ZEREMIAH 13:14 - Mara Bible RV (BSI)

¹⁴ Âmo nata âmo pasukhysa aw ei na ta, pawzy nata sawchapawzy amâ sukhy aw. Âmo pahleipadia lei awpa ta, ngiachhie leipa aw ei na ta, pahlôh hra leipa aw ei na ta, ei tha pasa aw veih ei,’” Abeipa ta a tah.

ZEREMIAH 13:14 ပူးပေါင်းရင်းမြစ်များ

2 THÂTIHZYRONA 20:23

Amawna mo nata Môabâ mo ta Seirâ Tlâh liata a pahrâpazy cha pahleipadia khai a chhuah ei ta, Seirâ mo ama pamua khai nahta, âmo nata âmo a pahleipadia a chhuahpa ta amâ dyuh lymâ.

ZAWBÂ 27:22

Khazohpa ta zawngiah leipa ta ano cha chanaoh ta, A hmotaotheina tawhta rawrôhpa ta â râ.

HLAZY 2:9

Thua chôchahrei ta âmo cha tuchheih aw chi ta, Alei beih hawhta a tlawh ta na taichheih aw ei,” eina tah.

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ZEREMIAH 15:5

“Hy Zerusale y, ahy ma cha ngiachhie aw ta, Ahy ma a pachâ châ rôhkhei aw? Ahy ma na thâtih cha hiahri awpa ta, Nâ lâ a vaw tlei khoh aw?

ZEREMIAH 15:6

Na thy ha chi ta, Hnôh nâ sy lymâ. Chavâta na chô liata ei ku hy na ta, Ei cha pahleipadia haw; A ngiapachhi tiah khao va na, Abeipa ta a tah.

ZEREMIAH 16:5

“Abeipa ta hetana heta a tah: He phopi tawhna heta ei thlalôhna la ha na ta, ei kyhpachâna nata zawngiahna chhao ei la haw. Chavâta mâchhiesana o liata a ngia leipa la, âmo châta chaphôhtu awpa ta tlyma, taokhei awpa ta tlyma, vawh hra khah y, Abeipa ta a tah.

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

ZEREMIAH 25:16

Doh aw ei ta, ama hry liata ei tua awpa zaozi vâta, paochheichhâ aw ei ta, ama hru aw.”

ZEREMIAH 47:3

A arâ tôhpazy chakie pyuzy vâta, A talailihzy a chathopa pyuzy vâta, Talailih tiakizy a pahiehna pyuzy vâta, Pawzy cha ama ku thazei khai ha ta, Ama sawzy lâ chhao a heih khao veih ei.

ZEREMIAH 48:12

“Châhrasala pachâ teh u, paruatuhpazy ano lâ vaw tuah aw ei na ta, âmo ta parua aw ei ta, a beihzy paruapa ta, a râchâzy ama pakei khai nawpa nohzy a vaw tlô hai, Abeipa ta a tah.

ZEREMIAH 6:21

Chavâta Abeipa ta hetana heta a tah: ‘He phopi hmiakô liata achapiana lôzy soh aw na ta, Cha liata amâ chapia aw; Paw nata saw a chapia khoh aw ei ta, Vaih nata a viasa ama leidia khoh aw.’”

CHAPHÔHTUNA 2:21

Khiliah dohlei hry liata, Hawti machâ amâ zawh; Ei satlia laihsa zy Zaozi ta ama pao haw; Na hiehâhna noh liata thie ei ta, Ngiachhiena rai hnei leipa ta ama thie khai haw.

EZEKIA 24:14

Kei Abeipa ta reih ha na ta, a vaw tlô tlai aw. Ei tao tlai aw. A sy leipa aw na ta, pahlôh hra leipa aw na ta, pathleih hra aw va na. Na hroziezy nata na hmotaopazy hawhta pachiapa na châ aw, Abeipa Zehôvâh ta a tah.”

EZEKIA 7:3

Chhâna ta tahmâ a cha vaw tlô thlu haw. Na chô liata ei hiehâhna vaw tuah aw na ta, na hroziezy hawhta cha pachia aw na ta, na pasichhihna zydua vâta ei cha hrie aw.

EZEKIA 7:4

Ei mo ta cha pahlôh leipa aw ta, cha ngiachhie aw va na. Na hroziezy vâta nata râh chhôh liata hmo pasichhihpa na taopa zydua vâta, viari ei cha thô aw. Chatanachata Abeipa ei châ tahpa nama pahno aw.

EZEKIA 7:9

Ei mo ta cha pahlôh leipa aw ta, cha ngiachhie aw va na. Na hroziezy vâta nata râh chhôh liata hmo pasichhihpa na taopazy vâta, viari ei cha thô aw. Chatanachata kei cha a hrie theipa Abeipa ei châ tahpa nama pahno aw.

EZEKIA 8:18

Chavâta kei chhao ta pathi iapa ta hmo ei tao aw. Ei mo ta pahlôh leipa aw ei ta, ngiachhie aw veih ei na. Ao paro ngaitapa ta ei nah liata awh hra ei sala, nathlie aw veih ei na,” tah ta.

EZEKIA 9:10

Chavâta kei chhao ta pahlôh leipa aw ei na ta, ngiachhie aw veih ei na. Ama hmotaopazy ama luh chô liata ei vaw patlôsa aw,” tah ta.

EZEKIA 9:5

Mohropazy hnohta chhao ei nah theina liata, “Ano hnôh lâna hao ta khihpi chahryh u la, thie lymâ muh vy. Nama mo ta pahlôh leipa sala, ngiachhie khuh vy.

HÔSIA 2:4

A sawzy chhao sihryhna ta sapa ama châpa vâta, Zawh a ngiah aw veih ei na.

ZEKARIA 11:6

“Chavâta râh liata a pahrâpazy cha ngiachhie khao aw veih ei na,” Abeipa ta a tah. Chyhsa to a vaih ku liata nata ano bei ku liata ei pie aw. Râh parao khai aw ei ta, châhrasala râh cha ama ku tawhta pachha aw va na.

MATHAI 10:21

Thie awpa ta, unawhpa ta a unawhpa patusa aw ta, paw ta a saw a patusa aw. Sawzy ta nôpawzy a dyuh aw ei ta, ama pathiesa aw.

MÂKA 13:12

Thie awpa ta, unawhpa ta a unawhpa patusa aw ta, paw ta a saw patusa aw ta, sawzy ta ama nôpawzy a dyuh aw ei ta, ama pathiesa aw.

RYHPACHANEINA 29:20

Ano cha Abeipa ta a ngiahthai khoh leipa aw ta, Abeipa hiehâhna nata hiatliana ta a khu aw. He châbu liata ropa chhiesana zydua he a chô liata tla thlu aw ta, Abeipa ta avâ ry tawhta a moh a pahlei aw.

1 SAMUELA 14:16

Benzami râh Kibia liata Sawla riahvaituhpazy ta mohmia pasaih ei ta, zawpizy cha su to lâta a râpaipa ta ama ypa hmô ei ta.