ZEREMIAH 1:8 - Mara Bible RV (BSI)

⁸ Âmo cha chi khah y, Cha pachha awpa ta na hnohta ei y aw, Abeipa ta a tah,” tah ta.

ZEREMIAH 1:8 ပူးပေါင်းရင်းမြစ်များ

PUASAINA 3:12

Khazohpa ta, “Na hnohta ei y aw. Keima tuapa tlai na châ tahpa, he he nâma châta ngiana a châ aw: Izi râh tawhta phopi na kaw puakhei ti ei ta, he tlâh liana tlai heta Khazohpa nama chakao aw,” tah ta.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

ISAI 51:7

“Nâmo, siana a pahnopazy saih u, Na nathlie u la; Ei ryhpa bie palôh liata a vaopazy saih u, Na nathlie teh u. Chyhsa ta ama reipachhiena chi leipa u la, Ama riethlana vâta nama nôpo khah sy.

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

ZEREMIAH 1:19

Cha pachha awpa ta na hnohta ei ypa vâta, châ dyuh aw ei ta, châhrasala cha pahnie aw veih ei, Abeipa ta a tah,” tah ta.

ZEREMIAH 20:11

Châhrasala Abeipa cha, Pasaipha chichhihpa hawhta ei hnohta y ta, Nâ taolatuhpazy cha pao aw ei ta, Na pahnie aw veih ei. Ama hlao a tloh lei awpa vâta, Nozapa ta ama y aw. Ama chhâzaw nohzaona cha, Mypa ta y beih aw vei.

ZEREMIAH 30:11

Cha pachha awpa ta na hnohta khâ y na ta, Ei cha papaina phopi zydua tlokhuh ei pachhâsa aw ei; Nâ deikua cha tlokhuh ta cha pachhâsa aw va na. Hrie leipa ta cha paysa cheita leipa aw na ta, Châhrasala â daihpa rakha ta ei cha hrie aw,” Abeipa ta a tah.

ZEREMIAH 39:11

Babylaw bei Nebukaneza ta Zeremiah kyh liata pheisaih hyutuhpa Nebuzarâdâ hnohta,

ZEREMIAH 42:11

Babylaw bei nama chi kawpa he chi khuh vy. A ku tawhta cha pachha awpa nata cha papua awpa ei ta, ei cha ypâ thlâh ha ei mâh tâh. Chavâta ano cha chi khuh vy, Abeipa ta a tah.

DÂNIAH 3:17

Patina meihô liata thypa eima châpa chhao ta, eima chakaopa eima Khazohpa ta patina meihô ru ngaitapa tawhta miah pachha thei ta, Hy abei y, nâma ku tawhta chhao miah a pachha thei.

DÂNIAH 3:25

Ano ta ama hnohta, “Moh teh u, chyhsa papalih chahry leipa ta mei hry liata a hlaihlâ ngâpa ei hmô ei, pasana chhao hnei veih ei; a papalihna a lâzie chhochhi cha khazohzy sawchapawpa hawhta a châ,” tah ta.

MATHAI 10:26

“Chavâta âmo cha chi khuh vy. A lâ lei awpa ta khupa khâpa hmah y leipa ta, pahno lei awpa ta phihpa khâpa hmah y vei.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

HMOTAOPAZY 18:10

Na hnohta ei y mâh tâh, cha pasasa awpa ta ahy hmahta na chô liata ama ku hy aw veih ei, he khihpi liata chyhsa hluhpi ei hnei,” tah ta.

HMOTAOPAZY 26:17

Na chiheihzy nata Zenitaizy lâ cha tuah aw na ta, âmo tawhta ei cha pachha aw.

HMOTAOPAZY 4:13

Pity nata Zawhâna riahphazie cha hmô ei ta, châthai leipa nata chyhsa zawrâpa dei ama châpa ama pahno nahta, ama noâh kaw ta. Zisu hnohta a y tyhpa ama châpa pahno ha ei ta.

HMOTAOPAZY 4:29

Hy Abeipa, ama pachhiparynazy he pachâ tua. Châ chakaotuhpazy he riahpha ngaitapa ta na bie reih lymâ awpa ta miah bao mah y.

EPHESI 6:20

Thâtihpha ei rei awpa cha riahphapa ta ei rei thei nawpa ta, lyuhchâpa bâlia a kypa ei châ.

RYHPACHANEINA 31:6

Thatlôpa nata riahphapa ta y u la, âmo cha chi leipa u la, thlazohpa ta y hra khuh vy. Nama hnohta a siepa cha Abeipa nama Khazohpa châ ta, cha my leipa aw ei ta, cha pathlua aw veih ei,” tah ta.

RYHPACHANEINA 31:8

Abeipa nama hmia lâta sie aw ta, nama hnohta y aw ta, cha siesai beih leipa aw ei ta, cha pathlua beih aw veih ei. Chi leipa u la, a ngiaroh hra khuh vy,” tah ta.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.