ZEREMIAH 12:14 - Mara Bible RV (BSI)

¹⁴ Abeipa ta hetana heta a tah: “Ei phopi Izarei hnohta ryuto râh ei piepa a chhutuhpa ei chheipâh râh moleipa zydua cha, moh teh u, ama râh tawhta phia aw ei na ta, Zudâh pathlazy chhao ama hry tawhta ei phia aw ei.

ZEREMIAH 12:14 ပူးပေါင်းရင်းမြစ်များ

HLAZY 105:15

“Ei sathawthupazy hria leipa u la, Ei hrohsopazy pasasa khuh vy,” a tah.

HLAZY 106:47

Hy Abeipa eima Khazohpa, Miah pachha la, Râh to tawhta miah pakhy heih mah y; Chatanachata na moh pathaihpa chô liata alyna bie reih aw pi ta, Na moh reithaipa ta eima cha parônahsa aw.

ZEREMIAH 2:3

Izarei cha Abeipa châta pathaihpa châ ta, A sâh hria a daih tuachaipazy a châ. A niepa maihta thailei châ ei ta, Chhiena ta a tlô thlu ei,” Abeipa ta a tah.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 3:18

Cha nohzy liata, Zudâh pathlazy cha Izarei pathlazy a pahlyh aw ei ta, maw lâ râh tawhta ama pathlatuhpazy hnohta ryuto châta ei piepa râh lâ hmaohkha ta amâ zu aw.

ZEREMIAH 32:37

Moh teh u, ei hiehâhna, ei pathiiana nata ei ruchhôna ru ngaitapa ta âmo ei to papua hana râh zydua tawhta pakhy heih aw ei na ta, he su lâ he a vaw chhi pakhua aw ei na ta, â bohpa ta ei paysa aw ei.

ZEREMIAH 48:1

Môabâ kyh liata, Pheisaihzy Abeipa, Izarei Khazohpa ta hetana heta a tah: “Nebô cha roryhrapa ta y ta, A hu a po kaw dia! Kiriathai chhao lapa châ ta, Maophyuhpa ta a y; Thokhy paraopa châ ta, Maophyuhpa ta a y.

ZEREMIAH 48:47

“Châhrasala noh hnôhlâzy liata, Môabâ cha vânoh ei patosa heih aw,” Abeipa ta a tah. Kha rakha kha Môabâ pachiana kyh cha a châ.

ZEREMIAH 49:1

Amawna mo kyh liata, Abeipa ta hetana heta a tah: “Izarei ta sawchapawzy hnei vei ma? Ryutotuhpa hnei vei ma? Khazia Mikô ta Kâdâ cha pho ta, Ano phopi cha Kâdâ khihpizy liata a pahrâsa tly?

ZEREMIAH 49:7

“Edômâ kyh liata, Pheisaihzy Abeipa ta hetana heta a tah: Temâ liata sona y khao vei ma? Asopazy ryhraona a chhâ ha ma? Ama sona a lei khai ha ma?

EZEKIA 28:25

“Abeipa Zehôvâh ta hetana heta a tah: Izarei pathlazy cha hiepatlapa ta ama yna phopizy tawhta a chhi pakhy heih aw ei na ta, râhzy mohmô ta ei pathaihna ama chô liata ei palâsa tita, nâ chakaotuhpa Zakaw hnohta ei piepa ama râh lia tlai ta ama pahrâ heih aw.

EZEKIA 28:26

Cha liata â bohpa ta pahrâ aw ei ta, ozy sa aw ei ta, kre sadôzy ama tao aw. Âmo a mohnaotuhpa ama chheipâh râhzy ei pachia ti ei ta, âmo cha â bohpa ta ama y aw. Chatanachata Abeipa ama Khazohpa ei châ tahpa ama pahno aw.”

EZEKIA 36:24

Phopizy hry tawhta cha lapa ta, râh to tawhta cha pakhy aw ei na ta, nama râh lâ tlai ei châ chhi aw ei.

EZEKIA 36:5

Chavâta Abeipa Zehôvâh ta hetana heta a tah: Ei hiatlia pasana ta phopi hropazy nata Edômâ mo zydua chô liata hiehâh ngaitapa ta bie vaw reih ha na ta. Âmo cha palôh a ly ngaitapa nata papeisana rai hnei leipa ta ei râh nâ chhupazy châ ei ta, râh sibie phana suzy cha ama hraona sôh ta a taopazy ama châ.

EZEKIA 37:21

ama hnohta hetana heta reih teh. Abeipa Zehôvâh ta hetana heta a tah: Pachâ teh u, Izarei sawzy cha ama siena râhzy tawhta lapa ta, su to tawhta pakhy aw ei na ta, âmo râh lâ ei chhi aw ei.

HÔSIA 1:11

Zudâh chyhsa nata Izarei chyhsazy a hmaohpakhy aw ei ta, chhituhpa pakha rao aw ei ta, râh tawhta ama khy aw. Zezari noh rônahzie awpa rimâ cha!”

ZEKARIA 1:15

A boh kawpa hawhta â pachâpa phopizy chô liata chhao ei hie a hâh ngaita. Hmiatua ta cha ei hiehâh tu vei, châhrasala âmo tlai ta moleina hmo ama tao via rili.

ZEKARIA 2:8

Châ hraotuhpazy râh lâ a rônahna ta nâ tuahtuhpa Pheisaihzy Abeipa ta hetana heta a tah: “Nâ châ hriapa cha ei mosaw a hriapa a châ.

RYHPACHANEINA 28:63

Abeipa ta nama chô liata hmo phapa tao ta, nama maluh cha papôh awpa â lynazie a châpa hawhta, nama leina tao awpa nata cha pahleipadia awpa chhao cha Abeipa alynazie châ aw ta, hnei awpa ta namâ kei ngiapa râh tawhta phia pathlahpa nama châ aw.

RYHPACHANEINA 30:3

Abeipa nama Khazohpa ta nama seichâna tawhta cha pakuasa aw ei ta, a cha ngiachhie aw ei. Abeipa nama Khazohpa ta a cha papaipatlana râh phopizy tawhta cha pakhy aw ei ta, a cha pakuasa aw ei.