ZEREMIAH 13:16 - Mara Bible RV (BSI)

¹⁶ Abeipa ta zohna vaw patlôsapa ta, Tlâhpizy chô liata a zoh chy ta nama phei â chapia hlâta, Khaihna na hnabeiseihpa cha zohmyhna lâta pachâsapa ta, Zoh kaluhna lâta a pachâsa hlâta, Abeipa nama Khazohpa cha palyupalih teh u.

ZEREMIAH 13:16 ပူးပေါင်းရင်းမြစ်များ

ZAWBÂ 3:5

Zohna nata thina nohpahli ta khu sala, A chô liata meihdo a chhoh sala, Noh zohpa ta chalyusa mawh sy.

HLAZY 107:10

Thokha cha zohna nata thina nohpahli liata a tyuh ei ta, Pasataopa nata thua ta chahrypa ta patâhpazy ama châ.

HLAZY 107:14

Zohna nata thina nohpahli tawhta âmo cha a chhi papua ta, Ama chahrynazy a chhiepa ei.

HLAZY 29:2

Abeipa cha a moh rônahna patosa u la, Abeipa cha pathaihna nata angiana ta a chhy muh vy.

HLAZY 44:19

Chatanachôta changiezy laihna su liata miah hriechheih chi ta, Thina nohpahli ta miah na khu haw.

PUASAINA 10:21

Abeipa ta Mawsi hnoh ta, “Izi râh he zohna ta khu sala, zoh kaluhpa ry liata ama pathâ hôlôna hâh ta, avâ lâ na ku pazawh teh,” tah ta.

BIESOZY 4:19

Hmoparaopazy lâpi cha zoh kaluh ha ta, Khâpa ma amâ chapia tahpa chhao pahno veih ei.

BIECHHOTUHPA 11:8

Chavâta chyhsa ta kô hluhpi a hro khiahta cha, cha zydua liata a ly mawh sy. Anodeikua cha zohna nohzy chhao a hluh kaw aw tahpa a thei mawh sy. Hmo a vaw tlôpa zydua he hraoleipa sai na a vaw châ.

ISAI 5:30

Cha noh liata, tilaipi a rôhpa hawhta, Izarei chô liata amâ rôh aw. Chyhsa ta râh a sai khiahta cha, Zohna nata nôpona sai hmô aw ta, Khaihna cha meihdozy vâta a zoh ha aw.

ISAI 59:10

Mochaopa hawhta pâhchhô pathâ pi ta, Mo hnei leipazy hawhta eima pathâpazi tyh. Nohchhô sawhvaw pi tlai ta, Zâ hawhta a pachhi pi ta; Thatlôpazy hry liata la, Athipa hawh dei eima châ.

ISAI 59:9

Chavâta adona cha, Keimo tawhta â hlapi ta y ta; Siana ta miah pha beih vei. Khaihna hâ pi ta, Châhrasala zohna sai a y; Pavâpa hâ pi ta, Châhrasala zoh kaluhpa liata tlao eima charei.

ISAI 60:2

Pachâ teh, zohna ta alei he khu aw ta, Zoh kaluhna ta phopizy a khu aw. Nâma chô liata deikua cha, Abeipa noh vaw chhi aw ta, A rônahna na chô liata â lâ aw.

ISAI 8:22

Alei lâ moh aw ei ta, nôpona nata zohna nata pachârôhna zohmyhna ta a biepa hmô aw ei ta, zohna chha kaluhpa liata thypa ama châ aw.

ZEREMIAH 14:19

Hy Abeipa, Zudâh cha na thy pathlah ha ma? Na hro ta Zaio a pasi kaw ma? Eima châta patlâhna y leina taihta, Khazia ma pasa miah na pataosa tly? Thlalôhna tlua pi ta, Châhrasala phana vaw tlô leipa ta; Patlâhna daihti hâ pi ta, Chichhihna sai eimâ tyh.

ZEREMIAH 2:6

‘Izi râh tawhta miah a kaw chhi papuatuhpa Abeipa kha khataih liata a y?’ tah leipa ei ta, ‘Râhchawhpa liata miah chhihtha ta, Sadi bypi liata miah chhihthapa ta, Khaohtlôzy liata miah chhihthatuhpa kha, Khataih liata a y haw?’ Tah hra leipa ei ta; ‘Râh chawhkaraipa liata miah chhihthapa ta, Thina nohpahli râh liata miah chhihtha ta; Chyhsa chapia beih leina râh liata miah chhihthapa ta, Ahy hmah pahrâ beih leina râh liata miah chhihthatuhpa kha, Khataih liata a y haw,’ Tah hra veih ei.

