ZEREMIAH 10:10 - Mara Bible RV (BSI)

¹⁰ Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

ZEREMIAH 10:10 ပူးပေါင်းရင်းမြစ်များ

ÂTHAONA 21:33

Abarahâ ta Besebâ liana cha Tamâri tho loh ta, cha liata Abeipa, Chhâzaw Khazohpa moh pado ta.

1 ABEIZY 18:39

Zawpi zydua ta cha cha ama hmô nahta, â khu lâta pao ei ta, “Abeipa tlai he Khazohpa a châ, Abeipa tlai he Khazohpa a châ,” tah ei ta.

1 ABEIZY 8:60

Chatanachata khizaw phopi zydua ta Abeipa deita he Khazohpa cha a châ, Khazoh hropa y veih ei, tahpa ama pahno aw.

1 THÂTIHZYRONA 29:11

Hy Abeipa y, rônahna zy, hmotaotheina zy, palyupalihna zy, pahniena zy, abeina zy na eih châ ta, avâzy nata alei liata a ypa zydua chhao na eih a châ. Hy Abeipa, khinarâh cha na eih châ ta, ato chô lâta a to luh châta cheihchalopa na châ.

2 THÂTIHZYRONA 15:3

Bohpi chhôh Izarei cha Khazoh hmeiseihpa hnei leipa ta y ta, pachutuhpa theihthaipa nata ryhpa zy hnei leipa ta a y.

ZAWBÂ 9:6

Alei he a yna su tawhta chatho ta, A tôhzy â chalyu;

HLAZY 10:16

Abeipa cha chhâzaw nata tlyzaw ta bei châ ta, Phopizy a râh tawhta ama leidia aw.

HLAZY 100:3

Abeipa cha pahno teh u; Ano cha Khazohpa châ ta, Miah taotuhpa a châ; Keimo he a chyhsazy châ pi ta, A sibiepa su liata mietakuzy eima châ.

HLAZY 100:5

Abeipa cha pha ta, A kyhpachâna cha chhâzaw châta a daih ta, A ngâchhihna chhâ zydua taihta â daih.

HLAZY 104:32

Ano cha alei he moh ta, Chalyusa ta; Tlâhpizy hria ta, A khuh a pakhusapa a châ.

HLAZY 114:7

Hy leilô, Abeipa hmiakô liata a chalyu la, Zakaw Khazohpa mohmô ta a chalyu teh.

HLAZY 145:13

Na khinarâh cha tlyzaw khinarâh châ ta, Na ryureina chhâ zydua ta â duah aw. Abeipa cha a bie zydua liata ngâ a chhih ta, A hmotaopa zydua liata a phapa a châ.

HLAZY 146:6

Abeipa cha avâ nata alei taotuhpa châ ta, Tilaipi nata a chhôh liata a ypa zydua a taotuhpa chhao châ ta, Tlyzaw ta biehmeiseihpa a vao thlâhpa a châ.

HLAZY 18:7

Alei he a chathopa ta a chalyu ta, A hie a hâhpa vâta, Tlâhpizy abôna chhao a chachhao ta â sih.

HLAZY 29:10

Abeipa cha tipaua chô liata bei ta a tyuh ta, Abeipa cha tlyzaw ta bei ta a tyuhpa a châ.

HLAZY 31:5

Na ku liata ei thlahpa cha pavaosa na ta, Hy Abeipa, Khazoh ngâchhihpa y, Nâ ta eina chatlai ha chi.

HLAZY 42:2

Ei hro he Khazohpa vâpa ta a dâhphi ta, Khazohpa hrohpa vâpa ta a dâh a phi. Khati ta ma sie aw sah la, Khazohpa hmia ei hmô aw tly?

HLAZY 68:11

Abeipa ta bie pie ta, Cha thâtih a phuahtuhpa chanôzy cha, Ama hluh ngaita dia!

HLAZY 68:8

Khazohpa, Sinai Khazohpa hmiakô liata, Khazohpa, Izarei Khazohpa hmiakô liata, Alo a sih ta, Avâzy ta avâ a za pasuasa.

HLAZY 74:12

Hy Khazohpa, nâ cha hlâno tawhta ei Beipa châ chi ta, Alei chô zydua liata pachhana a taotuhpa na châ.

HLAZY 76:7

Nâ, nâma tlai cha chi awpa châ chi ta, Na pathi a ia ha khiahta cha, Ahy ma na hmiakô liata a duah thei aw?

HLAZY 76:8

Avâ tawhta pachiana bie phuah chi ta, Alei ta chi ta, sidiapa ta a y.

HLAZY 77:18

Na tôkalôhpa pyu cha khisô liata y ta, Na dôhlazy ta khizaw pakhaihsapa ta, Alei he a chalyu ta â chatho.

HLAZY 84:2

Ei hro ta Abeipa dôhpachhôh tlyhmiazy vâ ngaita ta, A panao khai haw; Ei palôh nata ei sapa zy ta, Kha­zohpa hrohpa lâ alyna hla ama sa.

