ZEREMIAH 1:9 - Mara Bible RV (BSI)

⁹ Chatawhcha Abeipa ta a ku vaw pazawhpa ta ei pakah vaw hria ta. Abeipa ta ei hnohta, “Moh tua, na pakah liata ei biezy ei soh haw.

ZEREMIAH 1:9 ပူးပေါင်းရင်းမြစ်များ

ISAI 49:2

Ei pakah he zaozi tiahpa hawhta tao ta, A ku nohpahli ry liata eina nyu; Châtai patliepa ta na tao ta, A châtai byh liata eina khô.

ISAI 50:4

Bie hmâpa ta thachhâpazy thapatlôzie ei pahno thei nawpa ta, Abeipa Zehôvâh ta paleih asaomâna na pachu ta, My chareih ta na pahrapa ta, Paleih asaomâna na pachu awpa ta ei nah a pahra tyh.

ISAI 51:16

Na pakah liata ei biezy soh na ta, Ei ku nohdi ta châ khutuhpa ei châ. Avâzy khi paraipa ta, Alei abônazy bô na ta, Zaio hnohta, ‘Ei phopi na châ,’ Châ tahtuhpa ei châ.”

ISAI 59:21

“Keima lâ tawhta la, he he ama hnohta ei biehrai cha a châ,” Abeipa ta a tah: “Na chô liata ei Thlahpa a ypa nata na pakah liata ei bie ei sopazy cha, tahmâ tawhta chhâzaw taihta na pakah cha puasai khao leipa aw ta, na pathlazy pakah chhao puasai leipa aw ta, na pathla pachhuahpazy pakah chhao puasai aw vei,” Abeipa ta a tah.

ZEREMIAH 15:19

Chavâta Abeipa ta hetana heta a tah: “Na vaw kua khiahta cha, Cha paduapathi aw na ta, Ei hmiakô liata nâ duah heih aw. Hmo sôhpa kyh reih la, Hmo phahnai leipa na reih leipa khiahta cha, Ei pakah hawhta na châ aw. Nâ lâ a vaw heih aw ei ta, Nâ deikua cha âmo lâ a heih aw va chi.

ZEREMIAH 34:6

Hrohsopa Zeremiah ta cha bie zy­dua cha Zerusale liata Zudâh bei Zedekia hnohta reih ta.

ZEREMIAH 36:2

“Châbu la la, na hnohta bie ei rei pathaona Zôsia daihti tawhta tanoh taihta Zerusale nata Zudâh nata phopi zydua thâtih na hnohta ei reipa zydua kha, châbu liata roh khai mah y.

ZEREMIAH 5:14

Chavâta Zehôvâh, Pheisaihzy Khazohpa ta hetana heta a tah: “Cha hawpa bie cha ama reipa vâta, Pachâh teh, ei biezy cha na pakah liata mei pachâsapa ta, He phopi he tho pachâsa aw ei na ta, Mei ta a kâ khai aw ei.

EZEKIA 3:10

Abeipa ta ei hnohta reih heih ta, “Chyhsa sawchapawpa y, na hnohta bie ei rei awpa zydua he, na nah ta thei la, na palôh liata khô ha mah y.

DÂNIAH 10:10

Chatawhcha moh teh u, ku ta na vaw hria ta, ei ku nata ei pakhuzy thata a chalyu ta, pakhu paneihpa ta na paysa ta.

DÂNIAH 10:16

Moh teh u, chyhsapa a lyupa pakha ta ei hmaozy na vaw hria ta, chatanachata ei pakah âpa ta bie reih thei ha heih na ta. Chatawhcha ei hmiakô liata a duahpa hnohta, “Hy ei zibeipa y, aluahna vâta pachârôhna ta thata na vi ta, tha rai hnei khao va na.

MALUHREINA 23:5

Abeipa ta Bâlâma pakah liata bie soh ta, “Bâlâka lâ a lie la, hetana heta kei reih teh,” tah ta.

MATHAI 10:19

Ama cha patu tita, ‘Kheihta ma bie eima reih aw, khâpa bie ma eima reih aw,’ tahpa ta nama nôpo khah sy. Nama rei awpa cha a daihtita liata piepa nama châ aw.

MÂKA 7:33

Zawpi hry tawhta ânano ta a chhi ta, a kuparozy ta a nakhaohzy cha hria ta, a pachih ta pachhao ta, a paleih hria ta.

LUKA 12:12

Nama rei awpa cha Thlahpa Pathaihpa ta a daihtita liata a cha pachu lymâ aw ei,” tah ta.

LUKA 21:15

Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.

RYHPACHANEINA 18:16

Hôribâ liata ahmaohpakhy noh ta, nâmo tlai ta, ‘Abeipa eima Khazohpa ao cha keimo ta thei khao leipa aw pi ta, mei ru ngaitapa chhao he hmô khao leipa ta eima y aw, chataleipatala eima thi pathlei aw,’ tah ei chi ta, Abeipa nama Khazohpa lâta nama khozie namâ hawpa hawhna khata, keima hawhpa hrohsopa a cha paduapa aw ei.

RYHPACHANEINA 18:17

Abeipa ta ei hnohta, ‘Ama bie reipa a pha na.

RYHPACHANEINA 18:18

Ama unawhzy hry tawhta nâ hawhpa hrohsopa paduapa aw ei na ta, a pakah liata ei biezy soh aw na ta, a hnohta bie ei piepa zydua ama hnohta a rei pachhuah tyh aw.