ZEREMIAH 10:21 - Mara Bible RV (BSI)

²¹ Mietaku vaituhpazy cha ahrupa châ ei ta, Abeipa a saohiahna châh pahno veih ei. Chavâta vânoh to leipa ei ta, Ama mietaku zawzy ama pai khai haw.

ZEREMIAH 10:21 ပူးပေါင်းရင်းမြစ်များ

ZEREMIAH 10:14

Chyhsa to ahrupa châ ei ta, Pahnona hnei veih ei. Nothlahpazy cha dôveina dei châ ei ta, Âmo liata husona a y leipa vâta, Ano taopa nothlahpazy cheingei ta, Ngôh daihtuhpa cha nozapa ta ama paysa tyh.

ZEREMIAH 10:8

Âmo cha ahrupa nata angâpa châ ei ta, Tho ama châpa kyh dei leipa ta cha, Nothlahpazy ta pachu awpa hropa hnei veih ei.

ZEREMIAH 12:10

Mietaku vaituhpa hluhpi ta Ei kre sadô parao ei ta, Ei tovyuh ama tlypâ; Ei tovyuh pha ngaitapa cha, Râhchawhpa roryhrapa ama pachâsa haw.

ZEREMIAH 2:8

Theihthaipazy ta, ‘Abeipa khataih liata a y?’ Tah leipa ei ta; Ryhpa a hmâhtuhpazy chhao ta, Na pahno veih ei. Ryureituhpazy ta nâ dyuh ei ta, Hrohsopazy ta Bâlâ moh ta hrohsona bie phuahpa ta, Hmo phahnai leipazy amâ chadai.

ZEREMIAH 22:30

Abeipa ta hetana heta a tah: “He chyhsa he saw hnei leipa ta roh la, A hro chhôh ta hlaotlohna a hnei lei awpa ta roh teh. Dâvi beidyuchhai liata a tyuhpa ta, Zudâh râh liata ryureih heih awpa ta, A chipathla ahy hmahta ama hlaotloh khao aw vei.”

ZEREMIAH 49:32

“Ama râraoseihpazy cha, Hraona sôh châ aw ei ta; Ama viahchao zawzy chhao, Hraona sôh ama châ aw. Ama baih hmi a ngyupa phopi cha, Thlih pathlina su to lâta papai aw ei na ta, Kao to tawhta ama chô liata Chhiena ei vaw patlôsa aw,” Abeipa ta a tah.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

ZEREMIAH 8:9

Chyhsa sopazy maophyuh aw ei ta, Chihuhpa ta ypa ta patupa ama châ aw. Pachâ teh u, Abeipa bie ama thy ha tawhta cha, Âmo liata khâpa sona cha ma a y khao aw?

EZEKIA 34:12

Mietaku vaituhpa ta a mietaku zaw a vai nota mietaku a paipatlapazy a tluapa hawhta, ei mietakuzy cha tlua aw ei na ta, vâ panohna nata zohmyhna noh liata, ama paipatlana su zydua tawhta ei pachha aw ei.

ZEKARIA 10:3

“Mietaku vaituhpazy chô liata ei hie a hâh ngaita, Chavâta mie tôhpazy cha ei hrie aw ei; A mietaku zaw Zudâh pathlazy cha, Pheisaihzy Abeipa ta pachâ kaw ta, Adyuhna arâ chahrapa hawhta a tao aw ei.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.