ZEREMIAH 10:3 - Mara Bible RV (BSI)

³ Phopizy phôryhpazy cha hraoleipa deita ama châ. Râhmâhpa liata tho thlu ei ta, Ahrei hmâpa ta zôthaipa ku ta khazoh nothlahpa ama tao.

ZEREMIAH 10:3 ပူးပေါင်းရင်းမြစ်များ

HLAZY 115:4

Ama khazoh nothlahpazy cha, Tâkâ nata ngôh zy châ ei ta, Chyhsa ku ta taopazy ama châ.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ZEREMIAH 1:16

Chatawhcha na siesai ei ta, khazoh hropazy lâta ropahâhpa raopa ta, âmo ku ta taopa amâ chhyna moleina zydua vâta, âmo kyh liata ei pachiana zydua ei phuah aw.

ZEREMIAH 10:8

Âmo cha ahrupa nata angâpa châ ei ta, Tho ama châpa kyh dei leipa ta cha, Nothlahpazy ta pachu awpa hropa hnei veih ei.

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 2:5

Abeipa ta hetana heta a tah: “Kei liata khâpa adoleina ma ama hmô tly, Châ pathlatuhpazy khata lâhlapi lâ na siesaipa ta, Hraoleipa a chadai ei ta, Hraoleipa lâta ama pua ha tly?

THEIHTHAINA 18:30

Chavâta hmo pasichhihpa phoryhpa, nâmo y hlâta he râh liata a vaw y tuapa phopizy ta ama taopazy kha nama tao hra lei nawpa ta, ei biepiepa he zyh u la, cha hmozy liata a papuapalei khuh vy. Kei he Abeipa nama Khazohpa ei châ,” tah ta.

MATHAI 6:7

“Thlah nama chhâ tita, Zenitaizy taozie hawhta, hraoleipa biezy reih chanei ngâ thlâh ha khuh vy. Zenitaizy ta bie hluhpi ama reipa vâta ama thlahchhâpa nathliepa awpa hawhta ama pachâ.

HMOTAOPAZY 19:26

Ephesi lia dei châ leipa ta, Asia râh zydua rô ta, he Pawla heta ku ta taopa khazohzy cha khazoh châ veih ei, tahpa ta chyhsa hluhpi pahnie ta, a patleisa khaipa kyh cha, nâmo chhao hmô ei chi ta, nama theipa a châ.

RAWMA 1:21

Khazohpa cha pahno taraw ei ta, châhrasala Khazohpa hawhta palyupalih leipa ei ta, alyna bie hlâ hra veih ei. Hmo hraoleipa tlao pachâ via ei ta, ama pathipalôh hruna cha a vaw zoh haw.

1 PITY 1:18

Châ pathlatuhpazy tawhta nama to pachhuahpa nama yzie hraoleipa tawhta a rao theipa tâkâ nata ngôh ta chatlaipa châ leipa ei chi ta,