ZEREMIAH 1:3 - Mara Bible RV (BSI)

³ Abeipa bie he Zôsia sawchapawpa Zudâh bei Zehôki â bei daihti liata chhao vaw tlô ta, Zôsia sawchapawpa Zudâh bei Zedekia abeina kô hrawh hleikhana chhâna taihta vaw tlô lymâ ta, thla pangawhna liata Zerusale sei ta â tahna daihti taihta a vaw tlô lymâ.

ZEREMIAH 1:3 ပူးပေါင်းရင်းမြစ်များ

2 ABEIZY 23:34

Phiraoh Nekô ta Zôsia sawchapawpa Eliakima cha a paw Zôsia su liata bei ta tao ta, a moh Zehôki tahpa ta a panano. Zehôahâ deikua cha Izi râh lâ siekhei ta, cha liata thi ha ta.

2 ABEIZY 24:17

Babylaw bei ta Zehôkhi paw unawhpa Mâtaniah cha Zehôkhi su liata bei ta tao ta, a moh Zedekia tahpa ta a thla.

1 THÂTIHZYRONA 3:15

Hezy he Zôsia sawchapawzy ama châ: A sawchapaw uhtheipa cha Zôhanâ châ ta, panona Zehôki châ ta, pathôhna Zedekia châ ta, papalihna cha Sâluh a châ.

ZEREMIAH 1:4

Abeipa bie cha ei hnohta vaw tlô ta,

ZEREMIAH 34:1

He he Babylaw bei Nebukaneza nata a pheisaih zydua nata a ryureina ry liata a ypa khizaw khinarâh zydua nata phopi zydua ta Zerusale nata a khihpi zydua amâ dyuh hai nota, Abeipa tawhta Zeremiah hnohta bie a vaw tlôpa a châ.

ZEREMIAH 35:1

He he Zôsia sawchapawpa Zudâh bei Zehôki â bei nota, Abeipa tawhta Zeremiah hnohta bie a vaw tlôpa a châ.

ZEREMIAH 36:2

“Châbu la la, na hnohta bie ei rei pathaona Zôsia daihti tawhta tanoh taihta Zerusale nata Zudâh nata phopi zydua thâtih na hnohta ei reipa zydua kha, châbu liata roh khai mah y.

ZEREMIAH 39:2

Zedekia abeina kô hrawh hleikhana, thla palihna, cha thla noh chakina noh ta, khihpi thokhy cha su kha liata pacho thei ha ei ta.

ZEKARIA 7:5

“Râh chhôh liata chyhsa zydua nata theihthaipazy hiahri teh, ‘Kha kô sysari chhôh zydua liata, thla pangawhna nata thla sarina maihta kâhvileipa ta nata mâchhiesapa ta nama y tyhpa kha, keima châta kâhvileipa ta a ypa nama châ tlai ma?

ZEKARIA 8:19

“Pheisaihzy Abeipa ta hetana heta a tah: Thla palihna kâhvileina, thla pangawhna kâhvileina, thla sarina kâhvileina nata thla hrawhna kâhvileina daihtizy he alyna nata thaphana lâta a lie aw ei ta, Zudâh châta alyna kyhchhizy lâta amâ lie aw. Chavâta adona nata adyhna pasô muh vy.