ZEREMIAH 23:12

“Chavâta ama siena lâpi cha, Âmo châta zâ zohpa liata lâpi pahniapa hawhta a châ aw; Âmo hriena kô liata, Ama chô liata chhiena ei patlôsa awpa vâta, Lâpi pahniapa lâ cha topa châ aw ei ta, Ama pao aw,” Abeipa ta a tah.

ZEREMIAH 4:23

Alei moh na ta, Pizie hnei leipa ta aruapa ta y thlâh ha ta; Avâzy chhao kaw moh na ta, Khaihna hnei veih ei.

ZEREMIAH 50:6

“Ei phopi cha mietaku a leipa ama châ. Âmo vaituhpazy ta paviasa ei ta, Tlâhpizy lâta amâ chhi; Tlâhpi tawhta tlâhthlôh lâta viavi laih ei ta, Amâ syna mietaku o ama my haw.

ZEREMIAH 6:21

Chavâta Abeipa ta hetana heta a tah: ‘He phopi hmiakô liata achapiana lôzy soh aw na ta, Cha liata amâ chapia aw; Paw nata saw a chapia khoh aw ei ta, Vaih nata a viasa ama leidia khoh aw.’”

ZEREMIAH 8:15

Thlalôhna mokhâh pi ta, Châhrasala hmo phapa vaw tlô hlei vei; Tlâhna daihti mokhâh pi ta, Châhrasala moh teh u, chichhihna dei a châ hih.

CHAPHÔHTUNA 4:17

Hraoleipa ta baona eima mokhâhna liata Eima mozy a bâ khai haw; A pachha thei lei awpa phopi tlai cha, Hâ chaimâh pi ta eima mokhâh.

EZEKIA 21:15

Chatanachata ama palôh dua aw ta, chyhsa hluhpi ama pao aw. Ama thokhy chhikao zydua zaozi patliepa hnohta ei hlâ haw. Cha cha dôhla hawhta taopa zaozi châ ta, thie nawpa ta taopa zaozi a châ.

EZEKIA 34:12

Mietaku vaituhpa ta a mietaku zaw a vai nota mietaku a paipatlapazy a tluapa hawhta, ei mietakuzy cha tlua aw ei na ta, vâ panohna nata zohmyhna noh liata, ama paipatlana su zydua tawhta ei pachha aw ei.

EZEKIA 36:15

Râhzy ta ama cha reipachhiena thei khao leipa aw chi ta, phopizy mohnaopa châ khao hra leipa aw chi ta, na râh papaosa khao aw va na,” Abeipa Zehôvâh ta a tah.

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

AMÔSÂ 4:13

“Pachâ teh, tlâhzy taopa ta thlihzy paysa ta, A palôh chyhsa hnohta phuah ta, Khihdei pavâpa chhao azohpa pachâsa thei ta, Alei su sâhpazy liata a chareipa cha, A moh Zehôvâh, Pheisaihzy Khazohpa a châ.”

AMÔSÂ 5:18

Nâmo, Abeipa noh a vâpazy saih u, Nama hu a po na! Khâpa châta ma Abeipa noh cha nama vâ tly? Cha noh cha khaihna châ leipa ta, Zohna mah tlao a châ tâh.

MALAKHAI 2:2

Nathlie leipa u la, nama pathipalôh liata a vao hra leipa sala, ei moh nama palyupalih leipa khiahta cha, nama chô liata chhiesana patlôsa aw na ta, nama byhnâzy cha chhiesana lâta ei palie aw. Hmeiseihta cha nama pathipalôh liata namâ vao leipa vâta, tahmâ tlai chhao heta chhiesana lâta ei palie haw,” Pheisaihzy Abeipa ta a tah.

ZAWHÂNA 12:35

Zisu ta ama hnohta, “Khaihpa cha buakhata nama hry liata a y chy. Khaihpa nama hnei chhôh heta charei teh u, chataleipatala zohna ta a cha pachhai pathlei aw ei. Zohna liata a chareipa cha a sie nawpa pahno vei.

ZAWSUA 7:19

Zawsua ta Âkhâ hnohta, “Ei sawchapawpa, Abeipa Izarei Khazohpa parônahsa la, a hnohta a phuah teh. Khâpa hmo ma na tao tahpa na chho la, na phih khah y,” tah ta.

1 PITY 2:8

Achapiana lô vaw châ ta, Moleina lôpanô a vaw châ haw.” Bie ama zyh leipa vâta a chapia ei ta, cha hawhta y awpa ta raopa rai ama châ.

1 SAMUELA 6:5

Nama kheihluh nothlahpazy nata nama râh a paraotuhpa siahloh nothlahpa zy tao u la, Izarei Khazohpa cha palyupalih teh u. Cha hawhta nama tao khiahta cha, nâmo chô liata nata nama khazohzy nata nama râh chô liata a ku a pahua thei ngyu aw.