ZEREMIAH 13:17 - Mara Bible RV (BSI)

¹⁷ Nama nathlie vei khiahta deikua cha, Namâ palaina vâta arulâta cha aw na ta; Ei mothlih thata loh aw ta, Ei cha ngâ thlâh ha aw; Abeipa mietaku zaw cha, Seichâna lâ a chhipa ama châpa vâta.

ZEREMIAH 13:17 ပူးပေါင်းရင်းမြစ်များ

HLAZY 119:136

Na ryhpa bie ama zyh leipa vâta, Ei mozy tawhta mothlih chavah a loh tyh.

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

ISAI 63:11

Hlâno daihtizy a thei heih ei ta, Mawsi ta Abeipa phopi a chhihthana daihtizy kha amâ thei heih. Chatanachata hetana heta ama tah: “Tilaipi tawhta a phopi a chhi papuatuhpa Abeipa kha, Khataih liata a y haw? A mietaku zaw vaituhpazy chhaota Âmo a chhi papuatuhpa kha, Khataih liata a y haw? Ama hry liata a Thlahpa Pathaihpa a sohtuhpa kha, Khataih liata a y haw?

ZEREMIAH 14:17

“Ama hnohta he bie he na reih awpa a châ: ‘A chhô zâ ta ei mothlih loh sala, Hi beih khah sy. Ei phopi zuah laihsa kôpa cha thata tupa châ ta, Hmah laipa a phaoh ha hih.

ZEREMIAH 15:17

Haosai a taopazy hry liata a tyuh leipa na ta, Haosai liata a ly hra va na. Ei chô liata na ku y ta, Ruchhôna ta eina pabiepa vâ chi ta, Kei dei ta tlâ ei tyuh tyh.

ZEREMIAH 17:16

Na mietaku vaituhpa ei châna a râsai leipa na ta, Chhiena noh a vaw tlô awpa chhao khoh hlei va na. Ei hmao tawhta a puapa pahno chi ta, Cha cha na hmiakô liata a y.

ZEREMIAH 22:5

He biezy he nama zyh leipa khiahta deikua cha, keima sasyh moh a reipa ta bie ei taih, he o he roryhrapa ta a y aw, Abeipa ta a tah.

ZEREMIAH 23:1

“Ei sibiepa su liata mietakuzy pahleipadiapa ta a papaituhpa mietaku vaituhpazy ama hu a po na!” Abeipa ta a tah.

ZEREMIAH 23:2

Chavâta Abeipa, Izarei Khazohpa ta, ei phopi a vaituhpa mietaku vaituhpazy kyh liata, hetana heta a tah: “Ei mietaku zaw papai ei chi ta, nama to haw, vaih veih ei chi. Moh teh u, nama paraopazy vâta ei cha hrie aw ei,” Abeipa ta a tah.

ZEREMIAH 9:1

Ei luh he ti châ sala, Ei mo he mothlih hnawh châ mawh sala, Ei phopi zuah ama thiepazy châta, Chhô nah zâ ta ei cha awpa tlai!

CHAPHÔHTUNA 1:16

“Hezy vâna heta cha na ta, Ei mothlih ti hawhta a loh; Thlapalôhtuhpa hra cha nâ hla ha ta, Ei hro tha nâ patlô awpa y khao veih ei; Chariahpa ta pahniena to ha ta, Ei sawzy roryhrapa ta ama y.”

CHAPHÔHTUNA 1:2

Vâsâhpa ta zâ ta cha ta, A baih liata mothlih hi vei; A khopaw zydua hry tawhna khata, A thlah a palôh awpa hnei khao vei; A viasazy ta a paphasai ei ta, A chariahpa lâta amâ lie khai haw.

CHAPHÔHTUNA 1:9

A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

CHAPHÔHTUNA 2:18

Ama palôh ta Abeipa a pado. Hy Zaio sawchanô thokhy y, Vah ti hawhta mothlihzy loh sala, A chhô zâ ta loh mawh sy! A pahâ leipa la, Na mo paso khah sy!

CHAPHÔHTUNA 3:48

Ei phopi sawchanô raona vâta, Chavah hawhta ei mothlih a loh.

EZEKIA 24:16

“Chyhsa sawchapawpa y, moh teh, na mo lôhrâtlôna kha eikhapi ta ei cha lapa ha aw. Mâchhie na sa awpa châ leipa ta, na cha awpa châ hra leipa ta, na mothlih a tla awpa châ hra vei.

EZEKIA 34:31

Nâmo cha ei sibiepa su liata ei mietakuzy nama châ. Chyhsapazy he ei mietakuzy cha châ ei chi ta, kei he nama Khazohpa ei châ, Abeipa Zehôvâh ta a tah.”

EZEKIA 36:38

Atheihna awpa sahroh zaw hawhta, kyhchhi nohzy liata Zerusale liata sahroh zaw hawh tlai ta, khihpi rypazy cha chyhsa zawzy ta ama bie aw. Chatanachata Abeipa ei châ tahpa ama pahno aw.”

EZEKIA 9:4

Abeipa ta a hnohta, “Zerusale khihpi chahryh la, khihpi chhôh liata hmo pasichhihpa taopazy vâta a hrôpa nata a rôhpazy chyhsazy khi liata ngiana tao mah y,” tah ta.

MALAKHAI 2:2

Nathlie leipa u la, nama pathipalôh liata a vao hra leipa sala, ei moh nama palyupalih leipa khiahta cha, nama chô liata chhiesana patlôsa aw na ta, nama byhnâzy cha chhiesana lâta ei palie aw. Hmeiseihta cha nama pathipalôh liata namâ vao leipa vâta, tahmâ tlai chhao heta chhiesana lâta ei palie haw,” Pheisaihzy Abeipa ta a tah.

1 SAMUELA 15:11

“Sawla bei ei vaw taopa he la, ei ngiapachhi kaw na. Kei na pazi leipa ta, hnôh na chhy ta, ei biepiepazy zyh vei,” tah ta. Samuela cha a hiehâh ngaita ta, azozâkhihdei ta Abeipa pado ta.

1 SAMUELA 15:35

Cha noh tawhna chata Samuela cha a thi noh taihta Sawla a hmô khao vei. Chatanachôta Samuela cha Sawla vâta a pachâ a rôh ngaita tyh. Abeipa ta Izarei chô liata bei châ awpa ta Sawla a vaw taopa cha â ngiapachhi ngaita.