ZEREMIAH 1:16 - Mara Bible RV (BSI)

¹⁶ Chatawhcha na siesai ei ta, khazoh hropazy lâta ropahâhpa raopa ta, âmo ku ta taopa amâ chhyna moleina zydua vâta, âmo kyh liata ei pachiana zydua ei phuah aw.

ZEREMIAH 1:16 ပူးပေါင်းရင်းမြစ်များ

2 ABEIZY 22:17

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su he ei pathiiana mei ta pakâ aw na ta, pachhaipa châ aw vei.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 28:2

Izarei beizy lâpi tlao a chhihpa ta, Bâlâ khazoh nothlah leihpazy tao ta.

2 THÂTIHZYRONA 34:25

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su chô liata ei pathiiana mei lei thlu aw na ta, pachhaipa châ aw vei.

2 THÂTIHZYRONA 7:19

“Nama hmiakô liata ei sopa, ei bieraopazy nata ei biepiepazy a heihsaipa ta, khazoh hropazy pangaipa ta, âmo cha chakaopa ta namâ chhy khiahta deikua cha,

ISAI 2:8

Ama râh cha khazoh nothlahpazy ta bie ta, Ama ku ta ama taopazy hmia liata a bôh ei ta, Âmo kuparo ta a taopazy hmia liata amâ bôh tyh.

ISAI 37:19

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

ISAI 44:15

Chatanachata cha thozy cha, Chyhsa châta meithu a vaw châ tyh. Zôthaipa ta tho cha patlaw ta, Thokha mei liata tipa ta a aih ta; Thokha cha viahchhâ tao nawpa ta Mei patina châta a hmâh tyh. Cha tho tawh pyly ta, Khazoh taopa ta a chhy ta; Khazoh nothlahpa tao ta, A hmiakô liata â bôh tyh.

ISAI 65:3

Âmo cha sadôzy liata atheihnazy hlâ ei ta, Leiraopazy chô liata ropahâhpazy raopa ta, Hmiadaisâ ta ei hie nâ pahâh tyhpa phopi ama châ.

ZEREMIAH 10:15

Phahnaina a hnei leipa châ ei ta, Dôveina raihria a châ; Âmo hriena daihti liata ama leidia aw.

ZEREMIAH 10:3

Phopizy phôryhpazy cha hraoleipa deita ama châ. Râhmâhpa liata tho thlu ei ta, Ahrei hmâpa ta zôthaipa ku ta khazoh nothlahpa ama tao.

ZEREMIAH 11:12

Chatawhcha Zudâh khihpizy nata Zerusale khihsawzy cha, atheihna ama hlâ tyhpa khazohzy lâ pangaipa ta awsao aw ei ta, châhrasala chazy chata ama nôpona daihti pachha thei aw veih ei.

ZEREMIAH 11:17

Izarei pathlazy nata Zudâh pathlazy ta hmo pha leipa tao ei ta, Bâlâ lâta atheihna hlâpa ta ei hie eina pahâhpa vâ ei ta, nâma châ lohtuhpa Pheisaihzy Abeipa ta na chô liata chhiena patlôsa awpa ta a phuah haw.”

ZEREMIAH 15:6

Na thy ha chi ta, Hnôh nâ sy lymâ. Chavâta na chô liata ei ku hy na ta, Ei cha pahleipadia haw; A ngiapachhi tiah khao va na, Abeipa ta a tah.

ZEREMIAH 16:11

hetana heta nâ chhy aw ei: ‘Châ pathlatuhpazy ta kei na siesaipa ta, khazoh hropazy pazi ei ta, cha khazohzy cha chakaopa ta, a chhy ei ta, kei na siesaipa ta, ei ryhpa ama zyh leipa vâta a châ.

ZEREMIAH 17:13

Hy Abeipa, Izarei hnabeiseihpa y, Châ siesaipa zydua cha maophyuh aw ei ta, Châ tleisaipazy chhao, Abeipa, hrona tihnawh ama siesaipa vâta, Dohlei liata moh ropa hawhta ama leidia aw.

ZEREMIAH 18:15

Ei phopi deikua cha na my ei ta, Hraoleipazy lâta atheihnazy ama hlâ tyh. Chazy chata ama lâpizy liata pahluasa ei ta, Lâ hlô zy liata a pahluasa ei. Lâlai a chhih khao leipa ta, Lâkiahzy liata ama sie.

ZEREMIAH 19:4

Kei na siesai ei ta, âmo nata âmo pathlatuhpazy nata Zudâh beizy ta ama pahno beih leipa khazoh hropazy lâta atheihnazy hlâ ei ta, he su he papuapalei ei ta, thaileina a hnei leipazy thisaih ta ama pabie haw.

ZEREMIAH 2:13

“Ei phopi ta hmo miano ama parao haw: Kei, hrona tihnawh he na siesai ei ta, Âmo châta tikhaoh â chao ei ta, Ti a o thei lei awpa tikhaoh amâ chao.

ZEREMIAH 2:17

Abeipa na Khazohpa ta lâpi liata a cha chhihtha nota Nâ râsaipa vâta, Nâma tlai ta cha hmo cha Na chô liata na patlôsapa châ vei ma?

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

ZEREMIAH 2:28

Na khazohzy kha khataih liata ama y haw? Nâ ta nâ taopa khazohzy kha khataih liata ma ama y haw? Na nôpona daihti liata ama cha pachha thei awpa khiahta cha, Thyu bao ei sa; Hy Zudâh, Zudâh khihpi hluhpa zie ta vei ma Na khazohzy ama hluh vei?

