ZEREMIAH 12:6 - Mara Bible RV (BSI)

⁶ Na unawhpa, na paw pathlazy cheingei ta, Âmo tlai ta cha dôvei ei ta; Cha chadai ei ta, A paropa ta ama cha awsao khawh. Bie pha châ chho hra ei sala, Âmo cha zo khah y.”

ZEREMIAH 12:6 ပူးပေါင်းရင်းမြစ်များ

ZAWBÂ 6:15

Ei unawhzy cha vahtie hawhta a pahnieh tlâh leipa châ ei ta, Vâsua tihry hawhta a kuapa ama châ.

HLAZY 12:2

Chyhsa to ta ama vaihzy hnohta haipa bie reih ei ta, Reithai pakheina hmao ta reithaipa ta, Haidihaiduahna palôh ta bie ama reih tyh.

HLAZY 12:3

Abeipa ta hmiahmôchâna hmaozy chhawh pathlah sala, Apalaina paleih chhao chhawh pathlah sala,

HLAZY 69:8

Ei unawhzy liata khichhaipa hawhta châ na ta, Ei nô sawzy liata chihropa hawhta ei châ haw.

BIESOZY 23:8

A chyhta na niepa chhao pali lilaw aw chi ta, Na bie phapa tlao na papâpahria.

BIESOZY 26:25

Bie phapa a reipa chhao ta zo khah y, A palôh liata hmo pasichhihpa miasari a vaopa a châ.

ISAI 31:4

Abeipa ta hetana heta eina tah: “Chakeibarôhneipa nata chakeibarôhneipa lochopa zy ta, Sa ama taipazy chô liata a rôh ei ta; Mietaku vaituhpa sahlaozy ta amâ râhnaopa chhao ta, Ama awhsâhpa ta pachisa leipa ei ta, Ama pyu ta ama thlah a pazo leipa hawhta; Pheisaihzy Abeipa cha za chô aw ta, Zaio Tlâh liata zâ dyuh aw ta, A tlâh byuhpa liata a zâ dyuh aw.

ZEREMIAH 11:19

Kei deikua cha mietakutaw nônaipa Thie awpa ta amâ chhipa hawhta ei châ. “Tho cha a thei chhaota parao sih la, A moh a thei thlâhpa a châ khao lei nawpa ta, Ahrohpa râh tawhta chhawh pathlah ha suh u,” Ama tahpa kha, Ei chô liata tao amâ chhuahpa a châpa Vaw pahno leipa na ta.

ZEREMIAH 11:21

Chavâta na hrona la a chhuahpa ta, “Abeipa moh ta hrohsona bie phuah khah y, na phuah khiahta cha eima ku liata na thi aw,” châ tahtuhpa Anathô mo kyh liata Abeipa ta hetana heta a tah.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

ZEREMIAH 9:2

Râhchawhpa liata khichhai riebu ei hnei mawh sala, Ei phopi he siesaipa ta, Âmo tawhta ei pua syulyu ha awpa tlai! Ama zydua ta apheipazy châ ei ta, Haiphiahpa ypakhypa ama châ.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

ZEREMIAH 9:4

“Chyhsa to ama vaih tawhta a vaih ei sala, Ama unawhpa chhao ngâ khah ei sy. Unawh to dôvei a hmâhpa sai châ ei ta, Vaihzy chhao kyh rei a thaipa sai ama châ.

ZEREMIAH 9:5

Chyhsa to ama vaih dôvei ei ta, Biedopa a reihpa y veih ei. Ama paleih cha haipa bie rei nawpa ta pachu ei ta, Moleina taopa ta âmosasyh ta ama rie amâ pathei tyh.

MATHAI 10:21

Thie awpa ta, unawhpa ta a unawhpa patusa aw ta, paw ta a saw a patusa aw. Sawzy ta nôpawzy a dyuh aw ei ta, ama pathiesa aw.

MÂKA 12:12

Cha pakhona bie cha âmo a nuapa ta a reipa a châ tahpa ama pahnopa vâta, Zisu cha patu awpa khoh ei ta. Châhrasala zawpi ama chipa vâta, Zisu cha siesaipa ta, sie ha ei ta.

ZAWHÂNA 7:5

A unawhzy chhao ta Zisu cha a ngiapâ leipa ei ta.

HMOTAOPAZY 16:22

Zawpizy chhao vaw pua ei ta, lyuhchâpazy cha a vaw dyuh hra ei ta. Bie pachiapatuhpazy ta lyuhchâpazy cha ama pohzy hrie ta, sôsi ta tu awpa ta biepie ei ta.

HMOTAOPAZY 18:12

Kâliô cha Akai râhvaotuhpa a châ nota, Zuzy cha a paraohpa ta Pawla tei ei ta, ryureina hmiakô lâ a chhi ei ta.