ZEREMIAH 12:13 - Mara Bible RV (BSI)

¹³ Sâh tu ei ta, Ahloh ama hria; Ama rie thata a pathei ei ta, Athôhna y hlei vei. Abeipa hiehâhna ru ngaitapa vâta, Ama kôvei pha leipa cha ama no a za kaw aw.”

ZEREMIAH 12:13 ပူးပေါင်းရင်းမြစ်များ

HLAZY 78:62

A phopi cha zaozi liata hlâ ta, A ryuto chô liata a hiehâhna a papua thlu.

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 4:26

Mohmia pasaih heih na ta, Lyu phapa cha râhchawhpa lâta a lie ha ta, A khihpi zydua chhao, Abeipa hmiakô liata, A hiehâhna ru ngaitapa hmiakô liata, Ama rao khai haw.

ZEREMIAH 9:5

Chyhsa to ama vaih dôvei ei ta, Biedopa a reihpa y veih ei. Ama paleih cha haipa bie rei nawpa ta pachu ei ta, Moleina taopa ta âmosasyh ta ama rie amâ pathei tyh.

HÔSIA 8:7

Ziza chi tu ei ta, Khisô tlao ama hria aw. Sâh kô a suh leipa ta a duah ta, Viahdie papua aw vei. Sâh hria awpa a ypa chhao ta, Chihropazy ta ama nie aw.

THEIHTHAINA 26:16

kei chhao ta nama chô liata he hmozy he ei tao aw: Nama chô liata hmo chichhihpa patlôsa aw na ta, nama mo pazohsa ta, nama hrona a pahlei theipa chaohpa hri nata chasipazy ei chareisa aw. Hraoleipa ta chi cheih aw ei chi ta, nama chariahpazy nie awpa a châ aw.

THEIHTHAINA 26:20

Nama tha pahryuh thlâhthli aw ei chi ta, nama râh ta kôvei papua leipa aw ta, râh liata thozy ta thei pathei aw veih ei.

MIKÂ 6:15

Chi tu aw chi ta, Châhrasala hria aw va chi; Ôli saoh aw chi ta, Châhrasala sathaw a thu aw va chi; Kre thei saoh aw chi ta, Châhrasala kresawhti doh aw va chi.

HABAKU 2:13

Moh tua u, phopizy ta mei ta a kâ thlâh ha awpa châta hriapasa ei ta, Râhzy ta hraoleipa liata âmosasyh ama rie amâ pathei; Cha cha Pheisaihzy Abeipa taopa châ vei ma?

HÂKAI 1:6

A hluhpi tu ei chi ta, a chyhta dei nama hria. Nie ei chi ta, nama lôhrâ tlô hlei vei. Doh ei chi ta, nama dâhphi pai hlei vei. A bu ei chi ta, lalôh hlei veih ei chi. Hria hlao la ei chi ta, sahria pyupa liata khô awpa châ deita ta a hlaopa nama châ.

HÂKAI 1:9

“Kôvei pha awpa hnabeiseih ei chi ta, moh teh u, a chyhta dei nama hria. O lâ phaoh ei chi ta, châhrasala ei hmô pathlah khai haw. Khâpa vâta ma a châ? Pheisaihzy Abeipa ta a tah. Ei o vâta a châ. Nâmo nama o chyu nama sa hôlô nota, keima o deikua cha araopa ta khâ a y.

RAWMA 6:21

Tahmâ ta nama zakhei kawpa hmo nama vaw tao tyhpazy tawhna khata, khâpa theilâpa ma nama hmô? Kha hmozy chhâna cha thina a châ.

RYHPACHANEINA 28:38

“Lyu liata sâh hluhpi tu aw ei chi ta, khawsu ta nie khai aw ta, a chyhta dei nama hria aw.