ZEREMIAH 11:12 - Mara Bible RV (BSI)

¹² Chatawhcha Zudâh khihpizy nata Zerusale khihsawzy cha, atheihna ama hlâ tyhpa khazohzy lâ pangaipa ta awsao aw ei ta, châhrasala chazy chata ama nôpona daihti pachha thei aw veih ei.

ZEREMIAH 11:12 ပူးပေါင်းရင်းမြစ်များ

2 THÂTIHZYRONA 28:22

A nôpo ngaita no chhao ta, Ahâza cha Abeipa chô liata ngâ a chhih lei via rili ta. Cha cha Bei Ahâza hro a châ.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 46:7

Khazoh nothlahpa cha, Ama ngiatlâh liata khaipa ta a pia ei ta; A su awpa liata soh ei ta, Cha liata â duah ngâ thlâh haw; A su tawhta ano kho ta a pasie thei vei. Chyhsa ta a aw khiahta cha, A chhy leipa ta; A nôpona tawhta pachha thei hra vei.

ZEREMIAH 18:15

Ei phopi deikua cha na my ei ta, Hraoleipazy lâta atheihnazy ama hlâ tyh. Chazy chata ama lâpizy liata pahluasa ei ta, Lâ hlô zy liata a pahluasa ei. Lâlai a chhih khao leipa ta, Lâkiahzy liata ama sie.

ZEREMIAH 2:28

Na khazohzy kha khataih liata ama y haw? Nâ ta nâ taopa khazohzy kha khataih liata ma ama y haw? Na nôpona daihti liata ama cha pachha thei awpa khiahta cha, Thyu bao ei sa; Hy Zudâh, Zudâh khihpi hluhpa zie ta vei ma Na khazohzy ama hluh vei?

ZEREMIAH 44:8

Khazia pahrâ awpa ta namâ vyna Izi râh liana heta khazoh hropazy lâta ropahâhpazy raopa ta, nâmo ku ta nama taopa hmozy ta ei hie eina pahâh ei chi tly? Khazia nâmosasyh ta a chhawh pathlahpa ta, khizaw phopi zydua hry liata chhiesapa nata pasipasawhpa ta nama y aw?

RYHPACHANEINA 32:37

Abeipa ta, ‘Ama khazohzy khataih lia ama y haw, Amâ chhaina lôpanô khataih lia a y haw?

RYHPACHANEINA 32:38

Amâ theihna thaw nie ei ta, Ama dopa hlâna kresawhti a doh tyhpazy kha, Khataih lia ama y haw? Vaw thyupa ta cha bao ei sala, Châ pabohsa bao ei sa!

RYUREITUHPAZY 10:14

Vawh u la, namâ tlyhpa khazohzy cha va pado teh u. Âmo chata nama nôpona daihtizy liata cha pachha mawh ei sy,” tah ta.