ZEREMIAH 10:9 - Mara Bible RV (BSI)

⁹ Tâsi tawhta tâkâ daipa vaw phaoh ei ta, Upha tawhta ngôh ama vaw phao tyh. Chazy cha zôthaipa ta a taopazy châ ei ta, Ngôh daihtuhpa kuzôzy ama châ. Ama chysiazy cha anohpa nata nohsaihpa châ ei ta, Zôthaipa taopa sai ama châ.

ZEREMIAH 10:9 ပူးပေါင်းရင်းမြစ်များ

1 ABEIZY 10:22

Abei ta tilaipi liata Tâsi balyhzy hnei ta, chazy cha Hirâ balyhzy nata sie khoh tyh ei ta. Tâsi balyhzy chata kô thôh padai ta ei kha ngôh, tâkâ, sianaoh, veituh nata varapa zy vaw phaoh tyh ta.

2 THÂTIHZYRONA 9:21

Abei balyhzy cha Hirâ chakaotuhpazy chhaota Tâsi la sie tyh ta. Tâsi balyhzy chata kô thôh padai ta ei kha, ngôh, tâkâ, sianaoh, veituh nata varapa zy vaw phaoh tyh ta.

HLAZY 115:4

Ama khazoh nothlahpazy cha, Tâkâ nata ngôh zy châ ei ta, Chyhsa ku ta taopazy ama châ.

HLAZY 72:10

Tâsi nata liahpahlô beizy ta ano lâ râhpaw pie ei sala, Sebâ nata Sibâ beizy ta kuhriazy pie mawh ei sy!

ISAI 23:6

Hy tilaipi kiah liata a ypazy saih u, Tâsi lâ haosâ kiah u la thata cha teh u!

ISAI 40:19

Khazoh nothlahpa nata ma nama pakho aw? Thua daihtuhpa ta khazoh nothlahpa daih ta, Ngôh daihtuhpa ta ngôh ta pahu ta, Tâkâ bâliazy ta a tobipa nata ma nama pakho aw?

EZEKIA 27:12

“Hmo to liata na hneirôh ngaitapa vâta, Tâsi ta châ daoh ta, na hmobaohzy cha tâkâ, thua, râhvâ nata ky zy ta a cha ri tyh.

EZEKIA 27:7

Na balyh pohraipa cha, Izi pala rih dipa ta a chei zeipa châ ta, Cha cha nâma ngiana pohraipa châta hmâpa a châ. Nohdi châta na chô khuna poh chhao, Elisâ liahpahlôzy tawhta poh nohpa nata nohsaihpazy a châ.

DÂNIAH 10:5

Avâ kaw ua na ta, kaw moh na ta, pala rih dipa chysia ta a tobi ta, Upha râh ngôh suapa chaisaihna ta a chai â saihpa chyhsa pakha hmô na ta.

HÔSIA 8:6

Viahchaotaw cha Izarei ta a taopa châ ta, Syudaihpazy ta ama daipa a châ; Khazohpa châ vei. Samâri viahchaotaw cha, Pakeichheih khaipa a châ aw.

ZAWNA 1:3

Châhrasala Zawna cha Tâsi lâ tlao a râ awpa ta Abeipa hmiakô tawhta thyu ta. Zôpâ khih lâ zu ta, Tâsi lâ a sie awpa balyh hmô ta. Sie mâ pie ta, Abeipa hmiakô tawhta a râ syulyu ha awpa ta, Tâsi lâ a sie awpazy chhaota balyh chhôh lâ cha a ngia ta.

HABAKU 2:19

Thotô hnohta, ‘Thyu teh’ tah ta, Hrona hnei leipa lôtô hnohta, ‘A hra teh,’ A tahtuhpa cha a hu a po na! Cha chata a chhihtha thei aw ma? Moh tua, ngôh nata tâkâ ta pahupa châ ta, Ano liata husona rai hnei vei.