ZEREMIAH 1:2 - Mara Bible RV (BSI)

² Amawna sawchapawpa Zudâh bei Zôsia daihti, â beina kô hrawh hleithôhna liata, Zeremiah hnohta Abeipa bie a vaw tlôpa a châ.

ZEREMIAH 1:2 ပူးပေါင်းရင်းမြစ်များ

1 ABEIZY 13:2

Khazohpa chyhsa chata Abeipa bie ta maisâh cha awsao ta, “Hy maisâh, maisâh, Abeipa ta hetana heta a tah: ‘Nathlie teh, Dâvi pathlazy hry liata sawchapawpa, a moh Zôsia vaw pih aw ta, na chô liata atheihna a hlâ tyhpa su sâhpa theihthaipazy kha thie aw ta, âmo cha na chô liata vaw hlâ aw ta, chyhsapa rureihzy na chô liata raopa a châ aw,’” tah ta.

1 ABEIZY 13:20

Tlâhkhai ama dôh nota, a kuakheituhpa hrohsopa hnohta Abeipa bie vaw tlô ta.

2 ABEIZY 21:18

Manase cha a pathlatuhpazy hnohta a mô ta, a o sadô, Uza sadô liata pabu ei ta, a sawchapawpa Amawna ta ano su liata â bei.

2 ABEIZY 21:24

Châhrasala râh zawpizy ta Bei Amawna a teituhpa zydua cha thie ei ta, a sawcha­pawpa Zôsia cha ano su liata bei ta ama tao haw.

2 ABEIZY 22:3

Bei Zôsia â beina kô hrawh hleichariena liata, abei ta Mesulâ sawchapawpa Azaliah sawchapawpa chârohtuhpa Sâphâ cha, Abeipa o lâ tuah ta, a hnohta,

ZEREMIAH 1:11

Abeipa bie ei hnohta vaw tlô ta, “Zeremiah, khâpa na hmô?” tah ta. Kei ta, “Kuasâh tho chôchahrei ei hmô,” tah na ta.

ZEREMIAH 1:4

Abeipa bie cha ei hnohta vaw tlô ta,

ZEREMIAH 25:3

“Amawna sawchapawpa Zudâh bei Zôsia abeina kô hrawh hleithôhna tawhta tanoh taihta, Kô kih nata kô thôh chhôh tlai, Abeipa bie ei hnohta vaw tlô tyh ta. Cha biezy cha nama hnohta ei phuah chanei ngâ thlâh ha tyh. Châhrasala nathlie veih ei chi.

ZEREMIAH 28:12

Hrohsopa Hânaniah ta hrohsopa Zeremiah rao tawhta raopaky thlie pachhô ta a pahluh khai tawhta, Zeremiah hnohta Abeipa bie vaw tlo ta:

ZEREMIAH 3:6

Bei Zôsia â bei nota, Abeipa ta ei hnohta hetana heta tah ta: “Ngiapâ leipa Izarei hmotaopa, tlâh sâhpa to lâ kiah ta, tho hrohpa ry to liata â zuah tyhpa kha na hmô ma?

ZEREMIAH 36:2

“Châbu la la, na hnohta bie ei rei pathaona Zôsia daihti tawhta tanoh taihta Zerusale nata Zudâh nata phopi zydua thâtih na hnohta ei reipa zydua kha, châbu liata roh khai mah y.

HÔSIA 1:1

He biezy he Zudâh râh liata Uzia, Zôthâ, Ahâza nata Hezekia zy amâ beina daihti nata Izarei râh liata Zôasâ sawchapawpa Zerôbôâ â bei nota Beri sawchapawpa Hôsia hnohta Abeipa bie vaw tlôpazy a châ.

ZÔELA 1:1

He he Pethua sawchapawpa Zôela hnohta a vaw tlôpa Abeipa bie a châ.

ZAWNA 1:1

Amitai sawchapawpa Zawna hnohta Abeipa bie vaw tlô ta,

MIKÂ 1:1

He he Zudâh bei Zôthâ, Ahâza nata Hezekia zy amâ bei nota, Môrese khihpa Mikâ hnohta Samâri nata Zerusale kyh Abeipa bie a vaw tlôpa a châ.

ZEPHANIA 1:1

He bie he Amawna sawchapawpa, Zudâh bei Zôsia â bei nota, Hezekia sawchapawpa Amaria, Amaria sawchapawpa Kedaliah, Kedaliah sawchapawpa Kusi, Kusi sawchapawpa Zephania hnohta Abeipa bie a vaw tlôpa a châ: .