ZEREMIAH 1:17 - Mara Bible RV (BSI)

¹⁷ Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

ZEREMIAH 1:17 ပူးပေါင်းရင်းမြစ်များ

1 ABEIZY 18:46

Abeipa ku cha Elaizâh chô liata y ta, a viahkao pasipa cha a chaisaih liata hnaoh ta, Ahabâ hmia lâta Zezari khih angiana taihta a râ lymâ ta.

2 ABEIZY 1:15

Abeipa vâlyuhchâpa ta Elaizâh hnohta, “A hnohta zu teh, abei cha chi khah y,” tah ta. Chatanachata thyu ta, pheisaih sypangawh hyutuhpa hnohta abei lâ cha zu ta.

2 ABEIZY 4:29

Elaisâh ta Kehâzi hnohta, “Na chai a saih la, ei chôchahrei he na ku ta chaba la, sie teh. Chyhsa nâ tyh khiahta cha, a naoh leipa la, chyhsa ta ama châ naohpa chhao ta, a naoh palie leipa la, ei chôchahrei he hawtipa hmia liata kei pahnieh mah y,” tah ta.

2 ABEIZY 9:1

Hrohsopa Elaisâh ta hrohsopa sahlao sawchapawzy hry liata pakha aw ta, a hnohta, “Na chai a saih la, he sathaw byh he na ku ta chaba la, Ramôkilia khih lâ vawh teh.

ZAWBÂ 38:3

Chapaw kawpa ta na chai a saih la, Bie cha hiahri aw na ta, Nâ chhy mah y.

PUASAINA 3:12

Khazohpa ta, “Na hnohta ei y aw. Keima tuapa tlai na châ tahpa, he he nâma châta ngiana a châ aw: Izi râh tawhta phopi na kaw puakhei ti ei ta, he tlâh liana tlai heta Khazohpa nama chakao aw,” tah ta.

PUASAINA 7:2

Bie ei cha piepa zydua reih aw chi ta, na unawhpa Arawna ta Phiraoh hnohta Izarei sawzy a râh tawhta pasiesa awpa ta a chho aw.

ZEREMIAH 1:18

Pachâ teh, he noh liana heta Zudâh râh zydua châta thokhy khihpi ta cha tao na ta, thua tôh nata dawh thokhyzy ta ei cha tao. Zudâh beizy, a beimachâzy, a theihthaipazy nata râhsawzy châta thokhy khihpi châ aw chi ta, thua tôh nata dawh thokhyzy na châ aw.

ZEREMIAH 17:18

Na taolatuhpazy cha maophyuhpa ta y ei sala, Kei deikua cha maophyuhpa ta na paysa khah y. Âmo cha thlazohpa ta y ei sala, Kei deikua cha thlazohpa ta na paysa khah y; Ama chô liata chhiena noh patlôsa la, Raona a pathopa ta âmo cha parao mah y!

ZEREMIAH 23:28

Mâsapa a hneipa hrohsopa ta a mâsapa cha reih sala, ei bie a hneipa ta ei bie cha ngâchhihpa ta reih mawh sy. Sâh kô nata sâh hmô zy khâpa alyuna ma ama hnei?” Abeipa ta a tah.

ZEREMIAH 26:12

Zeremiah ta beimachâzy nata zawpi zydua hnohta, “Bie nama theipa zydua kha, Abeipa ta na tuah ta, he o nata he khihpi rao nawpa kyh hrohsona bie eina paphuahsapazy a châ.

ZEREMIAH 26:2

“Abeipa ta hetana heta a tah: Abeipa o dôhpachhôh tlyhmia liata a duah la, Abeipa a chhy awpa ta Abeipa o lâ a vypa Zudâh khihpi zydua cha, ama hnohta rei awpa ta bie ei cha piepa zydua kha chho la, bie miakha hmah phih khah y.

ZEREMIAH 36:8

Neriah sawcha­pawpa Bâruka ta hrohsopa Zeremiah ta bie a piepa zydua cha tao ta, châbu liata Abeipa biezy cha Abeipa o liata reih ta.

CHAPHÔHTUNA 3:57

Ei cha aw tita nâ vaw hnia chi ta, ‘Chi khah y!’ eina tah chi.

ZAWNA 3:2

a hnohta, “Thyu la, Ninivâ khihpi, hao khihpi rônahpa lâ hao sie la, bie rei awpa ei cha chhopa kha a hnohta kei phuah teh,” tah ta.

LUKA 12:35

“Chai a saihpa ta y thlâh ha u la, nama meiôh khâ ia mawh sy.

HMOTAOPAZY 20:20

Ei bâh pathliah beih leipa na ta, nama châta a phahnai awpa biezy zawpi ahmaohna liata cha pachu ei na ta, o to kiapa ta ei cha pachu tyh ei.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

1 KAWRINI 9:16

Thâtihpha ei chhopa chhao heta, a palai nawpa hnei va na. Tao lei thei lei awpa ta ei chô liata a pahnieh tlôh ta. Thâtihpha ei chho vei khiahta la, ei hu a po aw!

1 THYSALAWNIKA 2:2

Nama pahnopa hawhta, Philipi khih liata riethei taopa ta nata maoh paphyuhsapa ta eima ypa chhao khata, eima Khazohpa ta riahphana miah pie ta, pakhâpadiena hluhpi hry liata nama hnohta Khazohpa thâtihpha eima cha vaw chho.

1 PITY 1:13

Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.