ZEREMIAH 10:14 - Mara Bible RV (BSI)

¹⁴ Chyhsa to ahrupa châ ei ta, Pahnona hnei veih ei. Nothlahpazy cha dôveina dei châ ei ta, Âmo liata husona a y leipa vâta, Ano taopa nothlahpazy cheingei ta, Ngôh daihtuhpa cha nozapa ta ama paysa tyh.

ZEREMIAH 10:14 ပူးပေါင်းရင်းမြစ်များ

HLAZY 14:2

Abeipa ta vârâh tawhta chyhsa sawzy za sai ta, Novâhna hneipa ta, Khazohpa a tluapa ama y ma tahpa a za moh tyh.

HLAZY 92:6

Ahrupa ta pahno thai leipa ta, Angâpa ta he kyh he a novâh vei:

HLAZY 94:8

Hy phopi nomaoh chaipa, na novâh bâ mawh sy! Hy ahrupazy saih u, khatita ma nama so aw?

HLAZY 97:7

Nothlahpa a chhypa zydua cha, Nozapa ta sopa châ ei ta; Hraoleipa nothlahpa a palaikheipazy chhao, Nozapa ta sopa ama châ. Nâmo, khazoh zydua saih u, Ano a chhy muh vy.

BIESOZY 30:2

Hru tu ha na ta, Chyhsapa a châ tlâh chhao châ va na, Chyhsapa novâhna hnei va na.

ISAI 42:17

Tho nothlahpazy ngâ ei ta, Thua nothlahpazy hnohta, “Eima khazohzy nama châ,” A tahtuhpazy cha, Pakuasapa châ aw ei ta, Thata maopaphyuhpa ama châ aw.

ISAI 44:11

Pachâ teh u, ano zituhpa zydua cha, Maophyuhpa ta ama y aw; Zôthaipazy cha chyhsapa deita ama châ. Ama zydua ta a vy ei sala, Ama thâtih a vaw duakhei tua ei sa. Chipa ta paysapa châ aw ei ta, Maophyuhpa ta taopa ama châ aw.

ISAI 45:16

Khazoh nothlâhpa a chhytuhpa zydua cha, Nozapa nata nohzaopa ta y aw ei ta; Khazoh nothlahpa a taotuhpazy chhao, Tymâpa ta ama y aw.

ISAI 57:12

Na siana kyh phuahpa ta, Na hmotaopazy reih hraw sah la, Na châta phahnai hlei aw vei.

ZEREMIAH 10:5

Ama khazohzy cha athei lyu liata Pavaw pachisana nothlahpa hawh dei châ ei ta, Reih pathlie thei veih ei; Âmo kho ta ama sie thei leipa vâta, A sy awpa a byuh tyh. Chavâta âmo cha chi khuh vy; Hmo chhiepa tao thei leipa ei ta, Hmo phapa tao theina âmo liata y hra vei.”

ZEREMIAH 10:8

Âmo cha ahrupa nata angâpa châ ei ta, Tho ama châpa kyh dei leipa ta cha, Nothlahpazy ta pachu awpa hropa hnei veih ei.

RAWMA 1:25

Khazohpa biehmeiseihpa cha haipa ta pachâsapa ta, Taotuhpa a chhy leipa ei ta, a hmotaopazy a chhypa ta ama chakao. Taotuhpa cha chhâzaw ta reithaipa ta y mawh sy! Amen.

1 SAMUELA 5:4

A mylâ heihpa mydi kari ta ama thyu nahta, Dakao cha Abeipa Byh hmiakô liata â khu lâta vaw pao thlâh ha heih ta. Dakao luh nata a kupazah miano â tai pachhôpazy cha chhikao thaby liata a vaw thy thlâh ha ta, Dakao cha a pôhpa deita ta vaw y ta.