ZEREMIAH 1:18 - Mara Bible RV (BSI)

¹⁸ Pachâ teh, he noh liana heta Zudâh râh zydua châta thokhy khihpi ta cha tao na ta, thua tôh nata dawh thokhyzy ta ei cha tao. Zudâh beizy, a beimachâzy, a theihthaipazy nata râhsawzy châta thokhy khihpi châ aw chi ta, thua tôh nata dawh thokhyzy na châ aw.

ZEREMIAH 1:18 ပူးပေါင်းရင်းမြစ်များ

ISAI 50:7

Châhrasala Abeipa Zehôvâh ta na bao ta, Chavâta nohzaopa ta y va na. Chavâta pachielô hawhta ei hmia pachâ na ta, Maophyuh aw va na tahpa ei pahno.

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

ZEREMIAH 1:19

Cha pachha awpa ta na hnohta ei ypa vâta, châ dyuh aw ei ta, châhrasala cha pahnie aw veih ei, Abeipa ta a tah,” tah ta.

ZEREMIAH 15:10

Ei nô y, alei chô zydua a patypamâtuhpa nata a chakhiatuhpa ta eina sapa chi he, ei hu a po kaw dia! A pôhna hneipa ta ei sôh chyhsa dyu pacheisa beih leipa na ta, chyhsa sôh dyuchei beih hra va na. Chatanachôta ama zydua ta chhie eina sapa ei.

ZEREMIAH 15:20

He phopi châna heta, Dawh thokhy pâhchhô ta ei cha tao aw; Cha pachha awpa nata cha pabohsa awpa ta, Na hnohta ei ypa vâta, Châ dyuh aw ei ta, Cha pahnie aw veih ei, Abeipa ta a tah.

ZEREMIAH 20:11

Châhrasala Abeipa cha, Pasaipha chichhihpa hawhta ei hnohta y ta, Nâ taolatuhpazy cha pao aw ei ta, Na pahnie aw veih ei. Ama hlao a tloh lei awpa vâta, Nozapa ta ama y aw. Ama chhâzaw nohzaona cha, Mypa ta y beih aw vei.

ZEREMIAH 21:4

“Zedekia cha hetana heta kei chho teh u, ‘Abeipa, Izarei Khazohpa ta hetana heta a tah: Pachâ teh, thokhy khôtho lâta châ dôhtuhpa Babylaw bei nata Kaldia mo nâ dyuhna chariah chhaichhi na ku liata a ypazy kha, nâ lâ vaw pakuasa aw na ta, Babylaw bei nata Kaldia mo cha, he khihpi chhôh lâ hmaohkha ta ei vaw pangiasa aw ei.

ZEREMIAH 26:24

Zeremiah deikua cha, Sâphâ sawchapaw­pa Ahikâ ta thie lei awpa ta a ku pazawh ha ta, chavâta thie awpa ta zawpi lâ hlâpa châ vei.

ZEREMIAH 34:3

A ku tawhta pua leipa aw chi ta, patupa châ tlai aw chi ta, a ku liata hlâpa na châ aw. Na mo tlai ta Babylaw bei cha hmôpa ta, hmiachhy ta bie a chho aw chi ta, Babylaw râh lâ na sie aw.’

ZEREMIAH 37:7

“Abeipa, Izarei Khazohpa ta hetana heta a tah: Keima nâ saohiah awpa ta châ vaw tuahtuhpa Zudâh bei hnohna chata hetana heta kei chho muh vy, ‘Pachâ teh, nâma cha bao awpa ta â khypa Phiraoh pheisaihzy cha, âmo râh, Izi râh lâ amâ lie aw.

ZEREMIAH 38:18

Babylaw bei beimachâzy liata nâ hlâ leipa khiahta deikua cha, khihpi he Kaldia mo ku liata hlâpa châ aw ta, mei ta rao aw ei ta, ama ku tawhta pua cheita aw va chi,” tah ta.

ZEREMIAH 38:2

“Abeipa ta hetana heta a tah: he khihpi liata a ypazy cha, zaozi nata chakâhna nata potlana ta thi awh ei ta, Kaldia mo lâ a puapazy deikua cha ama hroh aw. Chariah patupa hawhta hroh aw ta, a hrona chhâ cha a pabohsa aw.

ZEREMIAH 42:22

Chavâta tahmâ a siapa ta pahno teh u. Sie ta pahrâ awpa nama khona su liana tlai chata zaozi nata chakâhna nata potlana ta nama thi aw,” tah ta.

ZEREMIAH 6:27

“Ei phopi hroziezy pahnopa ta na pasia thei nawpa ei ta, Ei phopi hry liata thua pasiatuhpa ta ei cha tao.

ZAWHÂNA 1:42

Adaru ta Saimaw cha Zisu lâ a chhi ta, Zisu ta ano cha vaw moh ta, “Zawhâna sawchapawpa Saimaw na châ, Kephâ ama cha tah ha bâ aw,” tah ta. Kephâ cha Pity tahna a châ.

BIEPHUAH 3:12

Pahnietuhpa cha ei Khazohpa Achhyna o liata otôh ta tao aw na ta, cha su tawhta pua khao aw vei. Ano liata ei Khazohpa moh nata ei Khazohpa khihpi, Zerusale thiehpa moh roh aw na ta, cha cha ei Khazohpa tawhta a za chôpa moh châ aw ta, vârâh tawhta a za chô awpa moh a châ. Cha cha ei moh thiehpa a châ aw.