ZEREMIAH 11:22 - Mara Bible RV (BSI)

²² Chavâta Pheisaihzy Abeipa ta hetana heta a tah: “Moh teh u, âmo cha ei hrie aw ei. Satliapazy zaozi ta thi aw ei ta, ama sawchapawzy nata ama sawchanôzy chakâhna ta ama thi aw.

ZEREMIAH 11:22 ပူးပေါင်းရင်းမြစ်များ

2 THÂTIHZYRONA 36:17

Chavâta âmo a dyuh awpa ta, Abeipa ta Kaldia bei pathyusa ta, ano ta ama satliazy ama supathaihpa o liata zaozi ta thie ta, satlia nata laihsa, machâpa nata pawpi nôpipazy chhao ngiachhiena rai hnei leipa ta thie lymâ ta. Abeipa ta Zerusale khihsawzy cha Kaldia bei ku liata a hlâ khai ha ei.

ZEREMIAH 18:21

Chavâta ama sawzy cha chakâhna lâ hlâ la, Zaozi hmotaotheina lâ hlâ mah y. Ama lapinôzy saw leipa ta y ei sala, Nôhmeipa ta y mawh ei sy. Ama pawhrâhpazy hri ta thi ei sala, Ama satliazy adyuhna liata zaozi ta thi mawh ei sy.

ZEREMIAH 21:14

“Nama hmotaopa theilâpa lymâ hawhta cha hrie aw ei na ta, A râhmâhpa liata mei patih aw na ta, A chheipâh liata a ypa zydua a kâ khai aw,” Abeipa ta a tah.

ZEREMIAH 44:13

Zerusale ei hriepa hawhna khata, Izi râh liata a pahrâpazy cha, zaozi nata chakâhna nata potlana ta ei hrie aw ei.

ZEREMIAH 49:26

Chavâta a satliazy cha, Tlyliahzy liata pao aw ei ta; A pheisaih zydua chhao, Cha noh ta pahleipadiapa ama châ aw,” Pheisaihzy Abeipa ta a tah.

ZEREMIAH 9:21

Eima opyzy liata thina a vaw ngia ha ta, Eima abei ozy liata chhao â ngia haw. Khiliah liata hawtizy chhawh pathlahpa ta y ei ta, Tlyliah liata satliazy chhawh pathlahpa ta ama y.

CHAPHÔHTUNA 2:21

Khiliah dohlei hry liata, Hawti machâ amâ zawh; Ei satlia laihsa zy Zaozi ta ama pao haw; Na hiehâhna noh liata thie ei ta, Ngiachhiena rai hnei leipa ta ama thie khai haw.

AMÔSÂ 4:10

“Izi râh liata ei taopa hawhna khata, Nama hry liata hri vaw tuah na ta; Nama satliazy zaozi ta thie ei na ta, Nama arâzy ei siekhei ha ei; Nama hnapasu a chahu awpa taihta, Nama riehmo cha thu roh ta ei pabie; Chatanachôta kei lâ vaw kua veih ei chi,” Abeipa ta a tah.