ZEREMIAH 12:12 - Mara Bible RV (BSI)

¹² Râhchawhpa awphy tlâh lakizy liata, Paraotuhpa vaw tlô ha ta, Râh chhâna hiakha lâ tawhta hiakha lâ taihta, Abeipa zaozi ta a palâ khai haw; Thlalôhpa ta ahy hmah y thei khao veih ei.

ZEREMIAH 12:12 ပူးပေါင်းရင်းမြစ်များ

ISAI 34:6

Abeipa ta Bôzrâ khihpi liata atheihna hlâ awpa hnei ta, Edômâ râh liata thietuna rarôh ypa tao awpa a hneipa vâta, Abeipa zaozi cha thisaih ta bie ta, Thaw ta a khu; Mietakutawzy nata miezy thisaih ta bie ta, Mietaku tôhpazy lôpo thaw ta a khu.

ISAI 57:21

Moleipazy châta la, Thlalôhna rai y vei,” Ei Khazohpa ta a tah.

ZEREMIAH 15:2

‘Khataih lâ eima sie aw?’ ama cha tah khiahta cha, ama hnohta, ‘Abeipa ta hetana heta a tah: “‘Potlana châta raopazy cha, Potlana lâ sie ei sala; Zaozi châta raopazy cha, Zaozi lâ sie mawh ei sy. Chakâhna châta raopazy cha, Chakâhna lâ sie ei sala; Seichâna châta raopazy cha, Seichâna lâ sie mawh ei sy,’ Na tah aw ei.

ZEREMIAH 16:5

“Abeipa ta hetana heta a tah: He phopi tawhna heta ei thlalôhna la ha na ta, ei kyhpachâna nata zawngiahna chhao ei la haw. Chavâta mâchhiesana o liata a ngia leipa la, âmo châta chaphôhtu awpa ta tlyma, taokhei awpa ta tlyma, vawh hra khah y, Abeipa ta a tah.

ZEREMIAH 25:11

“He râh zydua he râh rypa nata roryhrapa vaw châ aw ta, he phopizy heta Babylaw bei cha kô sysari ama chakao aw.

ZEREMIAH 3:2

“Awphy tlâh lakizy lâ khi ua la, sai tua rai, Ama châ ziakhei leina su a y ma? Râhchawhpa liata Arabia chyhsa hawhta, Na khopawzy hâpa ta lâkiahzy liata a tyuh tyh chi ta, Na sihryhna moleinazy ta râh na papuapalei haw.

ZEREMIAH 3:21

Izarei sawzy cha ama lâpi pavia ei ta, Abeipa ama Khazohpa ama my hapa vâta, Awphy tlâh lakizy liata ao theipa châ ta, Izarei sawzy chana nata ahawna aozy theipa a châ.

ZEREMIAH 30:5

“Abeipa ta hetana heta a tah: Thlalôhna ao châ leipa ta thlazohna ao thei pi ta, Chipa ta awhpa ao eima thei.

ZEREMIAH 34:17

“Chavâta Abeipa ta hetana heta a tah: Nama unawhpa nata nama vaih châta khotalaina phuah awpa kyh liata, chyhsa to ta ei bie zyh veih ei chi. Nathlie teh u, nâmo châta khotalaina ei phuah. Cha khotalaina deikua cha, zaozi nata potlana nata chakâhna zy a tyh awpa khotalaina a châ aw. Khizaw khinarâh zydua ta rarôh y ama tah awpa ta ei cha tao aw ei, Abeipa ta a tah.

ZEREMIAH 4:27

Abeipa ta hetana heta a tah: “Râh pôhpalôhpa roryhrapa ta y aw ta, Chatahrasala chhâ pathlahna patlôsa aw va na.

ZEREMIAH 46:10

“Cha noh cha Pheisaihzy Abeipa Zehôvâh noh châ ta, Phuh a lana noh a châ; A khakhaipazy chô liata phuh â lana noh a châ. Pheisaihzy Abeipa Zehôvâh ta Maw lâ râh Ufrâti chavah kiah liata atheihna hlâ ha ta, Chavâta zaozi ta Izi mo cha, Lôhrâtlôna taihta palâ aw ta, Dâhphi paina taihta ama thisaih a doh aw.

