ZEREMIAH 11:21 - Mara Bible RV (BSI)

²¹ Chavâta na hrona la a chhuahpa ta, “Abeipa moh ta hrohsona bie phuah khah y, na phuah khiahta cha eima ku liata na thi aw,” châ tahtuhpa Anathô mo kyh liata Abeipa ta hetana heta a tah.

ZEREMIAH 11:21 ပူးပေါင်းရင်းမြစ်များ

ISAI 30:10

Hmôtheituhpazy hnohta, “Aluahna hmô khao khah u,” tah ei ta, Hrohsopazy hnohta, “Hmo dopa aluahna miah pahnosa khao leipa u la, Bie khochhihpazy tlao miah chhopa ta, Phichhyhpa hrohsona biezy tlao phuah teh u.

ZEREMIAH 1:1

He biezy he Benzami râh Anathô khihpi liata theihthaipazy hry liatapa, Hikia saw­chapawpa Zeremiah biezy a châ.

ZEREMIAH 1:19

Cha pachha awpa ta na hnohta ei ypa vâta, châ dyuh aw ei ta, châhrasala cha pahnie aw veih ei, Abeipa ta a tah,” tah ta.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

ZEREMIAH 26:8

Abeipa ta zawpi zydua hnohta rei awpa ta bie a piepazy cha Zeremiah ta a rei khaih nahta, theihthaipazy, hrohsopazy nata zawpi zydua ta Zeremiah cha patu ei ta, a hnohta, “Na thi awpa a châ!

ZEREMIAH 32:7

‘Na paw unawhpa Sâluh sawchapawpa Hâname nâ lâ a vy aw ta, na hnohta, Anathô liata ei lyu he nâ ta chalei mah y. He ei lyu he chaleipa ta chatlai theina cha nâma tovyuh a châ, tahpa ta a cha chho aw,’ tah ta.

ZEREMIAH 34:20

Ama chariahpazy nata ama hrona la a chhuahpazy ku liata hlâ aw ei na ta, ama rizy cha avâ pavawzy nata alei sazy châta ama lao a châ aw.

AMÔSÂ 2:12

“Châhrasala Nâzaraizy cha kresawhti padosapa ta, Hrohsopazy biepie ei chi ta, ‘Bie nama phuah awpa châ vei,’ nama tah tyh.

MIKÂ 7:6

Sawchapaw ta a paw saw ta rei leipa ta, Sawchanô ta a nô a dyuh ta, Myuhnô ta a nohnô tei ta, Chyhsapa chariahpazy cha, A o liata chyhsazy cheingei ama châ.

MATHAI 10:21

Thie awpa ta, unawhpa ta a unawhpa patusa aw ta, paw ta a saw a patusa aw. Sawzy ta nôpawzy a dyuh aw ei ta, ama pathiesa aw.

MATHAI 21:35

Thlyuhlaotuhpazy ta a chakaotuhpazy cha vaw patu ei ta, pakha tu ei ta, pakha thie ei ta, pakha alô ta vawh ei ta.

MATHAI 22:6

Chyhsa hropazy ta a chakaotuhpazy cha vaw patu ei ta, noza chhih ngaitapa ta taopa ta, thie ei ta.

LUKA 4:24

Chatawhcha Zisu ta, “Hmeiseihta ta ei cha chho ei, hrohsopa ahy hmahta a khih liata pasô veih ei.