HLAZY 9:8

Siana ta khizaw chô liata ryureih ta, Adona ta phopizy a pachia ei.

HLAZY 90:11

Ahy ma na hiehâhna hmotaotheizie pahno ta, Chi nâ chhihna nata na pathiiana chichhihzie a pahno tly?

HLAZY 90:2

Tlâhpizy ama y hlâta y ha chi ta, Leilô nata khizaw zy na padua hlâ chhao ta na y haw; Chhâzaw nata tlyzaw ta Khazohpa na châ.

HLAZY 93:2

Na beidyuchhai cha hlâno tawhta pa-ipa châ ta, Nâ cha tlyzaw tawhtapa na châ.

HLAZY 97:4

A dôhlazy ta khizaw pakhaih ta, Alei ta hmô ta â chalyu.

ISAI 37:17

Hy Abeipa y, na nah pachôh la, nathlie tua; Hy Abeipa y, na mo padeih la, moh tua. Senâkeri ta Khazohpa hrohpa pasipasawhna bie a vaw paphaopa he nathlie tua.

ISAI 37:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake biezy kha Abeipa na Khazohpa ta thei aw ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta ta.

ISAI 40:15

Pachâ tua u, phopizy cha tibyh liata ti di kha hawh dei châ ei ta, Khopathliahna liata doh chyhta a baipa hawh dei pachâpa ama châ. Pachâ tua u, Abeipa cha liahpahlôzy chhao, Hmo chyhpata hawhta a chalo thlâh hapa a châ.

ISAI 40:28

Pahno beih va chi ma? Thei beih va chi ma? Abeipa cha tlyzaw Khazohpa châ ta, Khizaw kaokih a Taotuhpa mah a châ tâh. Panao beih leipa ta, A thachhâ beih vei; A novâhzie chhao, A laichadai thei awpa rimâ châ vei.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 65:16

Kha hlâta nôponazy kha mypa châ ha ta, Ei mo tawhta nyupa a châ hapa vâta, Alei liata anosasyh ta byhnâ â awpa cha, Biehmeiseihpa Khazohpa ta byhnâ pie aw ta, Alei liata bietai a taopa cha, Biehmeiseihpa Khazohpa liata bietai a taopa a châ aw.”

ZEREMIAH 23:36

Chyhsa to châta âmo bie cha âmo phaohri châ ta, Khazohpa hrohpa, Pheisaihzy Abeipa eima Khazohpa biezy anoleipa lâta nama hmâpa vâta, ‘Abeipa phaohri,’ tahpa deikua reih khao aw veih ei chi.

ZEREMIAH 4:2

Ngâchhihna, adona nata siana ta, ‘Abeipa hrona reipa ta ei reih,’ Tahpa ta bie nâ taih khiahta cha, Phopizy cha Abeipa liata huhiehpa ta y aw ei ta, Ano amâ palaikhei aw.”

ZEREMIAH 4:24

Tlâhpizy moh na ta, A chalyu ngâ kaw ei ta, Tlâhthlôh zydua ta amâ pasie pasâ ngâ lâ.

ZEREMIAH 50:46

Babylaw pahniena pyu ta alei chalyusa aw ta, a chana ao cha phopizy ta ama thei aw.”

ZEREMIAH 51:29

“Babylaw râh cha roryhrapa ta taopa ta, Chyhsa pahrâ leina râh ta tao awpa ta, Abeipa hmochhuahpa cha a vaw tlô hapa vâta, Babylaw râh cha pasataopa ta â chalyu.

DÂNIAH 4:3

A ngiana hmozy rônah ta, A hmonoâhpazy a thatlô ngaita! A khinarâh cha tlyzaw khinarâh châ ta, A ryureina chhâ zydua ta â duah aw.

DÂNIAH 4:34

Cha nohzy chhâna liata, kei, Nebukaneza cha avâ lâ ei mo kaw khaih na ta, chatanachata ei pahnona cha kei lâta vaw kua heih ta, Chônôchaipa cha reithai na ta, tlyzaw ta a hrohpa cha reithaipa ta ei palyupalih. A ryureina cha tlyzaw ryureina châ ta, A khinarâh chhâ zydua ta â duah.

DÂNIAH 6:26

Ei ryureina râh zydua liata chyhsazy ta Dâniah Khazohpa hmiakô liata chipa ta a chalyu awpa ta biepiepa ei tao. “Ano cha Khazoh hrohpa châ ta, Tlyzaw ta a ypa a châ; A khinarâh paraopa châ beih leipa aw ta, A ryureina ta chhâna noh hnei aw vei.

DÂNIAH 6:27

Pachhapa ta, pabohsa ta, Lei nata vâ liata ngiana nata noâhpazy a tao; Chakeibarôhneipa thatlôna tawhta Dâniah a pachhatuhpa a châ,” tah ta.