ZEREMIAH 47:6

Hy Abeipa zaozi! Khati ta ma nâ chalih aw tly? Na paih liata â khô la, A pahâ la a chalih bâ mah y!

ZEREMIAH 48:2

Môabâ moh pathâhna a lei haw. Parao awpa ta Hesbaw liata pachia ei ta, ‘A vy teh u, Phopi a châna tawhta Chhawh pathlah ha ei suh u!’ ama tah. Hy Mâdame khihpi y, Nâ chhao pahleipadiapa châ aw chi ta, Zaozi ta a cha chadai aw.

ZEREMIAH 8:15

Thlalôhna mokhâh pi ta, Châhrasala hmo phapa vaw tlô hlei vei; Tlâhna daihti mokhâh pi ta, Châhrasala moh teh u, chichhihna dei a châ hih.

CHAPHÔHTUNA 3:17

Hro thlalôhna ta nâ hneisai ha ta, Alyna cha kheihta ma a y tahpa ei my haw.

EZEKIA 14:17

“Râh chô liata zaozi patlôsapa ta, ‘Zaozi ta râh chahryh sala, chyhsapa nata sazy râh tawhta chhawh pathlah khai ha mawh sy,’ ei tah khiahta cha,

EZEKIA 21:28

“Hy chyhsa sawchapawpa y, hrohsona bie phuah la, Amawna mo nata âmo reipachhiena kyh liata, ‘Abeipa Zehôvâh ta hetana heta a tah: Hy Zaozi, Hy zaozi, thie awpa ta na paih tawhta â phia la, dôhla hawhta pathlie awpa ta padiehsapa ta y mah y.

EZEKIA 21:4

Mosiapa chhao moleipa chhao nâma tawhta ei chhawh pathlah khai ha awpa vâ ei ta, ei zaozi a paih tawhta phia aw na ta, chho lâ tawhta maw lâ taihta chyhsa zydua ei chhawh pathlah khai aw ei.

EZEKIA 21:8

Abeipa bie ei hnohta vaw tlô heih ta:

EZEKIA 21:9

“Chyhsa sawchapawpa y, hrohsona bie phuah la, Abeipa ta hetana heta a tah tah mah y: “‘Zaozi, zaozi cha a tiahpa ta chatapa châ ta, Padiehsapa a châ haw;

EZEKIA 5:2

Su kha cha khihpi dôhna nohzy a chhâ tita, khihpi liah liata mei ta na rao aw. Su kha hropa cha, la aw chi ta, khihpi chheipâh zydua liata zaozi ta na chhawh aw. Su kha hropa heih cha, ziza liata hiepatla aw chi ta, ei zaozi phia aw na ta, ei chadaisa aw ei.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.

AMÔSÂ 9:4

Ama chariahpazy hmia lâta sei ta sie hra ei sala, Cha liata zaozi biepie aw na ta, Âmo cha ei thie aw ei; Phana lâ châ leipa ta, Chhiena lâta ei mo ei tawpâ aw ei.”

ZEPHANIA 2:12

“Nâmo, Kusi mo chhao, Ei zaozi ta thiepa nama châ aw.”

RYHPACHANEINA 32:42

Ei châtaizy thisaih pari awpa ta tao aw na ta, Ei zaozi ta sapa niepa ta, Thiepa nata patupazy thisaih doh aw ta, Chariah hyutuh sâ seihpazy luh tawhta thisaih a doh aw,’ tah ta.

BIEPHUAH 6:4

Arâ hropa, asaihpa vaw pua ta. A chô liata a kiahpa cha, chyhsazy âmo nata âmo pathiesa ta, khizaw tawhta adyhna lapapua awpa ta pasaina piepa châ ta, a hnohta zaozi laipa piepa a châ.