ZEREMIAH 11:7 - Mara Bible RV (BSI)

⁷ Châ pathlatuhpazy kha Izi râh tawhta ei kaw chhi papua no tawhta tanoh taihta, ei bie zyh awpa ta â i ngaitapa ta ei vaw chho ngâ thlâh ha tyh ei.

ZEREMIAH 11:7 ပူးပေါင်းရင်းမြစ်များ

2 ABEIZY 17:13

Chatanachôta Abeipa ta hrohsopa to nata hmôtheituhpa to hmâpa ta, “Nama yzie moleipazy a heihsai u la, châ pathlatuhpazy hnohta bie ei piepa Ryhpa nata nâ chakaotuhpa hrohsopazy tuapa ta ei cha piepa ei, ei biepiepazy nata bieraopazy zyh teh u,” tahpa ta Izarei nata Zudâh zy cha zikyu khâ a râ tyh ta.

2 THÂTIHZYRONA 36:15

Abeipa, ama pathlatuhpazy Khazohpa ta, ano phopi nata a pahrâna su tha a pasapa vâta, a chalihsai leipa ta, âmo lâta lyuhchâpazy khâ tuah ta.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

ZEREMIAH 11:4

Nâmo châ pathlatuhpazy Izi râh thua patina meihô tawhta ei chhi papua nona ei kha, ei ao nathlie awpa nata ei biepie zyh awpa ta bie ei pie ei. Chatanachata ei phopi châ aw ei chi ta, kei nama Khazohpa ei châ aw.

ZEREMIAH 25:3

“Amawna sawchapawpa Zudâh bei Zôsia abeina kô hrawh hleithôhna tawhta tanoh taihta, Kô kih nata kô thôh chhôh tlai, Abeipa bie ei hnohta vaw tlô tyh ta. Cha biezy cha nama hnohta ei phuah chanei ngâ thlâh ha tyh. Châhrasala nathlie veih ei chi.

ZEREMIAH 25:4

Abeipa ta a chakaotuhpa hrohsopa zydua nâmo lâ a vaw tuah chanei ngâ thlâh hapa chhao ei ta, nathlie leipa ei chi ta, ama bie thei awpa ta nama nah pachôh hra veih ei chi.

ZEREMIAH 31:32

“Âmo pathlatuhpazy ama ku patupa ta Izi râh tawhta ei chhi papua noh ta ama hnohta ei hraipa biehrai hawhpa, ama vahpa ei châpa chhao ta, ama paraopa ei biehrai hawhpa kha châ aw vei,” Abeipa ta a tah.

ZEREMIAH 32:23

Bie nâ taih râh lâ cha a ngia ei ta, râh cha ama hnei. Châhrasala na bie a ngiah leipa ei ta, na ryhpa a chhih hra leipa ei ta, tao awpa ta bie na piepazy tao veih ei. Chavâta he chhiena zydua he ama chô liata na patlôsapa a châ hih.

ZEREMIAH 34:14

‘Chyhsa to ta nama unawhpa Hebrai chyhsa nama hnohta zuapa, kô charu châ chakao hapa cha, kô sarina chhâna liata khotalaina piepa ta nama papuasa awpa a châ,’ tah na ta. Châhrasala châ pathlatuhpazy ta na nathlie leipa ei ta, kei lâta ama nah pachôh hra veih ei.

ZEREMIAH 35:14

Rekhâ sawchapawpa Zônadâ ta a pathlazy hnohta kresawhti doh lei awpa ta biepie ta, a pathlazy ta âmo pathlatuhpa biepiepa cha zyh ei ta, tanoh taihta khâpa hmahta doh veih ei. Kei deikua cha ei cha chho ngâ thlâh hapa chhao ei ta, na nathlie veih ei chi.

ZEREMIAH 35:15

Nâ chakaotuhpa hrohsopa zydua nâmo lâ khâ vaw tuah ei na ta, nama hnohta, ‘Chyhsa to nama hrozie pha leipa tawhta vaw kua u la, nama hmotaopazy a phapa ta taopathi u la, khazoh hropazy pazi leipa u la, chakao khuh vy. Chatanachata nâmo nata châ pathlatuhpazy hnohta râh ei cha piepa liana heta nama pahrâ aw,’ tahpa ta khâ cha chho ei ta. Châhrasala nama nah pachôh leipa ei chi ta, na nathlie hra veih ei chi.

ZEREMIAH 7:13

Tahmâ, he hmo zydua he tao ei chi ta, bie khâ ei châ chhopa chhao ei ta nathlie khoh leipa ei chi ta, ei cha awpa chhao ei ta einâ chhy khoh leipa vâ ei chi ta,

HÔSIA 4:1

Hy Izarei sawzy saih u, Abeipa bie thei teh u; He râh liata a pahrâpazy Abeipa ta a cha leih ei: Ngâchhihna charei leipa ta, Ngiachhiena charei hra leipa ta, Râh liata Khazohpa pahnona y vei.

HÔSIA 5:1

Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

ZEKARIA 1:4

Châ pathlatuhpazy hawhna khata y khah u. Hrohsopa hmiatuapazy ta, ‘Pheisaihzy Abeipa ta hetana heta a tah, nama moleina lâpi tawhta nata nama moleina hmotaopazy tawhta tahmâ vaw kua teh u,’ tahpa ta zikyu a râ ei ta, châhrasala nathlie leipa ei ta, na uasa hra veih ei,” Abeipa ta a tah.

EPHESI 4:17

He he Abeipa liata reih na ta, ei cha chho ei: Pachâna hraoleipa a hneipa Zenitaizy hawhta nama y khao awpa châ vei.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

RYHPACHANEINA 30:20

Abeipa nama Khazohpa kyhpachâ u la, a ao nathliepa ta, ano khâchâ patu teh u. Ano cha nama hrona châ ta, nama hro pasina a châ. Chatanachata Abeipa ta châ pathlatuhpa Abarahâ, Aisika nata Zakaw zy hnohta pie awpa ta bie â taihpa râh liata nama pahrâ thei aw,” tah ta.

RYHPACHANEINA 4:6

Chavâta zyh u la, tao muh vy. Cha cha phopizy mohmô ta nama sona nata novâhna a châ aw. Chatanachata bieraopa zydua cha ama thei tita, “He phopi rônahpa he phopi sopa nata novâhpa tlai na ama châ,” ama tah aw.

RYHPACHANEINA 5:29

Aw, he hawhpa palôh he khâ ama phaoh tyh mawh sala, na chipa ta, ei biepiepazy zyh aw ei ta, âmo nata ama pathlazy chhâzaw ta thlaochhipa ta ama y awpa tlai!

RYHPACHANEINA 6:2

Chatanachata Abeipa nama Khazohpa cha chipa ta, a bieraopa nata a biepiepa ei cha piepazy he nama hro chhôh zydua ta zyh aw ei chi ta, nama hro a pareih aw.

RYHPACHANEINA 8:6

Chavâta Abeipa nama Khazohpa biepiepazy zyh u la, a lâpi a chhihpa ta, ano cha chi muh vy.

2 THYSALAWNIKA 3:12

Cha hawhpa chyhsazy cha, a thlih thlâh hapa ta ama rai hria ei sala, ama nie awpa hria papua awpa ta Abeipa Zisu Krista moh ta biepie pi ta, eima pasyu.

1 SAMUELA 8:9

Chavâta ama ao cha nathlie mah y. Anodeikuacha a sia ngaitapa ta ama hnohta zikyu a râ la, ama chô liata ryu a reih awpa bei hmotaozie awpazy chhao âmo pahnosa chhielie ha mah y,” tah ta.