ZEREMIAH 10:4 - Mara Bible RV (BSI)

⁴ Tâkâ nata ngôh ta tobi ei ta, Â pasie lei nawpa ta thua nata syulô ta ama khai pâ tyh.

ZEREMIAH 10:4 ပူးပေါင်းရင်းမြစ်များ

HLAZY 115:4

Ama khazoh nothlahpazy cha, Tâkâ nata ngôh zy châ ei ta, Chyhsa ku ta taopazy ama châ.

HLAZY 135:15

Phopizy khazoh nothlahpazy cha tâkâ nata ngôh zy châ ei ta, Chyhsapa ku ta taopazy ama châ.

ISAI 44:12

Thua khazoh nothlahpa tao awpa ta, Syudaihpa ta chhaichhi a chabapa ta, Meihei chô liata rai a hria; Khazoh nothlahpazy cha syulô ta daih ta, A bâh thatlôpa hmâpa ta nothlahpa cha a tao. A nodipa ta a thachhâ ta, Ti do leipa ta a panao.

ISAI 46:6

Sahria tawhta ngôh bôpa ta, Khopathliahna ta tâkâ pathliah ei ta, Ngôh daihtuhpa pahriahlaosapa ta, Ngôh nata tâkâ hmâpa ta khazoh pataosa ei ta, A bôh ei ta amâ chhy.

ISAI 46:7

Khazoh nothlahpa cha, Ama ngiatlâh liata khaipa ta a pia ei ta; A su awpa liata soh ei ta, Cha liata â duah ngâ thlâh haw; A su tawhta ano kho ta a pasie thei vei. Chyhsa ta a aw khiahta cha, A chhy leipa ta; A nôpona tawhta pachha thei hra vei.

HÔSIA 13:2

Tahmâ chhao molei via rili ei ta, Ama tâkâ ta leihpa nothlahpazy amâ tao; Cha zydua cha âmo pachâpalipa ta Zôthaipazy taopa sai a châ. Chavâta âmo kyh liata, “Atheihna a hlâpazy ta Viahchaotaw amâ pahnâ,” Ama tah tyh.

HABAKU 2:19

Thotô hnohta, ‘Thyu teh’ tah ta, Hrona hnei leipa lôtô hnohta, ‘A hra teh,’ A tahtuhpa cha a hu a po na! Cha chata a chhihtha thei aw ma? Moh tua, ngôh nata tâkâ ta pahupa châ ta, Ano liata husona rai hnei vei.