DÂNIAH 7:14

Phopi to, râh to, reih to ta ano cha ama chakao thei nawpa ta, A hnohta ryureina piepa châ ta, Rônahna nata khinarâh chhao piepa a châ. A ryureina cha chhâzaw ryureina châ ta, Tleih beih aw vei; A khinarâh chhao parao theipa châ aw vei.”

ZÔELA 2:11

Abeipa cha a pheisaihzy hmiakô liata ao papua ta, A riehmo a lai ngaita; Ano cha hmotaotheipa châ ta, A bie a patlôpa a châ. Abeipa noh cha rônah ta, A rarôh y ngaita; Cha noh cha ahy ma a tao thei aw?

MIKÂ 1:4

Mei liata kheihlôh a zaopa hawhta, Pâdawhpa liata ti a chakhaopa hawhta, Tlâhpizy cha ano ry liata zao aw ei ta, Saikaozy ama kaichheih aw.

NÂHU 1:5

Ano hmiakô liata la, Tlâhpizy a sih ei ta, Tlâhthlôhzy ama zao khai; Ano mohmô liata la, Alei chhao he a chalyu ta, Khizaw nata a chhôh liata a ypa zydua amâ chalyu.

NÂHU 1:6

A ruchhôna ahy ma a dao thei aw? A hiehâhna rupa ahy ma a tao thei aw? A pathiiana cha mei hawhta patlaipa châ ta, Lôpanôzy a patlaw khai haw.

HABAKU 3:10

Tlâhpizy ta cha hmô ei ta amâ taikalô; Tisaihzy a chakhao ei ta, Tilaipi a aoh ta, A kuzy avâ lâ a pazawh.

HABAKU 3:6

A duah ta, alei chathosa ta, Moh ta, phopizy a chalyusa. Tlâhpi hlôpazy pao ei ta, Tlâhthlôh hlô thlâhpazy ama cho. A lâpizy cha chhâzaw lâpizy a châ.

MALAKHAI 3:2

Châhrasala ahy ma â vyna noh liata pachyu thei aw ta, â vaw luah tita a duah thei aw? Ano cha patina mei hawhta châ ta, chysia pasutuhpa sâhbaw hawhta a châ.

MATHAI 16:16

Saimaw Pity ta, “Mesia, Khazohpa hrohpa Sawchapawpa na châ,” tahpa ta a chhy ta.

MATHAI 26:63

Châhrasala Zisu cha a chalih thlâh ha ta. Theihthai beichaipa ta, “Khazohpa hrohpa moh reipa ta bie a taih awpa ta bie ei cha pie. Khazohpa Sawchapawpa Mesia cha na châ ma, miah chho teh,” tah ta.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

HMOTAOPAZY 14:15

“Pupa saih u, he hmozy he khazia nama tao? Keimo he nâmo nôchâ hawhpa a phaohpa chyhsapa eima châ hra. He hmo khâpa hraoleipazy he a heihsaipa ta, avâ nata alei nata tilaipi nata a chhôh liata a ypa zydua a taotuhpa Khazoh hrohpa lâ a heih awpa ta, nama hnohta thâtihpha eima vaw tlôkhei.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

RYHPACHANEINA 5:26

Keimo ta mei hry tawhta Khazohpa hrohpa bie reipa ao eima theipa hawhta thei ta, châhrasala a hrohpa chyhsa zydua hry liata ahy ma a y?

1 THYSALAWNIKA 1:9

Eima cha vaw tly nota miah namâ lyzie nata Khazohpa hrohpa nata dopa chakao awpa ta nothlahpazy tawhta Khazohpa lâ namâ heih hapa kyh miah chho ei ta,

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.

HEBRAI 10:31

Khazoh hrohpa ku liata paopa cha hmo rarôh y ngaitapa a châ.

ZAWSUA 3:10

Zawsua ta, “He hmozy liana heta Khazoh hrohpa cha nama hry liata y ta, nama hmiakô tawhta Kâna mo, Hiti mo, Hivi mo, Perizi mo, Kirkâsi mo, Amawri mo nata Zebu mozy a papua tlai aw ei tahpa nama pahno aw.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.

RYUREITUHPAZY 5:4

“Hy Abeipa, Seirâ tawhta pua chi ta, Edômâ râh tawhta na sie nona kha, Alei a chalyupa ta avâ za tla ta, Meihdozy ta ti a za pathla.

1 SAMUELA 17:26

Dâvi ta a kiah liata a duahpa pheisaihzy hnohta. “He Philistinâ chyhsa he thiepa ta, Izarei hmiachhie a patlâhtuhpa cha kheihta tao awpa ma a châ? He chopawtaileipa Philistinâ chyhsa he ahy ma châ ta, Khazohpa hrohpa pheisaihzy zua a pahao tly?” tah ta.

1 SAMUELA 17:36

Châ chakaotuhpa he chakeibarôhneipa nata chavyh zy vaw thie ha tyh na ta, he chopawtaileipa Philistinâ chyhsa chhao he, Khazohpa hrohpa pheisaihzy a pahaopa vâta, âmo hawh pyly cha a châ hra aw,” tah ta.