ZEREMIAH 11:15 - Mara Bible RV (BSI)

¹⁵ Hmo pasichhihpa hluhpi a tao hapa ei kyhpachâpa cha, ei o liata y awpa ta khâpa thaichâna ma a hnei khao tly? Atheihna sa ta na rao nawpa a cha pakhôkhâhsa thei aw ma? Cha cha nâ palaikhei thei aw ma?

ZEREMIAH 11:15 ပူးပေါင်းရင်းမြစ်များ

HLAZY 50:16

Moleipa hnohta deikua cha, Kha­zopa ta hetana heta a tah: “Ei bieraopa bievaopa ta reih ta, Ei biehrai na hmaozy ta reih awpa ta, Khâpa biehneina ma na hnei tly?

HLAZY 60:5

Chatanachata na kyhpachâpazy cha pabohsapa ta eima y aw; Na ku chachâh lâta miah pachha la, Miah a chhy mah y!

BIESOZY 10:23

Ahrupa châta hmo doleipa taopa cha saisopa hawh châ ta, Novâhpa châta deikua sona cha hmo sôhpa a châ.

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

BIESOZY 2:14

Moleina hmo taopa liata ama thapha ta, Molei chochhiena a lypazy ama châ.

BIESOZY 21:27

Moleipa atheihna hlâpa cha pasichhihpa châ ta, Moleina palôh chhaota a hlâpa chhochhi cha pasi â chhih via pachai.

BIESOZY 26:18

Meirei nata châtai nata thina hiepatlatuhpa ahrupa hawhta,

BIESOZY 28:9

Ryhpa nathlie khoh leipa ta a nah su hro lâ a paheipa cha, A thlahchhâna chhao pasichhihpa a châ.

ISAI 50:1

Abeipa ta hetana heta a tah: “Nama nô ei papua hapa kha, Ei mana ryuchâ khataih liata a y? Leih ei bâhpa ahy hnohta ma ei cha zua ei? Pachâ teh u, nâmo moleinazy vâta zuapa châ ei chi ta, Nâmo paraonazy vâta nama nô cha papuapa a châ.

ZEREMIAH 12:7

“Ei o siesaipa ta, Ei ryuto thy ha na ta; Ei hro ta a tlaichhai ngaitapa cha, Ei hro chariahpazy hnohta ei hlâ haw.

ZEREMIAH 13:27

Na pasichhihnazy hmô na ta, Lyu tlâhzy liata nâ pheinazy ei hmô haw; Arâ paw khohpa hawhta na sâpa hmô na ta, Na sihryhna zakheichhihpa chhao ei hmô haw. Hy Zerusale, na hu a po kaw dia! Khati taih ma pathaih leipa ta na y chy aw?”

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 2:2

“Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

ZEREMIAH 23:11

“Hrohsopa nata theihthaipa ta Khazohpa papeisa leipa ei ta; Ei o chhôh cheingei liata Ama moleina ei hmô,” Abeipa ta a tah.

ZEREMIAH 3:14

“Hy ngiapâ hnôhsypa sawzy saih u, Nama vahpa ei châ hih, Vaw kua teh u. Khihpi tawhta pakha cha la aw ei na ta, Chhôh to tawhta pano lapa ta, Zaio lâ ei châ chhi aw ei,” Abeipa ta a tah.

ZEREMIAH 3:8

Ngiapâ hnôhsypa Izarei cha, â pheina zydua vâta mana châ pie na ta, ei papua hapa kha Zudâh ta a hmô. Chatanachôta a narônô haiphiahnô Zudâh ta chi hlei leipa ta, sie ta â zuah lymâ hra.

HÔSIA 3:1

Abeipa ta ei hnohta,“Izarei sawzy ta khazoh hropazy lâ tlei ei ta, amâ theihna hmohlâpa kresawhti nata kre chawhpa viahchhâzy ama tlaichhai kawna chô chhao ta Abeipa ta ama kyh a pachâpa hawhta, nâ chhao na lapinô cha a khopaw liata a châ pheisai hapa chhaota, vawh la, na kyhpachâna va palâsa heih teh,” tah ta.

MATHAI 22:11

“Abei cha kyhchhi a hlaopazy moh awpa ta a vaw ngia ta, cha liata chyhsa pakha ahneina chysia a tobi leipa hmô ta,

LUKA 8:28

Zisu a hmôpa nahta, awh ta, a hmiakô liata pao ta, ao paro ngaitapa ta, “Zisu, Khazohpa Chônôchai Sawchapawpa, ei chô liata khâpa tao awpa ma na khoh? Ei châ haw na, rie na taola khah y,” tah ta.

RAWMA 11:28

Thâtihpha kyh liata la, nâmo vâta khakhaipa châ ei ta, atlyhna kyh liata deikua cha, pathlatuhpazy vâta kyhpachâpazy ama châ.

1 KAWRINI 13:6

Kyhpachâna cha sialeina liata a ly leipa ta, bie hmeiseihpa deikua cha â ly tyh.

TITU 1:15

Mopathaihpazy châta ato pathaih ta, chyhsa puapa nata ngiapâleipazy châta deikua cha, khâpa hmah pathaih vei. Ama palôh phaozie nata ama chhie nata pha pahnona a pua khai haw.

ZÂMIE 4:16

Châhrasala a pasâhsapa ta, a palai ei chi ta, cha hawhpa apalaina zydua cha moleina a châ.