ZEREMIAH 13:11 - Mara Bible RV (BSI)

¹¹ Chaisaih ta â saihtuhpa chyhsa chai liata â baipa hawhta, Izarei pathla zydua nata Zudâh pathla zydua cha, keima châta phopi, moh phana, reithaina nata rônahna ama châ thei nawpa ta, keima liata a bai awpa ta tao ei na ta, châhrasala nathlie khoh veih ei,” Abeipa ta a tah.

ZEREMIAH 13:11 ပူးပေါင်းရင်းမြစ်များ

HLAZY 135:4

Abeipa ta ano châta Zakaw a tlyh ta, A ryuto châta Izarei cha â tlyh.

HLAZY 147:20

Kheihawhpa phopi chô liata hmahta cha hawhta tao beih vei; Chavâta a ryhpazy pahno veih ei. Abeipa cha reithai teh u!

HLAZY 81:11

“Châhrasala ei phopi ta ei ao nathlie leipa ta, Izarei ta nâ ngiarih khoh vei.

ISAI 43:21

Chatanachata ei châta ei paduapa phopi ta, Keima reithaina ama phuah aw.

ISAI 62:12

Chatanachata Izarei sawzy cha, Phopi Pathaihpa tah aw ei ta, Abeipa Chatlaipa ama tah aw. Nâ, Zerusale khihpi chhao, Tluapapuapa Khihpi cha tah aw ei ta; Pathlua Leipa Khihpi ama cha tah aw.’”

ZEREMIAH 13:1

Abeipa ta, “Sie la, pala rih dipa chaisaihna a kei chalei la, na chai liata a saih la, ti liata ny khah y,” na tah ta.

ZEREMIAH 13:10

Ei biezy nathlie khoh leipa ta, âmo palôh chhorupa zipa ta khazoh hropazy pazi ei ta, chazy cha a chakaopa nata a chhypa, he phopi moleipa he, khâpa châta hmahta a phahnai leipa chaisaih hawhna heta ama châ aw.

ZEREMIAH 13:12

“He bie he ama hnohta na reih awpa a châ: ‘Abeipa, Izarei Khazohpa ta, “Titheih zydua kresawhti ta pabie khaipa a châ aw,” a tah,’ tah aw chi ta, âmo ta na hnohta, ‘Titheih zydua kresawhti ta a bie khai aw, tahpa cha pahno ma pi ma?’ ama tah aw.

ZEREMIAH 19:15

“Pheisaihzy Abeipa, Izarei Khazohpa ta hetana heta a tah, moh teh u, ama kuh a pachhasa ei ta, ei biezy ama nathlie khoh leipa vâta, he khihpi chô liata nata a khichapeih zydua chô liata chhiena patlôsa awpa ta ei phuahpa kha ei vaw patlôsa aw.”

ZEREMIAH 32:20

Izi râh liata ngianazy nata hmonoâhpazy palâsa chi ta, tanoh taihta Izarei liata nata chyhsapa zydua hry liata palâsa lymâpa ta, tanoh ta hmo a ypa hawh tlaina heta, moh phana nâ tao hapa a châ.

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

ZEREMIAH 6:17

“Riahvaituhpazy cha sopa ei na ta, Chiahmie pyu nathlie awpa ta ei cha chho ei. Châhrasala, ‘Nathlie aw ma pi,’ tah ei chi ta.

ZEREMIAH 7:13

Tahmâ, he hmo zydua he tao ei chi ta, bie khâ ei châ chhopa chhao ei ta nathlie khoh leipa ei chi ta, ei cha awpa chhao ei ta einâ chhy khoh leipa vâ ei chi ta,

ZEREMIAH 7:23

‘Ei ao nathlie u la, nama Khazohpa châ aw na ta, ei phopi nama châ aw. Bie ei cha piepa zydua zyh u la, nama châta a pha aw,’ tahpa ta bie tlao ei pie ei.

ZEREMIAH 7:24

Châhrasala zyh khoh leipa ei ta, nah pachôh khoh hra veih ei. Âmo ryhraona nata ama palôh molei kuhchhana liata sie ei ta, hmia tôh leipa ta hnôh tlao amâ sy.

ZEREMIAH 7:26

Châhrasala na nathlie khoh leipa ei ta, ama nah pachôh hra leipa ei ta, ama kuh tlao amâ pachhasa. Âmo a pathlatuhpazy hlâ chhao ta ama paru via.

AMÔSÂ 3:1

Hy Izarei sawzy saih u, Abeipa ta nama hnohta a reipa bie he nathlie u la, Izi râh tawhta ei chhi papuapa Izarei phopi ta thei teh u:

LUKA 10:11

‘Nama khih buchadoh eima phei liata â baipazy taihta eima cha chatho thlu hih. Châhrasala Khazohpa khinarâh cha â hnia haw tahpa pahno muh vy,’ nama tah aw.

RYHPACHANEINA 26:18

Abeipa chhao ta bie a châ taihpa hawh ei ta, tanoh tlai ta nâmo cha a ryu sôhpa nata a biepiepa zydua a zyh awpa phopi ta a cha tao ha ei.

RYHPACHANEINA 26:19

Abeipa nama Khazohpa ta bie â vaw taih hapa hawhta, nâmo cha reithaina, moh phana nata palyupalihna kyhzy liata, phopi a paduapa zydua chô liata y awpa nata Abeipa nama Khazohpa châta phopi pathaihpa châ awpa ta a cha padua ei,” tah ta.

RYHPACHANEINA 4:7

Eima padona maih miah a hnia tyhpa Abeipa eima Khazohpa hawhta a hnia tyhpa khazoh a hnei hrapa phopi rônahpa khei hawhpa ma a y?

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.