ZEREMIAH 4:12

Thlih ru ngaitapa eina vaw pathli thlu aw. Châhrasala kei ta âmo cha ei pachia aw ei.

ZEREMIAH 4:28

Cha vâna chata alei cha, Mâchhiesapa ta y aw ta, Chô lâ avâzy a zoh aw. Bie reih ha na ta, Ei chhuah haw; A ngiapachhi leipa na ta, Pathleih hra aw va na.”

ZEREMIAH 44:17

Keimo nata miah pathlatuhpazy nata eima beizy nata eima beimachâzy heta, Zudâh khihpizy nata Zerusale khiliahzy liata eima tao tyhpa hawhna khata, avâ beinô lâ ropahâhpazy raopa ta, dopa hlânazy ano lâ patlai aw pi ta, bie eimâ taihpa zydua eima tao aw. Kha daihti liana kha niedo hluhpi hneipa ta, thlaochhipa ta y pi ta, chhiena a tyh ma pi.

ZEREMIAH 5:29

He hmozy vâna heta hrie aw veih ei na ma? He hawhpa phopi chô liana heta ei phuh la aw va na ma?” Abeipa ta a tah.

ZEREMIAH 5:9

Cha hmozy vâna chata hrie aw veih ei na ma? Cha hawhpa phopi chô liata ei phuh la aw va na ma?” Abeipa ta a tah.

ZEREMIAH 51:17

Chyhsa to ahrupa châ ei ta, Pahnona hnei veih ei. Nothlahpazy cha dôveina dei châ ei ta, Âmo liata husona y vei; Chavâta ano taopa nothlahpazy cheingei ta, Ngôh daihtuhpa cha nozapa ta a paysa tyh.

ZEREMIAH 7:17

Zudâh khihpizy liata nata Zerusale khiliahzy liata ama hmotaopazy hmô va chi ma?

ZEREMIAH 7:18

Sawzy ta tho pakhy ei ta, pawzy ta mei patih ei ta, chanôzy ta Avâ Beinô châta viahchhâ tao nawpa viahdie neih ei ta, ei hie na pahâh awpa ta, khazoh hropazy lâta dopa hlânazy ama hlâ tyh.

ZEREMIAH 7:9

Paru ei chi ta, liany cheih ei chi ta, a phei ei chi ta, haipa ta bie a taih ei chi ta, Bâlâ lâ atheihna hlâpa ta, nama pahno beih leipa khazoh hropa nama pazi.

EZEKIA 16:18

Na chysia chapaipazy lapa ta, âmo cha bu chi ta, ei sathaw nata ei ropahâhpa zy ama hmiakô liata na sopa tyh ei.

EZEKIA 24:14

Kei Abeipa ta reih ha na ta, a vaw tlô tlai aw. Ei tao tlai aw. A sy leipa aw na ta, pahlôh hra leipa aw na ta, pathleih hra aw va na. Na hroziezy nata na hmotaopazy hawhta pachiapa na châ aw, Abeipa Zehôvâh ta a tah.”

HÔSIA 11:2

Awpa ama châ via nahta, Amâ pahla via rili; Bâlâzy lâ atheihna hlâ ei ta, Nothlahpazy lâ hmo ama hlâ tyh.

HÔSIA 8:6

Viahchaotaw cha Izarei ta a taopa châ ta, Syudaihpazy ta ama daipa a châ; Khazohpa châ vei. Samâri viahchaotaw cha, Pakeichheih khaipa a châ aw.

ZÔELA 2:11

Abeipa cha a pheisaihzy hmiakô liata ao papua ta, A riehmo a lai ngaita; Ano cha hmotaotheipa châ ta, A bie a patlôpa a châ. Abeipa noh cha rônah ta, A rarôh y ngaita; Cha noh cha ahy ma a tao thei aw?

HMOTAOPAZY 7:41

Cha nohzy liata, viahchao taw nothlahpa tao ei ta, nothlahpa lâ cha atheihna hlâ ei ta, âmo ku ta taopa chô liata thapha ngaitapa ta y ei ta.

RYHPACHANEINA 28:20

“Hmo pha leipazy taopa ta, Abeipa nama tleisaipa vâta, Abeipa ta nama ku raihria zydua liata chhiesana, tymâna nata palôh chhâna zy vaw tuah aw ta, pahleipadiapa châ aw ei chi ta, thlai nama leidia aw.

RYHPACHANEINA 31:16

Abeipa ta Mawsi hnohta, “Pachâ teh, châ pathlatuhpazy hnohta nâ mô nawpa daihti â hnia haw. He phopi he thyu aw ei ta, pahrâ awpa ta ama pangaipa râh liata chihropa khazohzy liata amâ phei aw. Na pathlua aw ei ta, ama hnohta ei hraipa ei biehrai ama parao aw.

ZAWSUA 24:20

Abeipa siesaipa ta râh hropa khazohzy nama chakao khiahta cha, nama chô liata hmo phapa a vaw tao hapa chhao ta, châ heihnaohpa ta hmo pha leipa ta cha thô aw ei ta, a cha pahleipadia aw ei,” tah ta.

BIEPHUAH 9:20

Khizaw chyhsa hropa, cha potlanazy ta a thie leipazy ta ama ku ta taopazy amâ chhypa tawhta ro khoh to veih ei. A hmô thei leipa, a thei thei leipa nata a sie thei leipa ngôh nothlahpa, tâkâ nothlahpa, dawh nothlahpa, alô nothlahpa nata tho nothlahpa achhyna nata ahripazy achhyna bâsai hlei veih ei.