ZEREMIAH 1:7 - Mara Bible RV (BSI)

⁷ Châhrasala Abeipa ta ei hnohta, “‘Hawtipa deita châ na ta,’ tah khah y, Ei cha tuana phopi zydua lâ sie aw chi ta, Bie ei cha piepa maih na rei awpa a châ.

ZEREMIAH 1:7 ပူးပေါင်းရင်းမြစ်များ

1 ABEIZY 22:14

Châhrasala Mikai ta, “Abeipa hrona reipa ta ei reih, Abeipa ta ei hnohta a reipa deita ei reih aw,” tah ta.

1 ABEIZY 3:7

Hy Abeipa ei Khazohpa y, châ chakaotuhpa he ei paw Dâvi su liata bei ta eina tao chi hih. Kei la hawtipa dei châ na ta, yzia dâh nata bierei kahthlâ chhao pahno thai va na.

2 THÂTIHZYRONA 18:13

Mikai ta, “Abeipa hrona reipa ta ei reih, ei Khazohpa ta a reipa deita ei reih aw,” tah ta.

PUASAINA 6:29

Abeipa ta Mawsi hnohta, “Kei he Abeipa ei châ. Na hnohta ei reipa zydua Izi bei Phiraoh chho mah y,” tah ta.

ZEREMIAH 26:2

“Abeipa ta hetana heta a tah: Abeipa o dôhpachhôh tlyhmia liata a duah la, Abeipa a chhy awpa ta Abeipa o lâ a vypa Zudâh khihpi zydua cha, ama hnohta rei awpa ta bie ei cha piepa zydua kha chho la, bie miakha hmah phih khah y.

ZEREMIAH 43:1

Zudâh laibâhpazy hnohta bie reih awpa ta, Abeipa ama Khazohpa ta Zeremiah cha âmo lâ tuah ta. Abeipa ama Khazohpa bie zydua cha Zeremiah ta zawpi zydua hnohta a reih khai nahta,

ZEREMIAH 7:27

“He bie zydua he ama hnohta na reih awpa a châ. Châhrasala cha nathlie pyly aw veih ei. Âmo cha aw aw chi ta, châ chhy pyly aw veih ei.

EZEKIA 2:7

Saw chhorupazy châ ei ta, ama nathlie tlyma, nathlie vei tlyma, ei biezy he ama hnohta na rei awpa a châ.

EZEKIA 3:27

Na hnohta bie ei rei tita deikua cha, na pakah pahy aw na ta, ama hnohta, ‘Abeipa Zehôvâh ta hetana heta a tah,’ na tah aw. A thei khohpa ta thei aw ta, a thei khoh leipa cha thei leipa ta a y aw. Saw chhorupazy ama châ.

AMÔSÂ 7:15

Châhrasala Abeipa ta mietaku zaw vaina tawhta na la ta, Abeipa ta ei hnohta, ‘Sie la, ei phopi Izarei hnohta bie kei phuah teh,’ eina tah.

ZAWNA 3:2

a hnohta, “Thyu la, Ninivâ khihpi, hao khihpi rônahpa lâ hao sie la, bie rei awpa ei cha chhopa kha a hnohta kei phuah teh,” tah ta.

MALUHREINA 22:20

Cha zâ liata, Khazohpa cha Bâlâma lâ a vy heih ta, a hnohta, “Chyhsazy cha nâma dy awpa ta a vypa ama châ khiahta cha, thyu la, ama hnohta sie mah y. Anodeikua ei cha chhopa deita na tao awpa a châ,” tah ta.

MALUHREINA 22:38

Bâlâma ta Bâlâka hnohta, “Moh teh, nâ lâ ei vy ha hih! Châhrasala keima kho ta bie to rei theina biehneina hnei va na. Khazohpa ta ei pakah liata a sopa bie deita ei rei awpa a châ,” tah ta.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.