ZEREMIAH 1:19 - Mara Bible RV (BSI)

¹⁹ Cha pachha awpa ta na hnohta ei ypa vâta, châ dyuh aw ei ta, châhrasala cha pahnie aw veih ei, Abeipa ta a tah,” tah ta.

ZEREMIAH 1:19 ပူးပေါင်းရင်းမြစ်များ

HLAZY 129:2

A châ na, ei thyutlia no tawhta ei hluhpi na pasasa ei ta, Châhrasala na pahnie veih ei.

ZEREMIAH 1:18

Pachâ teh, he noh liana heta Zudâh râh zydua châta thokhy khihpi ta cha tao na ta, thua tôh nata dawh thokhyzy ta ei cha tao. Zudâh beizy, a beimachâzy, a theihthaipazy nata râhsawzy châta thokhy khihpi châ aw chi ta, thua tôh nata dawh thokhyzy na châ aw.

ZEREMIAH 1:8

Âmo cha chi khah y, Cha pachha awpa ta na hnohta ei y aw, Abeipa ta a tah,” tah ta.

ZEREMIAH 11:19

Kei deikua cha mietakutaw nônaipa Thie awpa ta amâ chhipa hawhta ei châ. “Tho cha a thei chhaota parao sih la, A moh a thei thlâhpa a châ khao lei nawpa ta, Ahrohpa râh tawhta chhawh pathlah ha suh u,” Ama tahpa kha, Ei chô liata tao amâ chhuahpa a châpa Vaw pahno leipa na ta.

ZEREMIAH 11:21

Chavâta na hrona la a chhuahpa ta, “Abeipa moh ta hrohsona bie phuah khah y, na phuah khiahta cha eima ku liata na thi aw,” châ tahtuhpa Anathô mo kyh liata Abeipa ta hetana heta a tah.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 2:1

Abeipa bie ei hnohta vaw tlô heih ta,

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

ZEREMIAH 20:11

Châhrasala Abeipa cha, Pasaipha chichhihpa hawhta ei hnohta y ta, Nâ taolatuhpazy cha pao aw ei ta, Na pahnie aw veih ei. Ama hlao a tloh lei awpa vâta, Nozapa ta ama y aw. Ama chhâzaw nohzaona cha, Mypa ta y beih aw vei.

ZEREMIAH 26:8

Abeipa ta zawpi zydua hnohta rei awpa ta bie a piepazy cha Zeremiah ta a rei khaih nahta, theihthaipazy, hrohsopazy nata zawpi zydua ta Zeremiah cha patu ei ta, a hnohta, “Na thi awpa a châ!

ZEREMIAH 30:11

Cha pachha awpa ta na hnohta khâ y na ta, Ei cha papaina phopi zydua tlokhuh ei pachhâsa aw ei; Nâ deikua cha tlokhuh ta cha pachhâsa aw va na. Hrie leipa ta cha paysa cheita leipa aw na ta, Châhrasala â daihpa rakha ta ei cha hrie aw,” Abeipa ta a tah.

ZEREMIAH 39:17

Nâ deikua cha, cha noh liata cha pachha aw na ta, na chi kawpa chyhsazy ku liata hlâpa châ aw va chi, Abeipa ta a tah.

ZEREMIAH 42:11

Babylaw bei nama chi kawpa he chi khuh vy. A ku tawhta cha pachha awpa nata cha papua awpa ei ta, ei cha ypâ thlâh ha ei mâh tâh. Chavâta ano cha chi khuh vy, Abeipa ta a tah.

ZEREMIAH 46:28

Hy nâ chakaotuhpa Zakaw, chi khah y, Ei cha ypâ mâh tâh. Ei cha to papuana phopi zydua cha, Tlokhuh ei pachhâsa aw ei; Nâ deikua cha tlokhuh cha pachhâsa aw va na. Hrie leipa ta deikua y leipa aw chi ta, Dâh dopa ta ei cha chhorei aw,” Abeipa ta a tah.

DÂNIAH 3:25

Ano ta ama hnohta, “Moh teh u, chyhsa papalih chahry leipa ta mei hry liata a hlaihlâ ngâpa ei hmô ei, pasana chhao hnei veih ei; a papalihna a lâzie chhochhi cha khazohzy sawchapawpa hawhta a châ,” tah ta.

MALUHREINA 14:9

Abeipa chô liata a ty leipa u la, cha râh liata chyhsazy cha chi hra khah u, âmo cha eima châta viahchhâ hawh deita ama châ; amâ bohna cha âmo tawhta la hapa châ ta, Abeipa eima hnohta a y mâh tâh, âmo cha chi khah u,” tah ei ta.

HMOTAOPAZY 26:17

Na chiheihzy nata Zenitaizy lâ cha tuah aw na ta, âmo tawhta ei cha pachha aw.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.