ZEREMIAH 12:11 - Mara Bible RV (BSI)

¹¹ Roryhrapa ta tao ha ei ta, ‘Roryhrapa’ tahpa ta mâchhiesana ao ei thei. Râh pôhpalôhpa cha roryhrapa ta taopa châ ta, Châhrasala ahy hmahta pachâ veih ei.

ZEREMIAH 12:11 ပူးပေါင်းရင်းမြစ်များ

BIECHHOTUHPA 7:2

Kyhchhi a hlaopa hlâta, Mâchhiesana o lâ vawpa a pha via; Cha cha chyhsa zydua chhâna noh châ ta, Ahrohpazy ta ama palôh liata ama khô awpa a châpa vâta.

ISAI 42:25

Chavâta a pathiiana ru ngaitapa cha, A chô liata lei thlu ta; Adyuhna ru ngaitapa a lei thlu haw. Cha chata Izarei cha mei liata phôh ta, Châhrasala pahno vei; Mei chata kâ lymâ ta, Châhrasala a palôh liata soh hlei vei.

ISAI 57:1

Mosiapa leidia ta, A pachâ muaruapa y leipa ei ta; Khazohpa a pachâpazy lapa châ ei ta, A chhâpa a pahnopa y veih ei. Mosiapa cha chhiena a vaw tlô awpa tawhta lapa châ ta,

ZEREMIAH 10:22

Nathlie tua u, bie pathâhpa vaw tlô ta, Maw lâ râh tawhta tyhreihna rarôh ypa a vaw pathâh hai. Zudâh khihpizy roryhrapa ta paysapa ta, Savaizy pahrâna ta tao awpa ta a vaw pathâh.

ZEREMIAH 10:25

Châ pahno leipa râhzy chô liata na hiehâhna lei thlu la, Na mo a pado leipa phopizy chô liata chhao lei thlu mah y. Zakaw cha palâpa ta nie khai ha ei ta, A pahrâna râh roryhrapa ta ama tao ha hih.

ZEREMIAH 14:2

“Zudâh cha mâchhiesa ta, A thokhy chhikaozy a ry khai haw; Chaphôhtupa ta alei liata a byu ei ta, Zerusale awhsâhpa pyu a paro ngaita.

ZEREMIAH 19:8

He khihpi he roryhrapa ta paysa aw na ta, hmaotô chie awpa ta ei tao aw. A chapiapa maihta rarôh y tah aw ei ta, a hmah zydua vâta ama hmao ama tô chie aw.

ZEREMIAH 23:10

Râh cha apheipazy ta bie ta, Chhiesana vâta râh mâchhiesa ta, Râhchawhpa sibiepazy a raoh khai haw. Hmo pha leipa lâpi a chhih ei ta, Â doleipa ta ama thatlôna a hmâhpa ama châ.

ZEREMIAH 25:11

“He râh zydua he râh rypa nata roryhrapa vaw châ aw ta, he phopizy heta Babylaw bei cha kô sysari ama chakao aw.

ZEREMIAH 4:20

Raokeina nata raokeina a patho ta, Râh pôhpalôhpa a rao haw. Ei poh ozy eikhapi ta paraopa châ ta, Ei pohraipazy buakha chhôh ta paraopa a châ.

ZEREMIAH 4:27

Abeipa ta hetana heta a tah: “Râh pôhpalôhpa roryhrapa ta y aw ta, Chatahrasala chhâ pathlahna patlôsa aw va na.

ZEREMIAH 4:28

Cha vâna chata alei cha, Mâchhiesapa ta y aw ta, Chô lâ avâzy a zoh aw. Bie reih ha na ta, Ei chhuah haw; A ngiapachhi leipa na ta, Pathleih hra aw va na.”

ZEREMIAH 6:8

Hy Zerusale, zikyurâna he a papeisa mah y; Chataleipatala cha siesaipa ta, Roryhrapa ta cha tao aw na ta, Pahrâ tlâh leipa râh ta ei cha tao pathlei aw na.”

ZEREMIAH 9:10

Tlâhpizy châta chapa ta sâh aw na ta, Râhchawhpa sibiepa suzy châta mâchhie ei sa aw. Ahy hmahta chapia khoh khao lei awpa ta kâ khai ha ta, Viahchao a aohpa pyu chhao theipa châ khao vei. Avâ pavawzy pai ei ta, Râhsazy ama sie haw.

ZEREMIAH 9:11

“Zerusale cha raona â pachopa khihpi ta tao aw na ta, Savaizy tlaihna su ta ei tao aw. Zudâh khihpizy cha roryhrapa ta tao aw na ta, Khihsawzy y khao aw veih ei,” Abeipa ta a tah.

ZEREMIAH 9:9

He hmozy vâna heta âmo cha hrie aw va ei na ma? Cha hawhpa phopi chô liata ei phuh la aw va na ma?” Abeipa ta a tah.

ZÔELA 1:10

Lyuzy rao khai ta, Sâhzy a rao khai haw; Kresawhti kua ta, Sathaw a hi haw; Chavâta chhaohlei cha mâchhiesapa ta a y.

THEIHTHAINA 26:32

Râh cha keima tlai ta roryhrapa ta tao aw na ta, cha liata a pahrâpa nama chariahpazy taihta noâh ama tah aw.

ZEKARIA 7:5

“Râh chhôh liata chyhsa zydua nata theihthaipazy hiahri teh, ‘Kha kô sysari chhôh zydua liata, thla pangawhna nata thla sarina maihta kâhvileipa ta nata mâchhiesapa ta nama y tyhpa kha, keima châta kâhvileipa ta a ypa nama châ tlai ma?

MALAKHAI 2:2

Nathlie leipa u la, nama pathipalôh liata a vao hra leipa sala, ei moh nama palyupalih leipa khiahta cha, nama chô liata chhiesana patlôsa aw na ta, nama byhnâzy cha chhiesana lâta ei palie aw. Hmeiseihta cha nama pathipalôh liata namâ vao leipa vâta, tahmâ tlai chhao heta chhiesana lâta ei palie haw,” Pheisaihzy Abeipa ta a tah.

RAWMA 8:22

Hmotaopa zydua cha sawzeih pasa taopa ta, tahmâ taihta amâ rôh ngâ thlâh ha tahpa eima pahno.