpi zydua lia tlai ta ama cha dôh aw.

ZAWSUA 18:5

Râh cha su sari ta ama pachhaih aw. Zudâh cha chho lâta a râh liata y aw ta, Zawsi chi cha Maw lâta ama râh liata ama y aw.